Read Batak Simalungun HOSEA 8 Bible Online

HOSEA 8 - Batak Simalungun bible

HOSEA 8

¹“Bahen ma tarompit in hu pamanganmu! Ai adong do songon manuk-manuk sipanoroh i babou ni rumah ni Jahowa; ai iosei sidea do padan-Ku, anjaha ilaosi titah-Ku. [58]

²Dilo-dilo sidea hu Bangku, ʻHam Naibatangku, hanami halak Israel, itanda hanami do Ham!ʼ

³Itulak Israel do na madear, halani ai pardakdakon ni munsuh do sidea.

⁴Ipabangkit sidea do raja, tapi seng marhitei Ahu. Iangkat kopala-kopala, tapi seng ibagas botoh-Ku. Humbani pirak pakon omas ni sidea ipauli do gana-gana bahen hamagouan ni sidea sandiri. [59]

⁵Sogam do uhur-Hu bani anak ni lombumu, ale Samaria. Gara do ringis-Ku dompak sidea. Piga dokah nari nani, ase pitah sidea i Israel? [60]

⁶Tukang omas do mambahen anak ni lombu ai, sedo Naibata ai. Tongon, anak ni lombu ni Samaria ai, maningon ropukon do ai. [61]

⁷Logou do itidahkon sidea, jadi habahaba ma sabionni. Gandum na i juma seng marbuyur, seng dong dapot topung hunjai. Anggo mambere gogoh ai, halak na legan do mamangani ai. [62]

⁸Hona bondut do Israel, domma songon hudon na so marguna sidea bani bangsa-bangsa. [63]

⁹Ai laho do sidea hu Assur, sasadasi songon halode liar, igaji-gaji do na mangkaholongisi. [64]

¹⁰Age pe iboli hasoman sariah i tongah-tongah ni bangsa-bangsa, podas ma erapon-Ku sidea. Maronti ma sidea lobei pabangkit raja ampa kopala-kopala.

¹¹Tongon ipabuei Efraim do anjapanjap bani, gabe mambahen mardousai ai bani sidea.

¹²Marlaksa-laksa pe titah-Ku Husuratkon bani, ihira sidea do ai songon podah na ganjil.

¹³Marosuh do sidea manggalang; igalangkon sidea do gulei, anjaha ipangan do ai, tapi seng marosuh Jahowa mangidah ai. Idingat do sonari hajahaton ni sidea, anjaha ibalaskon do dousa ni sidea; sai mulak do sidea hu Masir. [65]

¹⁴Lupa do Israel bani na manompasi, anjaha ipauli do panumbahan-panumbahan; ipabuei Juda huta na pinatoguh, tapi tongoson-Ku do apuy bani huta-hutani, jadi bois ma panganonni benteng-bentengni.” [66]