Read Batak Toba 1 RAJARAJA 5 Bible Online

1 RAJARAJA 5 - Batak Toba bible

1 RAJARAJA 5

¹I. [1] Asa si Salomo panggomgomi di sandok harajaon, olat ni batang aek sahat ro di tano ni halak Palistim jala sahat ro di parbalohan Misir, angka na mamboan sohe jala mangoloi rodi ni si Salomo, saleleng mangolu ibana. [88†]

²Alai ingkon adong bahen bohal ni si Salomo sasadari tolupulu pingkul itak na lamot dohot onompulu pingkul itak hian. [89†]

³Sampulu lombu na pinamokmok dohot duapulu lombu sian jampalan dohot saratus birubiru, so padohot angka ursa dohot bedu dohot hije dohot pahanpahanan marragamragam na pinamokmok.

⁴Ai digomgomi ibana do sandok tano di bariba ni batang aek Euprat, olat ni Tirza sahat ro di Gasa, digomgomi saluhut raja na di baribaon ni batang aek i, jala marhademahon ibana sian na humaliang.

⁵Jadi marhasonangan ma Juda dohot Israel maringan ganup di toru ni hau anggurna be dohot di toru ni hau arana, olat ni Dan sahat ro di Berseba, saleleng mangolu raja Salomo. [90†]

⁶Angkup ni adong di raja Salomo opatpulu ribu hajongjongan ni hoda angka sitait huretana dohot sampulu dua ribu hoda hundulan ni parangan parsihundul.

⁷Dung i angka siparenta ondeng marbohalhon raja Salomo ro di sude angka na mangan sian meja ni raja Salomo, ganup di bulanna be, ndang adong hurang agia aha. [91†]

⁸Tole eme dohot durame di angka hoda sitait hureta dohot hoda hundulan, diboan nasida do i tu inganan parmianan ni rajai ganup di gansina be. II.

⁹Dung i dibasabasahon Debata ma tu si Salomo habisuhon dohot roha panimbangon mansai godang dohot parbinotoan godang, tudoshon horsik na di topi ni laut godangna. [92†]

¹⁰Jala gumodang do habisuhon ni si Salomo sian habisuhon ni saluhut anak angka na di habinsaran dohot sian saluhut habisuhon ni halak Misir. [93†]

¹¹Umbisuk ibana tahe sian sude manisia, umbisuk sian si Etan, halak Esrahi dohot si Heman dohot si Kalkol, dohot si Darda, angka anak ni si Mahol, gabe sar baritana tu saluhut bangso parbegu humaliang.

¹²Jala dihatahon ibana tolu ribu umpama, ia torop ni endena saribu lima do. [94†]

¹³Diboto huhut torsahononna taringot tu angka hau, sian hau Ares na di Libanon ro di Ysop (limutlimut) na tubu di dorpi; ditorsahon huhut taringot tu angka pahanpahanan, taringot tu angka pidong, taringot tu angka gulokgulok dohot taringot tu angka dengke.

¹⁴Jadi marroan ma halak sian saluhut bangso naeng umbege habisuhon ni si Salomo, sian saluhut angka raja di tano on, angka na umbege barita ni habisukonna. [95†] III.

¹⁵Dung i disuru raja Hiram, sian Tirus ma angka naposona manopot si Salomo, ala naung binegena naung miniahan ibana bahen raja singkat ni amana; ai holong roha ni si Hiram mida si Daud saleleng mangolu ibana. [96†]

¹⁶Jadi ditongoshon si Salomo ma hatana tu si Hiram, ninna ma:

¹⁷Diboto ho do, na so tarbahen si Daud damang i pajongjong sada joro di Goar ni Jahowa Debatana, ala ni hamusuon angka na humaliang ibana, paima dipatunduk Jahowa nasida tu toru ni palak ni patna.

¹⁸Alai anggo nuaeng nunga marhasonangan ahu humaliang dibahen Jahowa, Debatangku, ndang adong be alo nanggo sahalak, manang masa hinamago.

¹⁹Dibahen i, ninna rohangku, denggan pinajongjong sada joro di Goar ni Jahowa Debatangku songon na pinorbagabaga ni Jahowa tu damang si Daud, uju nidokna: Anakmu, sipahundulonku di atas habangsamu bahen gantim, ingkon ibana pajongjong sada joro di Goarhu. [97†]

²⁰Antong dokkon ma halak angka na manaba di ahu hau Ares sian Libanon, asa tampak angka naposongku dohot angka naposom, ia upa ni angka naposom lehononku do tu ho, guru pandokmu; ai diboto ho do ndang adong anggo di tongatonganami manang ise na umboto manaba hau, songon halak Sidon i.

²¹Jadi dung dibege si Hiram angka hata ni si Salomo i, las situtu ma rohana, ninna ma: Pinuji ma Jahowa sadarion, ala naung nilehonna tu si Daud anak sada na bisuk gumomgom bangso na bolon on. [98†]

²²Dung i disuru si Hiram ma suruanna manopot si Salomo mandok: Nunga hubege alana umbahen disuru ho manopot ahu; sai bahenonku do sude hombar tu lomo ni roham taringot tu hau Ares dohot taringot tu hau sampinur.

²³Ingkon angka naposongku patuathon hau i sian Libanon tu laut; dung i ahu mambahen angka i marrakitrakit di laut sahat ro di inganan sitonahononmu tu ahu, asa pinarade disi, jadi ripe mangalap ho. Alai ho pe ingkon bahenonmu huhut pinangido ni rohangku mangalehon bohal tu isi ni bagashu. [99†]

²⁴Jadi dilehon si Hiram ma tu si Salomo hau Ares dohot hau sampinur guru lomo ni rohana.

²⁵Alai anggo raja Salomo mangalehon tu si Hiram duapulu ribu pingkul dahanon bahen bohal ni isi ni bagasna dohot duapulu pingkul miak dahan. Songon i dilehon raja Salomo ganup taon tu si Hiram. [100†]

²⁶Dung i dibasabasahon Jahowa ma hapistaran tu raja Salomo, songon na pinarbagabagana i hian tu ibana; jadi mardame ma si Hiram dohot raja Salomo, laos umpungka parjanjian nasida na dua. [101†] IV.

²⁷Dung i dipillit raja Salomo ma angka parrodi sian sandok Israel, ia torop ni parrodi i tolupulu ribu halak do.

²⁸Jadi disuru rajai ma nasida tu Libanon, sampulu ribu halak sagansi sasabulan lelengna, gabe sabulan nasida di atas Libanon jala dua bulan di jabuna. Jadi si Adoniram do induk ni angka parrodi i. [102†]

²⁹Angkup ni pitupulu ribu halak parhuli di raja Salomo, jala ualupulu ribu halak pandakdak batu di dolok. [103†]

³⁰So padohot induk angka na pinabangkit ni raja Salomo angka na parenta ulaon i, tolu ribu tolu ratus halak, angka na mandasdas situan na torop i mangula ulaon.

³¹Didokkon rajai huhut nasida mangkali batu angka na bolon dohot batu angka na arga, angka na nidakdak bahen ojahan ni joro i.

³²Jadi rap tole ma angka pande ni raja Salomo dohot pande ni raja Hiram ro di halak Gebal i mambarbar hau dohot mandakdak batu laho marhobas bagas joro i. [104†]