Read Batak Toba 1 MUSA 36 Bible Online

1 MUSA 36 - Batak Toba bible

1 MUSA 36

¹I. [1] On ma angka pinompar ni si Esau, i ma si Edom.

²Dibuat si Esau ma angka jolmana sian boru Kanaan: Si Ada, boru ni si Elon, marga Het dohot si Aholibama, boru ni si Ana, pahompu ni si Zibeon, marga Hevi.

³Dohot si Basemat, boru ni si Ismael, iboto ni si Nabaiot.

⁴Dung i ditubuhon si Ada ma di si Esau si Elipas, ia si Basemat manubuhon si Reguel.

⁵Ditubuhon si Aholibama ma si Jehus, si Jalam dohot si Kora. I ma anak ni si Esau, angka na tubu di ibana di tano Kanaan.

⁶Dung i diboan si Esau ma angka jolmana, angka anakna dohot angka boruna dohot sude isi ni bagasna i ro di sude ugasanna dohot pinahanna dohot sinamotna, angka na sinamotsamotna i di tano Kanaan, gabe bungkas ibana tu sada tano paholangkon sian si Jakkob anggina i.

⁷Ai magodangku do sinamotnasida i, ianggo tung tampak nasida maringan, jala ndang tarparmudu tano paisolatanna i nasida, dibahen hinadeak ni pinahannasida.

⁸Jadi maringan di dolok Seir ia si Esau, i ma si Edom.

⁹On ma angka pinompar ni si Esau, ompu ni halak Edom di dolok Seir.

¹⁰On ma goar ni angka anak ni si Esau: Elipas, anak ni si Ada, jolma ni si Esau; Reguel, anak ni si Basemat, jolma ni si Esau.

¹¹Ia angka anak ni si Elipas, on ma: Teman, Omar, Zepo, Gatam dohot si Kenas.

¹²Dohot do si Timna diparjolma si Elipas, anak ni si Esau i, gabe ditubuhon ma si Amalek di si Elipas. I ma angka anak ni si Ada, jolma ni si Esau.

¹³Alai angka anak ni si Reguel on do: Si Nahat, si Zerah, si Samma dohot si Missa. I ma angka anak ni si Basemat, jolma ni si Esau.

¹⁴Ia angka anak ni si Aholibama, boru ni si Ana, pahompu ni si Zibeon, jolma ni si Esau, angka na tinubuhonna di si Esau: Si Jehus, si Jalam dohot si Kora.

¹⁵On do angka induk sian angka anak ni si Esau. Sian angka anak ni si Elipas, buhabaju ni si Esau: Induk Teman, induk Omar, induk Zepo, induk Kenas.

¹⁶Induk Kora, induk Gatam, induk Amalek. I ma angka induk sian si Elipas di tano Edom, i ma angka anak ni si Ada.

¹⁷Jala on ma angka anak ni si Reguel, anak ni si Esau: Induk Nahat, induk Zerah, induk Samma, induk Missa. I ma angka induk sian si Reguel di tano Edom. I ma angka anak ni si Basemat, jolma ni si Esau.

¹⁸On ma angka anak ni si Aholibama, jolma ni si Esau: induk Jehus, induk Jalam, induk Kora. I ma angka induk sian Aholibama, boru ni si Ana, jolma ni si Esau i.

¹⁹I ma angka anak ni si Esau, jala i ma angka induknasida. Ibana ma Edom i. II.

²⁰On ma angka anak ni si Seir, marga Hori, angka isi ni tano i hian: Si Lotan, si Sobal, si Zibeon, si Ana.

²¹Si Dison, si Ezer dohot si Disan. I ma angka induk ni halak Hori, angka anak ni si Seir ni tano Edom.

²²Alai angka anak ni si Lotan, on do: Si Hori dohot si Heman; ia iboto ni si Lotan si Timna do.

²³Jala on do angka anak ni si Sobal: Alpan, Manahat, Ebal, Sepo dohot si Onam.

²⁴Ia angka anak ni si Zibeon, on do: Aia dohot Ana. I ma si Ana, na jumpangan angka mual aek rangat di halongonan, di na pinarmahanna i angka halode ni si Zibeon, amana i.

²⁵Jala on do angka anak ni si Ana: Si Dison dohot si Aholibama, boru ni si Ana.

²⁶Jala on do angka anak ni si Dison: Hemdan, Esban, Itran dohot Heran.

²⁷Ia angka anak ni si Ezer on do: Bilhan, Sapan dohot Akan.

²⁸Ia angka anak ni si Disan, on do: Us dohot Aran.

²⁹I ma angka induk ni halak Hori: Induk Lotan, induk Sobal, induk Zibeon, induk Ana.

³⁰Induk Dison, induk Ezer, induk Disan. I ma angka induk ni halak Hori, mangihuthon hainduhonnasida be di tano Seir. III.

³¹Jala on do angka raja, na mangarajai di tano Edom, tagan so adong dope raja na gumomgom halak Israel:

³²Si Bela, anak ni si Beor gumomgom Edom, ia goar ni hutana Dinhaba.

³³Jadi dung mate si Bela, bangkit raja singkatna si Jobab, anak ni si Zerah sian Bozra.

³⁴Jadi dung mate si Jobab, bangkit raja singkatna si Husam sian tano ni halak Teman i.

³⁵Jadi dung mate si Husam soluk ma mangarajai si Hadad, anak ni Bedad, na manaluhon halak Midian di ladang Midian ni halak Moab, ia goar ni hutana Apit.

³⁶Jadi dung mate si Hadad, soluk ma raja singkatna si Samla sian huta Masreka.

³⁷Jadi dung mate si Samla, soluk ma raja singkatna si Saul sian Rehobot, na martopihon batang aek i.

³⁸Jadi dung mate si Saul, soluk ma raja singkatna si Baal-Hanan, anak ni si Akbor.

³⁹Jadi dung mate si Baal-Hanan, anak ni si Akbor i, soluk ma raja singkatna si Hadad, ia goar ni hutana Pahu, ia goar ni jolmana Mehetabel, boru ni si Matret, tubu ni si Mezahap.

⁴⁰Jala on do goar ni angka induk sian si Esau mangihuthon sundutnasida dohot inganannasida dohot goarnasida: induk Timna, induk Alpa, induk Jete.

⁴¹Induk Aholibama, induk Ela, induk Pinon.

⁴²Induk Kenas, induk Teman, induk Mibzar.

⁴³Induk Magdiel, induk Iram. I ma angka induk ni halak Edom mangihuthon inganannasida di tano ginomgomnasida i. I ma si Esau ompu ni halak Edom.