Read Batak Simalungun JOSUA 21 Bible Online

JOSUA 21 - Batak Simalungun bible

JOSUA 21

¹Dob ai roh ma kopala ni halak Levi mar sasaompung marayak malim Eleasar pakon si Josua, anak ni si Nun, pakon hampit kopala ni halak Israel mar sasamarga, [149]

²anjaha nini ma dompak sidea i Silo, i tanoh Kanaan, “Domma martonah hinan Jahowa marhitei si Musa, bereon bennami huta bahen ianan pakon sampalanni hubani pinahannami. [150]

³Jadi ibere halak Israel ma hubani halak Levi humbani parbagianan ni sidea, romban hubani tonah ni Jahowa, ai ma huta-huta pakon sampalanni.

⁴Dob ai luar ma ruji-ruji bani ginompar ni si Kahat, gabe dapotan ma halak Levi, ginompar ni si Aron malim ai, marhitei ruji-ruji humbani marga Juda, Simeon pakon Benjamin, sapuluh tolu huta.

⁵Ginompar ni si Kahat na legan ai dapotan marhitei ruji-ruji, humbani ginompar ni marga Efraim, Dan pakon satongah marga Manase, sapuluh huta.

⁶Ginompar ni si Gerson dapotan marhitei ruji-ruji humbani ginompar ni marga Isasar, Asser, Naftali pakon satongah Manase i Basan, sapuluh tolu huta.

⁷Ginompar ni si Merari mar sasapangku dapotan humbani marga Ruben, Gad pakon Sebulon, sapuluh dua huta.

⁸Sonai ma pambere ni halak Israel bani halak Levi huta pakon sampalanni marhitei ruji-ruji, romban hubani na tinonahkon ni Jahowa hubani si Musa.

⁹Jadi ibere sidea ma humbani marga Juda pakon humbani marga Simeon huta-huta on, na ginoranan ni sidea.

¹⁰Hubani ginompar ni si Aron, ginompar ni si Kahat mar sasapangku, hun tongah-tongah ni halak Levi -- ai hubani sidea do madabuh ruji-ruji na parlobei --

¹¹ibere sidea ma huta ni si Arba, bapa ni si Enak, ai ma Hebron, i dolog Juda pakon sampalanni inggot. [151]

¹²Tapi anggo ladang ni huta ai pakon dusunni hubani si Kaleb, anak ni si Jepunne do ibere bahen parbagiananni. [152]

¹³Hubani ginompar ni Malim Aron ibere sidea do Hebron, huta haporusan ni sibunuh jolma ampa sampalanni, Libna ampa sampalanni,

¹⁴Jatir pakon sampalanni, Estemoa ampa sampalanni,

¹⁵Holon pakon sampalanni, Debir ampa sampalanni,

¹⁶Ain ampa sampalanni, Juta ampa sampalanni, pakon Bet-Semes ampa sampalanni; siah huta do ai humbani marga na dua ai. [153]

¹⁷Humbani marga Benjamin: Gibeon ampa sampalanni, Geba ampa sampalanni,

¹⁸Anatot ampa sampalanni pakon Almon ampa sampalanni, ompat huta do ai. [154]

¹⁹Ganupan huta ni malim, ai ma ginompar ni si Aron, sapuluh tolu huta do ampa sampalanni.

²⁰Ginompar ni si Kahat mar sasapangku, ai ma halak Levi na tading ai humbani ginompar ni si Kahat dapotan huta mangihutkon ruji-ruji humbani marga Efraim.

²¹Ibere do hubani sidea Sikem, huta haporusan ni sibunuh jolma pakon sampalanni i Dolog Efraim, Geser ampa sampalanni, [155]

²²Kibsaim ampa sampalanni pakon Bet-Horon ampa sampalanni; ompat huta.

²³Humbani marga Dan: Elteke ampa sampalanni, Gibeton ampa sampalanni,

²⁴Ajalon ampa sampalanni, Gat-Rimon ampa sampalanni; ompat huta.

²⁵Humbani na satongah marga Manase: Taanak ampa sampalanni, Jibleam ampa sampalanni, dua huta.

²⁶Ganup huta ai na bani ginompar ni si Kahat na tading ai, sapuluh do ampa sampalanni.

²⁷Ginompar ni si Gerson humbani halak Levi mar sasapangku dapotan humbani satongah marga Manase huta haporusan ni sibunuh jolma, ai ma Golan i Basan ampa sampalanni, pakon Beestera ampa sampalanni, dua huta. [156]

²⁸Humbani marga Isasar: Kisjon ampa sampalanni, Daberat ampa sampalanni.

²⁹Jarmut ampa sampalanni, En-Ganim ampa sampalanni; ompat huta.

³⁰Humbani marga Asser: Misal ampa sampalanni, Abdon ampa sampalanni,

³¹Helkat ampa sampalanni, pakon Rehob ampa sampalanni; ompat huta.

³²Humbani marga Naftali huta haporusan ni sibunuh jolma, ai ma Kedes i Galilea ampa sampalanni, Hamot-Dor ampa sampalanni, pakon Kartan ampa sampalanni; tolu huta. [157]

³³Ganup huta ai bani ginompar ni si Gersom mar sasapangku sapuluh tolu huta do ampa sampalanni.

³⁴Ginompar ni si Merari mar sasapangku, halak Levi na tading ai, dapotan humbani marga Sebulon: Jokneam ampa sampalanni, Karta ampa sampalanni,

³⁵Dimna ampa sampalanni pakon Nahalal ampa sampalanni; ompat huta.

³⁶Humbani marga Ruben: Beser ampa sampalanni, Jahas ampa sampalanni, [158]

³⁷Kedemot ampa sampalanni, pakon Mefaat ampa sampalanni; ompat huta.

³⁸Humbani marga Gad huta haporusan ni sibunuh jolma: Ramot i Gilead ampa sampalanni, Mahanaim ampa sampalanni, [159]

³⁹Hesbon ampa sampalanni, Jaeser ampa sampalanni; ganup huta ai ompat.

⁴⁰Ganup huta ai na bani ginompar ni si Merari mar sasapangku, na tading humbani halak Levi mar sasapangku, sapuluh dua huta do mangihutkon ruji-ruji ni sidea.

⁴¹Jadi ganup huta ni halak Levi i tongah-tongah ni parbagianan ni halak Israel, ompat puluh ualuh huta do ampa sampalanni.

⁴²Ganup huta-huta ai adong sampalanni inggot; sonai do bani ganup huta ai.

⁴³Jadi ibere Jahowa ma hubani halak Israel ganup tanoh, na binulawankon-Ni bereon-Ni hubani ompung ni sidea; ase dob italuhon sidea tanoh ai, marianan ma sidea ijai. [160]

⁴⁴Ipasonang Jahowa ma sidea inggot, romban hubani ganup na binulawankon-Ni hubani ompung ni sidea, anjaha seng tahan munsuh ni sidea age sada i lobei ni sidea; iondoskon Jahowa do ganup munsuh ni sidea ai hubagas tangan ni sidea.

⁴⁵Seng dong na tartading age sada humbani ganup hata na madear, na ipatugah Jahowa hubani ginompar ni Israel; haganup do saud. [161]