Read Batak Simalungun SAKARIA 10 Bible Online

SAKARIA 10 - Batak Simalungun bible

SAKARIA 10

¹“Pangindo nasiam ma udan humbani Jahowa bani panorang mungkah ni parudan; Jahowa do sibahen hombun ampa habahaba, Ia do sibere udan bani nasiam ampa udan hubani sagala suan-suanan na i juma. [76]

²Ai ladung do isahapkon terapim, anjaha sipartondung manondungi sipaoto-oto; nipi na so tongon do ihatahon sidea, anjaha apoh-apoh na lumei iberehon. Halani ai kahou do sidea songon hulanan ni biribiri, anjaha masombuh do sidea, halani lang adong parmahan. [77]

³Manringis do Ahu bani parmahan anjaha uhumon-Ku do sipambobai; ai isarihon Jahowa Zebaot do hulanan-Ni, ai ma ginompar ni Juda, anjaha bahenon-Ni do sidea songon huda pinajagar i parporangan. [78]

⁴Humbani sidea do rohni batu parsuhi, humbani sidea do homa paku ni lampolampo; humbani sidea do rohni panah sipakeion i parporangan, humbani sidea do rohni haganup tene siparkuasa. [79]

⁵Doskon puanglima do sidea i parporangan, na mandogei munsuhni ibagas hubang na i alaman; nai ma, marporang do sidea, anjaha bador do ibahen sidea bala siparhuda, ai Jahowa do hasoman ni sidea. [80]

⁶Margogoh do bahenon-Ku ginompar ni Juda anjaha paluahon-Ku ginompar ni si Josep. Boanon-Ku do sidea mulak, ai marpangulaki do uhur-Hu mangidah sidea, anjaha gabe songon na so ongga Huambukkon do sidea holi idahon, ai Ahu do Jahowa Naibata ni sidea, anjaha tangihonon-Ku do sidea.

⁷Gabe doskon puanglima do ia Efraim, anjaha malas uhur ni sidea songon binahen ni anggur. Idahon ni anak ni sidea ma ai gabe marmegah-megah, anjaha marolob-olob uhur ni sidea ibagas Jahowa. [81]

⁸Bahenon-Ku ma tanda bani sidea laho patumpuhon sidea; ai domma Hutobus sidea, anjaha pabueion-Ku do sidea songon sapari.

⁹Age pe Hupamerap sidea i tongah-tongah ni bangsa-bangsa, dingaton ni sidea do Ahu i nagori na madaoh, jadi manggoluh ma sidea rap pakon dakdanak ni sidea anjaha mulak use. [82]

¹⁰Boanon-Ku do sidea mulak hun tanoh Masir, anjaha patumpuon-Ku sidea hun tanoh Assur; jadi boanon-Ku ma sidea mulak hu tanoh Gilead ampa hu Libanon, pala seng dong be hasiatan bani sidea ijai.

¹¹Diparan ni sidea ma Laut Masir; bogbogan ma gilumbang ni laut ai, anjaha pahorahon ganup na bagas i Bah Nil. Reongkonon ma gijang ni uhur ni Assur, anjaha paereton tungkot harajaon ni Masir. [83]

¹²Pargogohon-Ku ma sidea marhitei Jahowa, anjaha mamuji-muji sidea ibagas goran-Ni,” nini Jahowa.