Read Batak Simalungun JOSUA 15 Bible Online

JOSUA 15 - Batak Simalungun bible

JOSUA 15

¹On do parbagianan mangihutkon ruji-ruji bani marga ni anak ni si Juda mar sasapangku, das hu parbalogan ni tanoh Edom, halimisan Sin dompak Dangsina, i ujung pardangsina. [112]

²Anjaha parbalogan ni sidea hampit dangsina ai ma: Hun ujung ni Laut Garam, hun teluk na anjur dompak dangsina,

³hunjai laho hu dangsina ni raboyon Akrabim, mandipar hu Sin, tangkog i dangsina ni Kades-Barnea, mandipar use hu Hezron, das hu Adar, marlegot use hu Karka;

⁴dob ai mandipar hu Asmon, luar i lambung ni bah Masir, anjaha marujung i laut. Ai ma parbalogan nasiam hampit dangsina.

⁵Parbaloganni hampit hapoltakan: Laut Garam das bani ujung ni Jordan. Anjaha parbaloganni hampit utara: Mulai hun tuktuk ni laut bani babah ni Jordan,

⁶tangkog ma parbalogan ai hu Bet-Hogla, anjaha mamontas hun utara ni Bet-Araba; dob ai tangkog ma parbalogan ai hu batu ni si Bohan, anak ni si Ruben; [113]

⁷anjaha tangkog ma parbalogan ai hu Debir, hun habungan Akor, torus hu utara, marlegot dompak Gilgal, tontang ni raboyon Adumim, ai ma na hampit dangsina ni bah ai; dob ai mandipar ma parbalogan ai hu bah En-Semes, anjaha marujung i En-Rogel. [114]

⁸Dob ai tangkog ma parbalogan ai hu habungan ni anak ni si Hinnom, hampit dangsina ni raboyon ni halak Jebusi, ai ma Jerusalem; dob ai tangkog ma parbalogan ai hu pakpak ni dolog, tontang ni habungan Hinnom hampit laut, na i ujung ni habungan Refaim hampit utara; [115]

⁹dob ai marlegot ma parbalogan ai hun pakpak ni dolog ai hu sombul ni Bah Neptoa anjaha luar ma hu huta ni Dolog Epron; dob ai marlegot hu Baala, ai ma Kiriat-Jearim. [116]

¹⁰Dob ai marlegot ma parbalogan ai hun Baala dompak hasundutan hu Dolog Seir, dob ai mandipar hu urung ni Dolog Jearim parutara, ai ma Kesalon, dob ai tuad hu Bet-Semes, anjaha mandipar hu Timna.

¹¹Luar ma parbalogan ai hu urung ni dolog hampit utara ni Ekron, dob ai marlegot ma parbalogan ai hu Sikron, anjaha mandipar hu Dolog Baala, dob ai luar hu Jabneel, anjaha marujung i laut.

¹²Anjaha parbaloganni hampit laut, ai ma laut na bolon ai pakon pasirni. Ai ma parbalogan ni anak ni si Juda mar sasapangku.

¹³Tapi bani si Kaleb, anak ni si Jepunne, ibere ma sabagian i tongah-tongah ni anak ni si Juda, ai ma Kiriat-Arba, romban hubani hata ni Jahowa hubani si Josua, ai ma huta ni si Arba, bapa ni si Enak, ai ma Hebron. [117]

¹⁴Dob ai iusir si Kaleb ma hunjai na tolu halak Enak ai, ai ma si Sesai, si Ahimon pakon si Talmai, anak ni si Enak.

¹⁵Dob ai tangkog ma ia hunjai hu pangisi ni Debir, ia goran ni Debir sapari ai ma Kiriat-Seper.

¹⁶Jadi ihatahon si Kaleb ma, “Barang ise na manaluhon anjaha na manaban Kiriat-Seper, bereonku ma hubani borungku, si Aksa bahen parinangonni.”

¹⁷Dob ai itaban si Otniel, anak ni si Kenas anggi ni si Kaleb ma huta ai, gabe ibere ma hubani si Aksa bahen parinangonni.

¹⁸Jadi sanggah na masuk puang-puang ai ielek-elek ma ia mangindo juma sanlambar humbani bapani, lanjar susur ma ia hun halodeni, anjaha nini si Kaleb ma hu bani, “Aha bam?”

¹⁹Gabe nini ma, “Bere ham bangku pasu-pasu sada; halani domma inahkon ham ahu hu tanoh dangsina, maningon bereonmu do bangku bah tubuh.” Jadi ibere ma bani bah tubuh i huluan pakon i kehen.

²⁰On ma parbagianan ni marga ni anak ni si Juda mar sasapangku.

²¹Huta na masuk hubani marga Juda i tanoh dangsina, i parbalogan hampit Edom, ai ma: Kabseel, Eder, Jagur,

²²Kina, Dimona, Adada,

²³Kedes, Hazor, Jitnan,

²⁴Sip, Telem, Bealot,

²⁵Hazor-Hadata, Kiriot-Hezron ai ma Hazor,

²⁶Amam, Sema, Molada,

²⁷Hazor-Gadda, Hesmon, Bet-Pelet,

²⁸Hasar-Sual, Beerseba pakon dusunni,

²⁹Baala, Iyim, Esem,

³⁰El-Tolad, Kesil, Horma,

³¹Siklag, Matmana, Sansana,

³²Lebaot, Silhim, Ain pakon Rimon. Haganup huta ai dua puluh siah rap pakon dusunni.

³³I tanoh hondot: Estaol, Sorea, Asna, [118]

³⁴Sanoa, En-Ganim, Tapuah, Enam,

³⁵Jarmut, Adullam, Soko, Aseka,

³⁶Saaraim, Aditaim, Gedera ampa Gederotaim; sapuluh ompat huta ma ai pakon dusunni.

³⁷Senam, Hadasa, Migdal-Gad,

³⁸Dilan, Mispa, Joktel,

³⁹Lakis, Boskat, Eglon,

⁴⁰Kabbon, Lakmas, Kitlis,

⁴¹Gederot, Bet-Dagon, Naama, Makeda; sapuluh onom huta ma ai pakon dusunni.

⁴²Libna, Eter, Asan,

⁴³Jipta, Asna, Nesib,

⁴⁴Kegilam Aksib, Meresa; siah huta ma ai pakon dusunni. [119]

⁴⁵Ekron pakon hutani ampa dusunni, [120]

⁴⁶hun Ekron das hu laut, ganup na i lambung ni Asdod pakon dusunni.

⁴⁷Asdod pakon hutani ampa dusunni, Gaza pakon hutani ampa dusunni, das hu bah Masir anjaha laut na bolon parbaloganni. [121]

⁴⁸I atas dolog: Samir, Jatir, Soko,

⁴⁹Dana, Kiriat-Sana, ai ma Debir,

⁵⁰Anab, Estemoa, Anim,

⁵¹Gosen, Holon, Gilo; sapuluh sada huta ma ai pakon dusunni.

⁵²Arab, Duma, Esean,

⁵³Janum, Bet-Tapuah, Apeka,

⁵⁴Humta, Kiriat-Arba, ai ma Hebron ampa siah huta ma ai pakon dusunni.

⁵⁵Maon, Karmel, Sip, Juta,

⁵⁶Jesreel, Jokdeam, Sanoa,

⁵⁷Kain, Gibea, Timna, sapuluh huta ma ai pakon dusunni.

⁵⁸Halhul, Bet-Sur, Gedor,

⁵⁹Maarat, Bet-Anot, Eltekon; onom huta ma ai pakon dusunni.

⁶⁰Kiriat-Baal, ai ma Kiriat-Jearim, pakon Rabba; dua huta ma ai pakon dusunni. [122]

⁶¹I halimisan: Bet-Araba, Midin, Sekaka,

⁶²Nibsan, Ir, Hamela pakon En-Gedi; onom huta ma ai pakon dusunni.

⁶³Tapi anggo halak Jebusi na marianan i Jerusalem seng tarusir halak Juda; gabe marianan ma halak Jebusi rap pakon halak Juda i Jerusalem ronsi sadari on. [123]