Read Batak Simalungun JOSUA 19 Bible Online

JOSUA 19 - Batak Simalungun bible

JOSUA 19

¹Dob ai luar ma ruji-ruji paduahon bani si Simeon, bani marga ni anak ni si Simeon mar sasapangku, anjaha i tongah-tongah ni parbagianan ni si Juda do parbagianan ni sidea ai.

²Na gabe parbagianan ni sidea, ai ma: Berseba, Seba, Malada,

³Hazar-Sual, Bala, Esem,

⁴Eltolad, Betul, Horma,

⁵Ziklag, Bet-Hammarkabot, Hazar-Susa,

⁶Bet-Lebaot pakon Saruhen. Sapuluh tolu huta ma ai pakon dusunni.

⁷Ain, Rimon, Eter pakon Asan, ompat huta ma ai pakon dusunni;

⁸ambah ni ai haganup dusun inggot ni huta-huta ai das hu Baalat-Beer, Rama i Tanoh Dangsina. In ma parbagianan ni marga ni anak ni si Simeon mar sasapangku.

⁹Humbani parbagianan ni anak ni si Juda do parbagianan ni anak ni si Simeon, ai mabolagtu do parbagianan ni anak ni si Juda, jadi dapotan parbagianan ma anak ni si Simeon i tongah-tongah ni parbagianan ni sidea.

¹⁰Dob ai luar ma ruji-ruji patoluhon bani anak ni si Sebulon mar sasapangku, anjaha das hu Sarid parbalogan ni parbagianan ni sidea ai.

¹¹Dob ai tangkog ma parbalogan ai dompak hasundutan, anjaha torus hu Marala, gabe ihonai Dabeset, dob ai bah tontang ni Jokneam;

¹²hun Sarid laho ma ai dompak hapoltakan das hu parbalogan ni Kislot-Tabor, anjaha luar use hu Daberat, dob ai tangkog use hu Japia.

¹³Hunjai mandipar dompak hapoltakan hu Gad-Heper, pakon hu Et-Kasim, luar use hu Rimon anjaha marlegot hu Nea;

¹⁴dob ai marlegot ma parbalogan ai hampit utara hu Hanaton, anjaha marujung i habungan Jipta-El;

¹⁵dob ai Katat, Nahalal, Simron, Jidala pakon Betlehem. Sapuluh dua huta ma ai pakon dusunni. [137]

¹⁶Ai ma parbagianan ni anak ni si Sebulon mar sasapangku, huta-hutani ai pakon dusunni.

¹⁷Ruji-ruji paompatkon luar hubani anak ni si Isasar mar sasapangku.

¹⁸Ihamkam tanoh ni sidea ai do: Jesreel, Kesulot, Sunem, [138]

¹⁹Hafaraim, Sion, Anaharat,

²⁰Rabbit, Kisjon, Ebez,

²¹Remet, En-Ganim, En-Hadda pakon Bet-Pases;

²²torus do parbalogan ai hu Tabor Sahazimah, Bet-Semes; anjaha marujung ma parbalogan ai i Jordan. Sapuluh onom huta ma ai pakon dusunni.

²³In ma parbagianan ni anak ni si Isasar mar sasapangku, hutani pakon dusunni.

²⁴Dob ai luar ma ruji-ruji palimahon bani marga ni anak ni si Asser mar sasapangku.

²⁵Ihamkam tanoh ni sidea ai do: Helkat, Hali, Beten, Ahsap,

²⁶Alamelek, Amad pakon Misal; i hasundutan ihonai do Karmel pakon Sihor-Libnat,

²⁷dob ai marlegot ma dompak hapoltakan hu Bet-Dagon, ihonai ma Sebulon pakon habungan Jipta-El hampit utara, Bet-Emek pakon Negiel; dob ai torus hampit utara hu Kabul,

²⁸Ebron, Rehob, Hammon, Kana, das hu Sidon na bolon ai;

²⁹dob ai marlegot use ma parbalogan ai hu Rama das hu huta Tirus na toguh ai, dob ai marlegot use ma parbalogan ai dompak Hosa anjaha marujung i laut; Aksib, [139]

³⁰Umma, Afek pakon Rehob; dua puluh dua huta ma ai pakon dusunni.

³¹Ai ma parbagianan ni marga anak ni si Asser mar sasapangku, huta-hutani pakon dusunni.

³²Dob ai luar ma ruji-ruji paonomkon bani anak ni si Naftali mar sasapangku.

³³Anjaha parbaloganni ai ma hun Helep, hun jabi-jabi na i Zaanim manlopusi Adami, Nekob pakon Jabneel das hu Lakum anjaha marujung i Jordan;

³⁴dob ai marlegot ma parbalogan ai dompak hasundutan hu Asnot-Tabor, anjaha luar hunjai hu Hukok, ihonai ma Sebulon hampit dangsina pakon Asser hampit hasundutan, pakon Juda hampit hapoltakan bani Jordan.

³⁵Ia huta na toguh ai, ai ma: Zidim Zer, Hamat, Rakat, Kinneret,

³⁶Adama, Rama, Hazer,

³⁷Kedes, Edrei, En-Hazor,

³⁸Jiron, Migdal-El, Horem, Bet-Anat pakon Bet-Semes; sapuluh siah huta ma ai pakon dusunni. [140]

³⁹Ai ma parbagianan ni marga anak ni si Naftali mar sasapangku, huta-hutani pakon dusunni.

⁴⁰Dob ai luar ma ruji-ruji papituhon bani marga anak ni si Dan mar sasapangku.

⁴¹Ihamkam tanoh ni sidea ai do: Zora, Estaol, Ir-Semes,

⁴²Salabin, Ayalon, Jitla, [141]

⁴³Elon, Timnata, Ekron,

⁴⁴Elteke, Gibeton, Baalat,

⁴⁵Jihud, Bene-Barak, Gat-Rimon,

⁴⁶Me-Jarkon, Rakon pakon tanoh tontang ni Japo. [142]

⁴⁷Tapi masompittu do tanohni ai bani halak Dan; halani ai tangkog ma sidea marporang dompak Lesem itaban anjaha italuhon sidea ma ai bani podang, isoluk sidea ma huta ai anjaha iiani, anjaha gantih ni Lesem, Dan ma goran ni huta ai ibahen sidea, mangihutkon goran si Dan ompung ni sidea. [143]

⁴⁸Ai ma parbagianan ni marga Dan mar sasapangku, huta-hutani pakon dusunni.

⁴⁹Jadi dobkonsi sidea marbagi tanoh ai mangihutkon parbagiananni bei, ibere halak Israel ma parbagianan ni si Josua, anak ni si Nun, i tongah-tongah ni sidea.

⁵⁰Mangihutkon pangkatahon ni Jahowa ibere sidea ma bani huta na pinindoni, ai ma Timnat-Sera, na i Dolog Efraim. Jadi ipauli ma huta ai anjaha marianan ijai. [144]

⁵¹Ai ma parbagianan, na binagihon ni malim Eleasar pakon si Josua, anak ni si Nun, pakon kopala ni marga ni halak Israel mar sasaompung marhitei ruji-ruji i Silo, i lobei ni Jahowa, dohorhon labah ni lampolampo partumpuan ai. Sonai ma pandobkon ni sidea bani parbagi ni tanoh ai. [145]