Read Batak Toba 1 RAJARAJA 4 Bible Online

1 RAJARAJA 4 - Batak Toba bible

1 RAJARAJA 4

¹Jadi raja Salomo i ma gabe raja gumomgom sandok Israel.

²Jala on do induk angka na pinabangkitna i: Si Azaria, anak ni malim Sadok. [81†]

³Si Elihorep dohot si Ahia, anak ni si Sisa, i ma jurutulis; si Josapat, anak ni si Ahilud do panuturina.

⁴Jala si Benaia, anak ni si Joiada, partogi ni parangan, jala si Sadok dohot si Abiatar malim. [82†]

⁵Ia si Azaria, anak ni si Natan, induk ni angka parhalado, jala si Sabud, anak ni si Natan, aleale hasudungan ni rajai.

⁶Jala si Ahisar induk ni angka siramoti bagas, jala si Adoniram, anak ni si Abda, induk ni halak parrodi. [83†]

⁷Angkup ni dipabangkit si Salomo sampulu dua halak siparenta sandok Israel, angka na pasingkop sipanganon tu rajai dohot tu isi ni bagasna, sasabulan lelengna di na sataon, gonop nasida pasingkophon.

⁸On do goargoar nasida: Anak ni si Hur di dolok Epraim.

⁹Anak ni si Bendeker di Makas dohot di Salabim dohot di Betsemes dohot di Elon sahat ro di Betharan.

¹⁰Anak ni si Benhesed di Arubot, masuk tu ibana huhut Soko ro di sandok tano Heper.

¹¹Anak ni si Amminadab di sandok banua Dor; si Tafat, boru ni si Salomo do jolmana. [84†]

¹²Si Baana, anak ni si Ahilud di Taanak dohot Megiddo ro di sandok Betsean, marbalokkon Zaretan, tungkan toruan sian Jisreel, olat ni Betsean sahat ro di Abel Mehola, sahat ro di bariba ni Jokmeam. [85†]

¹³Anak ni si Geber di Ramot di Gilead, masuk tu ibana do angka huta ni si Jair, anak ni si Manasse, angka na di Gilead, masuk tu ibana muse luat Argob, na di Basan; onompulu huta na bolon marparik jala marransangransang tombaga. [86†]

¹⁴Si Ahinadab, anak ni si Ido di Mahanaim.

¹⁵Si Ahimas di Naptali, ibana pe mambuat si Basemat, boru ni si Salomo bahen jolmana.

¹⁶Si Baana, anak ni si Husai, di Aser dohot di Alot;

¹⁷Si Josapat, anak ni si Parua, di Isasar.

¹⁸Si Simei, anak ni si Ela, di Benjamin.

¹⁹Si Geber, anak ni si Uri, di tano Gilead, di tano ni si Sihon, raja ni halak Amori dohot si Og, raja sian Basan. Sasadasa do siparenta tano i.

²⁰Mansai deak do halak Juda dohot Israel, songon horsik di pasir ni laut hinadeakna, angka na mangan minum jala marlas ni roha nasida. [87†]