Read Batak Simalungun JOSUA 12 Bible Online

JOSUA 12 - Batak Simalungun bible

JOSUA 12

¹On do raja-raja ni tanoh ai, sagala na tinaluhon ni halak Israel, na manoluk tanoh ni sidea i dipar ni Jordan, hampit hapoltakan, hun bah Arnon nari das hu Dolog Hermon, pakon ganup tanoh hondot na hampit hapoltakan.

²Si Sihon, raja ni halak Amori, na marianan i Hesbon, na manggomgomi hun Aroer nari i topi ni habungan Arnon, das hu parsitongahan ni habungan ai, ronsi satongah ni Gilead das hu Bah Jabok, parbalogan ni tanoh ni halak Amon, [81]

³pakon Arabah das hu Tao Kinnerot hampit hapoltakan, anjaha das hu laut ni Arabah, ai ma laut Garam hampit hapoltakan, bani dalan dompak Bet-Jesimot, anjaha i dangsina i bona ni tuadan Pisga.

⁴Ambahni ai tanoh ni si Og, raja ni Basan, ai ma tading-tadingan ni halak Refaim, na marianan i Astarot pakon Edrei, [82]

⁵na manggomgom Dolog Hermon pakon Salka pakon ganup Basan das hu parbalogan ni halak Gesuri pakon halak Maakati pakon satongah ni Gilead das hu parbalogan ni si Sihon, raja hun Hesbon.

⁶Si Musa, juakjuak ni Jahowa rap pakon halak Israel do na manaluhon sidea; lanjar si Musa, juakjuak ni Jahowa do mambere tanoh ai bahen parbagianan ni halak Ruben, Gad pakon satongah marga Manase. [83]

⁷Tapi on ma raja-raja ni tanoh ai, na tinaluhon ni si Josua rap pakon halak Israel i dipar ni Bah Jordan hampit hasundutan, hun Baal-Gad, na i habungan ni Libanon nari, das hu dolog na sae-sae, na tangkog dompak Seir. Jadi ibere si Josua ma tanoh ai bahen rupei ni marga ni Israel, mangihutkon parbagianan ni bei,

⁸na i dolog, na i habungan, na i Arabah, na i raboyon, na i halimisan pakon na i tanoh Dangsina, tanoh ni halak Het, Amori, Kanani, Peresi, Hewi pakon Jebusi: [84]

⁹Raja hun Jeriko, sada; raja hun Ai, na i lambung ni Betel, sada; [85]

¹⁰raja hun Jerusalem, sada; raja hun Hebron, sada; [86]

¹¹raja hun Jarmut, sada; raja hun Lakis, sada; [87]

¹²raja hun Eglon, sada; raja hun Geser, sada; [88]

¹³raja hun Debir, sada; raja hun Geder, sada; [89]

¹⁴raja hun Jorma, sada; raja hun Arad, sada; [90]

¹⁵raja hun Libna, sada; raja hun Adullam, sada; [91]

¹⁶raja hun Makeda, sada; raja hun Betel sada; [92]

¹⁷raja hun Tapuah, sada; raja hun Heper, sada;

¹⁸raja hun Apek, sada; raja hun Lasaron, sada; [93]

¹⁹raja hun Madon, sada; raja hun Hazor, sada; [94]

²⁰raja hun Simron-Meron, sada; raja hun Aksap, sada; [95]

²¹raja hun Taanak, sada; raja hun Megiddo, sada;

²²raja hun Kedes, sada; raja hun Jokneam, na i Karmel, sada;

²³raja hun Dor, na i nagori Dor, sada; raja ni Goyim, na i Galilea, sada; [96]

²⁴raja ni Tirsa, sada; ganup tolu puluh sada raja-raja.