Read Batak Simalungun SAKARIA 9 Bible Online

SAKARIA 9 - Batak Simalungun bible

SAKARIA 9

¹Pangungkabon: Roh do hata ni Jahowa dompak tanoh Hadrah anjaha sogop i Damaskus. Ai Jahowa do simada huta-huta na i Aram ampa ganup marga ni Israel, [65]

²sonai homa Hamat, na marbalog hujai, Tirus ampa Sidon, age pe pentar tumang sidea. [66]

³Tongon, ipauli Tirus do bani sada benteng anjaha ipajunjun bani pirak songon orbuk ampa omas songon hubang na i alaman;

⁴tapi tangar ma, tabanon ni Jahowa ma huta ai, sampakkonon-Ni ma bentengni ai hu laut, anjaha bois ma huta ai panganon ni apuy.

⁵Idahon ni Askalon ma ai, gabe mabiar; age Gasa, jadi hitir ma; Ekron pe maningon bador do ia pasal siarapkononni ai. Maningon masab do raja hun Gasa, anjaha seng marpangisi ia Askalon. (Jer. 47)

⁶Anak salong-salongan mando marianan i Asdod, anjaha masabkonon-Ku ma pangenjengon ni halak Palistim.

⁷Buaton-Ku ma daroh ai hun pamanganni ampa hasamboron na hinorjahon ni sidea ai hun holangkolang ni iponni; gabe simasima do age sidea bani Naibatanta, gabe songon sada marga do sidea i Juda, anjaha Ekron gabe songon halak Jebusi. [67]

⁸Ahu sandiri mangawal bani rumah-Ku dompak halak na marhujai-hujon; seng dong be sipanosak-nosak na mandorab sidea, ai matang-Ku sandiri do nuan mangidah ai. [68]

⁹ Marmalas ni uhur tumang ma ho, ale boru Sion, marolob-olob ma ho, ale boru Jerusalem! Tonggor ma, na roh do Rajamin marayak ho; parpintor anjaha siparmonang do Ia. Toruh do uhur-Ni anjaha mangajak halode, anak ni halode boru-boru. [69]

¹⁰Siapkonon-Ni do gareta porang hun Efraim ampa huda porang hun Jerusalem, siapkonon-Ni do homa sior na pinakei marporang. Dob ai ambilankonon-Ni ma damei bani bangsa-bangsa, anjaha gomgoman-Ni hun laut hu laut, hun Eprat das ronsi ujung ni tanoh on. [70]

¹¹Marhalanihon ni daroh parpadananmu paluahon-Ku do homa halak na tarbuang hun bam, humbani godung, na so marisi bah. [71]

¹²Mulak ma hanima hu bentengnima, hanima na tartangkap, lompit dua do pasuangon-Ku bannima. [72]

¹³Ai Husintak do Juda Bangku songon sior, anjaha Efraim do Hubahen gabe lingkitni. Diloon-Ku do anakmu, ale Sion, manlawan anakmu ale Tanoh Gorik, anjaha bahenon-Ku ma ho songon podang ni puanglima. [73]

¹⁴Jadi talar ma Jahowa ibabou ni sidea, anjaha luar lingkit-Ni songon hilap; sompulon ni Naibata Jahowa ma tarompit anjaha bingkat ma Ia. [74]

¹⁵Jahowa Zebaot do na mangondingi sidea, jadi monang ma sidea anjaha bois idogei batu ni umbalang; jadi inumon ni sidea ma daroh ni sidea songon anggur, gabe gok ma songon batil panggalangan, songon suhi-suhi ni anjapanjap.

¹⁶Bani ari ai urupan ni Jahowa Naibata ni sidea ma sidea, ai hulanan ni bangsa-Ni do sidea; ai songon batu intan ni sortali, sonai do maningon marsinondang sidea i tanohni.

¹⁷Tongon, dearni in anjaha jengesni in ai! Gandum ampa anggur martumbor ibahen, sonai homa anak parana ampa anak boru. [75]