Read Batak Simalungun SAKARIA 3 Bible Online

SAKARIA 3 - Batak Simalungun bible

SAKARIA 3

¹Dob ai ipataridahkon ma hu bangku si Josua, sintua ni malim ai, jongjong i lobei ni malekat ni Jahowa, anjaha setan ai jongjong i siamunni, manukas-nukasisi. [19]

²Tapi nini Jahowa ma dompak setan ai, “Papaan ni Jahowa ma ho, ale Setan! Jahowa, na manodoh Jerusalem ma na mamapai ho! Ai lang sipu-sipu do ia on, na nidokdok humbani apuy?” [20]

³Tapi marhiou na mabutak do si Josua jongjong i lobei ni malekat ai. [21]

⁴Jadi nini malekat ai ma dompak halak na jongjong i lobeini ai, “Tanggali ma baju na butak ai hun bani.” Tapi hubani sandiri, nini ma, “Tonggor ma, domma hupadaoh hun bamu panlanggaronmu, anjaha sorungkononku ma bamu pakeian pesta.” [22]

⁵Jadi ningku ma, “Mahua inahkon sidea ma sada gotong-gotong bani uluni ai.” Jadi inahkon sidea ma sada gotong-gotong na borsih hu atas uluni, anjaha isorungkon ma homa hiou bani; anjaha malekat ni Jahowa ai jongjong i lambungni. [23]

⁶Dob ai nini malekat ni Jahowa ai ma palumbahon si Josua,

⁷“Sonon do hata ni Jahowa Zebaot, ʻAnggo mardalan ho bani dalan-Ku, anjaha idalankon ho horja na Huondoskon in bam, jadi ho ma na manggomgom rumah-Ku ampa na manjagai alaman-Ku, anjaha lopason-Ku ma ho marparsaoran ampa sidea na jongjong on ijon.ʼ [24]

⁸Tangihon ma, ale Sintua ni Malim Josua, ho ampa hasomanmu na jongjong i lobeimin, ai tanda pasal na sihol roh do hanima, ʻTonggor ma, parohon-Ku ma juakjuak-Ku, si Tumbor. [25]

⁹Ai tonggor ma, bani batu na dob Hutibalhon ai i lobei ni si Josua (bani batu na sasada ai adong pitu mata), hujai ma uhirhonon-Ku suratni ai,ʼ nini Jahowa Zebaot, ʻanjaha Ahu manasap hajahaton ni tanoh in ibagas na sadari. [26]

¹⁰Bani ari ai,ʼ nini Jahowa Zebaot, ʻganup hanima marsiontangan ma marlinggom hu toruh ni hayu anggurni ampa hu toruh ni hayu arani.ʼ ” [27]