Read Batak Toba 1 KRONIKA 2 Bible Online

1 KRONIKA 2 - Batak Toba bible

1 KRONIKA 2

¹I. [1] On do angka anak ni si Israel: Si Ruben, si Simeon, si Lepi, si Juda, si Isasar, si Zebulon. [13†]

²Si Dan, si Josep, si Benjamin, si Naptali, si Gad dohot si Aser.

³Ia angka anak ni si Juda on do: Si Er, si Onan dohot si Sela; na tolu anak i tubu di ibana sian boru Sua, boru ni halak Kanaan. Alai anggo si Er, buhabaju ni si Juda, na jahat do i di adopan ni Jahowa, ala ni dibunu Jahowa do ibana. [14†]

⁴Alai anggo si Tamar, parumaenna i manubuhon di ibana: Si Peres dohot si Jara; jadi luhut anak ni si Juda lima halak do. [15†]

⁵Ia angka anak ni si Peres i ma: Si Hezron dohot si Hamul. [16†]

⁶Ia angka anak ni si Jara i ma: Si Simri, si Etan, si Heman, si Kalkol dohot si Dara; luhutna i lima halak do.

⁷Ia anak ni si Karmi i ma: Si Agan, na mangarsahi Israel ala adong binuatna ugasan naung hona harom. [17†]

⁸Ia anak ni si Etan, i ma si Azaria.

⁹Ia anak angka na tinubuhon ni si Hezron i ma: Si Jerahmeel, si Ram dohot si Kaleb. [18†]

¹⁰Ia si Ram manubuhon si Abinadab, na manubuhon si Nahason, i ma induk ni halak Juda.

¹¹Si Nahason manubuhon si Salmon, na manubuhon si Boas.

¹²Si Boas manubuhon si Obed, na manubuhon si Isai.

¹³Si Isai manubuhon si Eliab, buhabajuna i dohot si Abinadab, anakna paidua, si Simea anakna paitolu. [19†]

¹⁴Si Netaneel anakna paiopat, si Raddai anakna pailima.

¹⁵Si Osem anakna paionom dohot si Daud anakna paipitu. [20†]

¹⁶Ia ibotonasida i ma: Nai Seruia dohot si Abigail. Ia angka anak ni Nai Seruia i ma: Si Abisai, si Joab dohot si Asahel, na tolu i do. [21†]

¹⁷Anggo si Abigail manubuhon si Amasa; alai anggo ama ni si Amasa, i ma si Jeter, halak Ismael. [22†] II.

¹⁸Ia si Kaleb, anak ni si Hezron manubuhon anak sian jolmana si Azuba dohot sian si Jeriot, jala on do angka anakna si Ieser, si Sobab dohot si Ardon. [23†]

¹⁹Jadi dung mate si Azuba, dibuat si Kaleb ma si Eparat bahen jolmana, na manubuhon si Hur. [24†]

²⁰Ia si Hur manubuhon si Uri, na manubuhon si Besalel. [25†]

²¹Dung i ditopot si Hezron ma boru ni si Mahir, ama ni si Gilead, dibuat ma i bahen jolmana, uju marumur onompulu taon ibana, jala parompuan i manubuhon si Segub.

²²Ia si Segub manubuhon si Jair, na manggomgomi duapulu tolu huta di tano Gilead. [26†]

²³Dilaum ibana huhut sian halak Gesur dohot sian halak Ram angka sosor ni si Jair, tole muse Kenat ro di angka sosorna, onompulu huta. Luhut nasida angka anak ni si Mahir, ama ni si Gilead. [27†]

²⁴Dung mate si Hezron di Kaleb-Eprata, ditubuhon si Abia, jolma ni si Hezron ma Ashur, ama ni si Tekoa. [28†]

²⁵Ia angka anak ni si Jerahmeel, buhabaju ni si Hezron, i ma si Ram, buhabajuna i, dung i si Buna, si Oren, si Osem dohot si Ahia. [29†]

²⁶Adong dope sadanari jolma ni si Jerahmeel, i ma na margoar si Atara, i ma ina ni si Onam.

²⁷Ia angka anak ni si Ram, buhabaju ni si Jerahmeel, i ma: Si Maas, si Jamin dohot si Eker.

²⁸Ia angka anak ni si Onam i ma: Si Sammai dohot si Jada. Ia angka anak ni si Sammai i ma: Si Nadab dohot si Abisur.

²⁹Ia goar ni jolma ni si Abisur i ma: Abigail, na manubuhon di ibana: Si Ahban dohot si Molid.

³⁰Ia angka anak ni si Nadab i ma: Si Seled dohot si Apaim; mate punu do ia si Seled.

³¹Ia anak ni si Apaim i ma: Si Ishe; ia anak ni si Ishe i ma: Si Sesan, na manubuhon si Ahloi.

³²Ia angka anak ni si Juda, anggi ni si Sammai i ma: Si Jeter dohot si Jonatan; alai mate punu anggo si Jeter.

³³Ia angka anak ni si Jonatan i ma: Si Pelet dohot si Sasa. I ma pinompar ni si Jerahmeel.

³⁴Alai ndang tubuan anak anggo si Sesan, holan boruboru do. Dung i adong sada halak Misir naposo ni si Sesan na margoar si Jarha.

³⁵Jadi dilehon si Sesan ma boruna tu si Jarha naposona i bahen jolmana, na manubuhon di ibana si Attai.

³⁶Si Attai muse manubuhon si Natan, na manubuhon si Sabad.

³⁷Si Sabad manubuhon si Eplal, na manubuhon si Obed.

³⁸Si Obed manubuhon si Jehu, na manubuhon si Azaria.

³⁹Si Azaria manubuhon si Heles, na manubuhon si Elasa.

⁴⁰Si Elasa manubuhon si Sismai, na manubuhon si Sallum.

⁴¹Si Sallum manubuhon si Jekamia, na manubuhon si Elisama.

⁴²Ia angka anak ni si Kaleb, anggi ni si Jerahmeel i ma: Si Mesa, buhabajuna, i ma ama ni si sip dohot angka anak ni si Maressa, ama ni si Hebron. [30†]

⁴³Ia angka anak ni si Hebron i ma: Si Kora, si Tappua, si Rekem dohot si Sema.

⁴⁴Si Sema manubuhon si Raham, ama ni si Jorkeam; si Rekem manubuhon si Sammai.

⁴⁵Ia anak ni si Sammai i ma si Maon; jala si Maon do ama ni si Betzur.

⁴⁶Alai anggo si Epah, jolma ni si Kaleb, manubuhon si Haran, si Mosa dohot si Gazis; si Haran muse manubuhon si Gazis.

⁴⁷Ia angka anak ni si Jahdai i ma: Si Regem, si Jotam, si Gesan, si Pelet, si Epah dohot si Saap.

⁴⁸Alai anggo si Maaka jolma ni si Kaleb manubuhon si Seber dohot si Tirhana.

⁴⁹Ditubuhon nasida huhut si Saap, ama ni si Madmanah dohot si Sepa, i ma ama ni si Makbena, dohot ama ni si Gibea. Ia boru ni si Kaleb, i ma si Aksa. [31†]

⁵⁰On ma angka pinompar ni si Kaleb: Anak ni si Hur, buhabaju ni si Eprata, i ma si Sobal, ama ni si Kiriat Jearim. [32†]

⁵¹Si Salmon ama ni si Betlehem; si Harep, ama ni si Bet-Gedor.

⁵²Ia angka anak ni si Sobal, ama ni si Kiriat Jearim i ma: Si Haroe, satonga ni halak Menuhoti.

⁵³Ia pinompar ni si Kiriat Jearim, i ma: Halak Itri, Puti, Sumati dohot Misrai; sian nasida do ro halak Zora i dohot Estaol. [33†]

⁵⁴Ia pinompar ni si Salmon i ma: Halak Betlehem, Netopa i, Atarot, Betjoab dohot satonga ni halak Manahat dohot Zora i. [34†]

⁵⁵Ia pinompar ni halak sibotosurat, angka na maringan di Jabes, i ma halak Tirati, Simeati dohot Sukoti. I ma halak Keni, angka ma marharoroan sian si Hamat, ama ni pinompar ni si Rekab. [35†]