Read Batak Simalungun JONA 2 Bible Online

JONA 2 - Batak Simalungun bible

JONA 2

¹Dob ai iparoh Jahowa ma sada dengke na banggal laho mamondut si Jona, jadi ibagas bituha ni dengke ai ma si Jona, tolu ari tolu borngin. [6]

²Dob ai martonggo ma si Jona hubani Jahowa Naibata, humbani bituha ni dengke ai,

³nini ma, “Dilo-dilo do ahu ibagas hasosakanku hubani Jahowa, jadi ibalosi do ahu; humbani bituha ni nagori toruh do dilo-dilo ahu, itangihon Ham do sorangku. [7]

⁴Igijigkon Ham do ahu hu na bagas, hu tongah-tongah ni laut, gabe iinggoti bah do ahu; ganup umbakmu ampa gilumbangmu mardalan i babouhu. [8]

⁵Anggo ahu, domma huhatahon, domma pinabali ahu hun lobei ni panonggor-Mu. Sonaha ma boi ahu use mangkawah dompak rumah hapansingon-Mu? [9]

⁶Bah do rungkub i babouhu, iinggoti bah na bagas do ahu, anjaha limut maralit-alit bani ulungku. [10]

⁷Tuad do ahu ronsi bona ni dolog, anjaha pating-pating ni tanoh pe domma tutup i pudingku lalab. Ijia ma ipatangkog Ham goluhku humbagas godung, ale Jahowa Naibatangku. [11]

⁸Sanggah mandatei hosahku ibagas, hudingat ma Jahowa; jadi das ma tonggongku Bamu, hu rumah hapansingon-Mu. [12]

⁹Tapi halak na mambalosi sisombahon sisoya-soya, na manadingkon haporusanni do sidea ai. [13]

¹⁰Tapi anggo ahu marhasoman sora puji-pujian do ahu manggalang Bamu, galaronku do na dob hubagahkon. Bani Jahowa do haluahon.” [14]

¹¹Dob ai marsahap ma Jahowa hubani sengke ai; jadi iutahkon ma si Jona bani na horah.