Read Batak Simalungun MALEAKI 4 Bible Online

MALEAKI 4 - Batak Simalungun bible

MALEAKI 4

¹“Tonggor ma, na roh ma ari ai, gara songon pamurunan, jadi gabe doskon anggala ma ganup halak na jungkat maruhur ampa halak parjahat; tutungon ni ari na sihol roh ai ma sidea,” nini Jahowa Zebaot, “anjaha seng dong tading bani sidea bahenon-Ni urat atap ranting pe. [34]

²Tapi poltak ma anggo bannima, sagala na marhabiaran bani goran-Ku, mata ni ari ni hapintoron, marhasoman hamalumon i toruh ni habongni, songon anak ni lombu na manlumpat-lumpat humbagas harang. [35]

³Jadi dogeionnima ma halak parjahat, ai maningon gabe abuan do sidea i toruh ni tapak ni naheinima bani na marlulu ai Ahu,” nini Jahowa Zebaot. [36]

⁴Sai padingat-dingat hanima ma titah ni si Musa, juakjuak-Kai, titah ampa aturan, na Huondoskon ai bani i Dolog Horeb, sipadason bani haganup Israel. [37]

⁵Tonggor ma, suruhon-Ku ma bannima Nabi Elias, parlobei ni parroh ni ari ni Jahowa na bolon anjaha na majombut ai. [38]

⁶Anjaha ia ma na paulakkon uhur ni bapa bani anakni, anjaha uhur ni anak bani bapani, use ulang roh Ahu mangkonahon papa bani tanoh on. [39]