Read Batak Simalungun 4 MUSA 33 Bible Online

4 MUSA 33 - Batak Simalungun bible

4 MUSA 33

¹On do parsaranan ni halak Israel, sanggah na luar sidea hun tanoh Masir rap pakon bala ni sidea, na binobahon ni si Musa pakon si Aron.

²Dob ai isuratkon si Musa ma parbingkatan ni sidea pakon parsaranan ni sidea romban hubani hata ni Jahowa; anjaha on do parsaranan ni sidea, dob luar sidea.

³Bingkat do sidea hun Raemses bani bulan sada, ari sapuluh lima bulan sada; patarni dob salpu Paskah ai bingkat ma halak Israel marhitei tangan na gogoh i lobei ni haganup halak Masir, [286]

⁴sanggah na mananom sagala bunga tubuhni halak Masir ai, na dob binunuh ni Jahowa hun tongah-tongah ni sidea; mangonai uhum do homa Jahowa hubani sagala naibata ni sidea. [287]

⁵Jadi bingkat ma halak Israel hun Raemses, anjaha marsaran ma sidea i Sukkot. [288]

⁶Bingkat ma sidea hun Sukkot, anjaha marsaran ma sidea i Etam, ai ma na i topi ni halimisan. [289]

⁷Bingkat ma sidea hun Etam, dob ai marhusor dompak Pi-Hahirot tontang ni Baal-Zefon; anjaha marsaran ma sidea ilobei ni Migdol. [290]

⁸Bingkat ma sidea hun Pi-Hahirot, anjaha mandipar ma sidea hun tongah-tongah ni laut hu halimisan, anjaha mardalan ma sidea tolu ari pardalanan daohni i halimisan Etam, dob ai marsaran ma sidea i Mara. [291]

⁹Bingkat ma sidea hun Mara anjaha das ma hu Elim; i Elim adong do sapuluh dua bah tubuh pakon pitu puluh kambona kurma, anjaha marsaran ma sidea ijai. [292]

¹⁰Bingkat ma sidea hun Elim anjaha marsaran ma i topi ni Laut Sigerger.

¹¹Bingkat ma sidea hun Laut Sigerger anjaha marsaran ma i halimisan Sin. [293]

¹²Bingkat ma sidea hun halimisan Sin anjaha marsaran ma i Dofka.

¹³Bingkat ma sidea hun Dofka, anjaha marsaran ma i Alus.

¹⁴Bingkat ma sidea hun Alus anjaha marsaran ma i Papidim; seng dong bah bahen inumon ni bangsa ai ijai. [294]

¹⁵Bingkat ma sidea hun Papidim, anjaha marsaran ma sidea i halimisan dohorhon Sinai. [295]

¹⁶Bingkat ma sidea hun halimisan dohorhon Sinai, anjaha marsaran ma sidea i Kibrot-Hattaawa. [296]

¹⁷Bingkat ma sidea hun Kibrot-Hattaawa, anjaha marsaran ma sidea i Haserot. [297]

¹⁸Bingkat ma sidea hun Haserot, anjaha marsaran ma i Ritma. [298]

¹⁹Bingkat ma sidea hun Ritma anjaha marsaran ma i Rimon-Peres.

²⁰Bingkat ma sidea hun Rimon-Peres anjaha marsaran ma i Libna.

²¹Bingkat ma sidea hun Libna anjaha marsaran ma i Risa.

²²Bingkat ma sidea hun Risa anjaha marsaran ma i Kehelat.

²³Bingkat ma sidea hun Kehelat anjaha marsaran ma i Har-Safer.

²⁴Bingkat ma sidea hun Har-Safer anjaha marsaran ma i Harada.

²⁵Bingkat ma sidea hun Harada anjaha marsaran ma i Makhelot.

²⁶Bingkat ma sidea hun Makhelot anjaha marsaran ma i Tahat.

²⁷Bingkat ma sidea hun Tahat anjaha marsaran ma i Tarah.

²⁸Bingkat ma sidea hun Tarah anjaha marsaran ma i Mitka.

²⁹Bingkat ma sidea hun Mitka anjaha marsaran ma i Hasmona.

³⁰Bingkat ma sidea hun Hasmona anjaha marsaran ma i Moserot.

³¹Bingkat ma sidea hun Moserot anjaha marsaran ma i Bene-Jaakan. [299]

³²Bingkat ma sidea hun Bene-Jaakan anjaha marsaran ma i Hor-Gidgad.

³³Bingkat ma sidea hun Hor-Gidgad anjaha marsaran ma sidea i Jotbata. [300]

³⁴Bingkat ma sidea hun Jotbata anjaha marsaran ma i Aberona.

³⁵Bingkat ma sidea hun Aberona anjaha marsaran ma i Ezion-Geber.

³⁶Bingkat ma sidea hun Ezion-Geber anjaha marsaran ma i halimisan Sin, ai ma Kades. [301]

³⁷Bingkat ma sidea hun Kades anjaha marsaran ma i bona ni Dolog Hor, i parbalogan ni Edom. [302]

³⁸Dob ai tangkog ma Malim Aron hu atas ni Dolog Hor, hinatahon ni Jahowa, anjaha matei ijai, bani tahun paompatpuluhon, dob luar halak Israel hun Masir, bani ari sada bulan lima.

³⁹Marumur saratus dua puluh tolu tahun do si Aron, sanggah na matei ia i Dolog Hor.

⁴⁰Ijia ma ibogei halak Kanaan, Raja Arad, na marianan i tanoh Kanaan hampit dangsina, na roh ai halak Israel. [303]

⁴¹Bingkat ma sidea hun Dolog Hor anjaha marsaran ma i Zalmona.

⁴²Bingkat ma sidea hun Zalmona anjaha marsaran ma i Punon.

⁴³Bingkat ma sidea hun Punon anjaha marsaran ma i Obot. [304]

⁴⁴Bingkat ma sidea hun Obot anjaha marsaran ma i Iye-Abarim i parbalogan ni Moab. [305]

⁴⁵Bingkat ma sidea hun Iye-Abarim anjaha marsaran ma i Dibon-Gad.

⁴⁶Bingkat ma sidea hun Dibon-Gad anjaha marsaran ma i Almon-Diblataim.

⁴⁷Bingkat ma sidea hun Almon-Diblataim anjaha marsaran ma bani Dolog Abarim i lobei ni Nebo. [306]

⁴⁸Bingkat ma sidea hun Dolog Abarim anjaha marsaran ma i pamah Moab na bani topi ni Jordan, tontang ni Jeriko. [307]

⁴⁹Marsaran ma sidea bani topi ni Jordan singgan ni Bet-Jesimot das hu Abel-Sittim i pamah Moab. [308]

⁵⁰Dob ai nini Jahowa ma hubani si Musa i pamah Moab, na i topi ni Jordan, tontang ni Jeriko.

⁵¹“Hatahon ma hubani halak Israel, ia dob idipari hanima Jordan masuk hu tanoh Kanaan,

⁵²maningon usironnima do ganup pangisi ni tanoh ai hun lobeinima, anjaha maningon parbolahonnima do ganup gana-gana batu ni sidea, anjaha maningon parsedaonnima do gana-gana tinuang ni sidea, anjaha sagala buntu-buntu panggalangan ni sidea maningon parreongonnima do.

⁵³Anjaha maningon hanima do na manean tanoh ai anjaha marianan ijai, ai domma Hubere tanoh ai bennima, ase hanima simada ai.

⁵⁴Anjaha maningon bagionnima do tanoh ai bennima mar sasamarga marhitei na manjomput na sinurat; anggo buei halakni maningon pagandaonmu parbagiananni, anggo otik, paotikonmu ma parbagiananni; barang na ija na tinuduh ni na sinurat ai, ai ma parbagiananni; marguru hubani marganima mar sasaompung dapotan parbagianan hanima. [309]

⁵⁵Tapi anggo seng iusir hanima pangisi ni tanoh ai hun lobeinima, jadi simasima ni sidea na tinebahonnima ai, gabe duri ma ai ibagas matanima anjaha gabe suga ibagas binongeinima, anjaha sosakonni ma hanima i tanoh na niianannima. [310]

⁵⁶Anjaha usih songon na husurahon bahenon-Ku hubani sidea, bahenon-Ku bennima.”