Read Batak Toba 1 MUSA 10 Bible Online

1 MUSA 10 - Batak Toba bible

1 MUSA 10

¹I. [1] On do angka sundut ni anak ni si Noak: Si Sem, si Ham dohot si Japet jala tubuan anak be do nasida, dungkonsa aek na sumar i.

²Angka anak ni si Japet: Si Gomer, si Magog, si Madai, si Javan, si Tubal, si Mesek dohot si Tiras.

³Ia anak ni si Gomer i: Si Askenas, si Ripat dohot si Togarma.

⁴Ia anak ni si Javan i: Si Elisa, si Tarsis, si Kittim dohot si Dodanim.

⁵Sian nasida rarat angka bangso tu pulopulo mangihuthon luatna be dohot pangkulingna dohot margana dohot bangsona. II.

⁶Ia anak ni si Ham: Si Kus, si Mizraim, Put dohot si Kanaan.

⁷Ia anak ni si Kus i: Si Seba, Hevila, Sapta, Raama dohot Saptika. Ia anak ni si Raama i: Si Seba dohot si Dedan.

⁸Alai ia si Kus manubuhon si Nimrod, na mamungka marsiajar ulubalang di tano on.

⁹Parburu na begu ibana maradophon Jahowa. Ala ni do didok halak: Parburu na begu maradophon Jahowa, doshon si Nimrod.

¹⁰Ia mula ni harajaonna i, i ma Babel, Erik, Akkad dohot Kabne, angka na di luat Sinear.

¹¹Sian luat i borhat muse si Assur, jala dipungka huta Ninive dohot Rehobot Ir dohot Kala.

¹²Angkup ni Resen, di holangkolang ni Ninive dohot Kala, i ma huta na bolon.

¹³Dung i ditubuhon si Mizraim ma halak Lud, halak Anam, halak Lehab dohot halak Naptu.

¹⁴Dohot halak Patrus, dohot halak Kaslu, haroroan ni halak Palistim dohot Kaptor.

¹⁵Ia si Kanaan ditubuhon ma si Sidon, anak buhabajuna i dohot si Het.

¹⁶Dohot si Jebusi, si Amori, si Girgasi.

¹⁷Dohot si Hevi, si Arki dohot si Sini.

¹⁸Dohot si Arvadi, si Zemari, si Hamati, dung salpu i marserak ma angka marga ni halak Kanaan.

¹⁹Ia parbolatan ni halak Kanaan, olat ni Sidon ro di Gerar tolhas tu Gaza, ro di Sodom dohot Gomorra dohot Adma dohot Zeboim, tolhas tu Lasa.

²⁰I ma anak ni si Ham mangihuthon margana dohot pangkulingna, di angka luatna dohot bangsonasida be. III.

²¹Jadi tubuan anak ma dohot si Sem, ibana do ama ni sude anak ni si Heber, anggi ni si Japet, hahana i.

²²Ia anak ni si Sem: Si Elam, si Assur, si Arpaksad, si Lud dohot si Ram.

²³Ia anak ni si Ram i: Si Us, si Hul, si Geter dohot si Mas.

²⁴Ia si Arpaksad manubuhon si Sela; ia si Sela manubuhon si Heber.

²⁵Ia di si Heber tubu dua anak; goar ni na sada Peleg, ala di angka arina sirang tano on; ia goar ni anggina i si Joktan.

²⁶Ia si Joktan manubuhon si Almodad, si Salep, si Hazarmavet, si Jerah.

²⁷Dohot si Hadoram, si Usal, si Dikla.

²⁸Dohot si Hobal, si Abimael, si Seba.

²⁹Dohot si Opir, si Hevila dohot si Jobab. I ma sude anak ni si Joktan.

³⁰Ia inganannasida olat ni Mesa sahat ro di Separ, tu dolok na tungkan habinsaran.

³¹I ma angka anak ni si Sem mangihuthon margana dohot pangkulingna di angka luatna dohot bangsonasida be.

³²I ma pinompar ni anak ni si Noak mangihuthon marganasida di bangsona be; jala sian nasida marserak angka bangso di tano on, dungkonsa aek na sumar i.