Read Batak Toba 1 KRONIKA 25 Bible Online

1 KRONIKA 25 - Batak Toba bible

1 KRONIKA 25

¹I. [1] Dung i dipapulik si Daud ma rap dohot angka partogi ni parangan mangaradoti ulaon sian angka anak ni si Asap: Si Heman dohot si Jedutun, angka na manurirangi huhut umpalu hasapi, arbap dohot sordam, jala on do bilangan ni baoa angka na pande mangaradoti ulaon tohonannasida i. [362†]

²Sian angka anak ni si Asap: Si Sakur, si Josep, si Netania, si Asarela, i ma anak ni si Asap, angka na niuluhon ni si Asap, na manurirangi di lambung ni rajai.

³Sian si Jedutun, angka anak ni si Jedutun, i ma: Si Gedalia, si Seri, si Jesaya, si Hasabya, si Matitia dohot si Simei, na onom i, angka na umpalu parhinaloan niuluhon ni amana si Jedutun, na manurirangi laho mamujimuji dohot mandok mauliate tu Jahowa. [363†]

⁴Sian si Heman, ia angka anak ni si Heman: Si Bukia, si Matania, si Usiel, si Sebuel, si Jerimot, si Hanania, si Hanani, si Eliata, si Gidalti, si Romamti-Eser, si Josbekasa, si Malloti, si Hotir dohot si Mahasiot.

⁵I ma luhut angka anak ni si Heman, panurirang ni rajai, taringot tu angka hata ni Debata, laho patimbulhon tanduk hatuaon, umbahen dilehon Debata tu si Heman sampulu opat anakna dohot tolu boruna. [364†]

⁶Luhut nasida angka na niuluhon ni amanasida, si Asap, si Jedutun dohot si Heman, jumpa marende di bagasan joro ni Jahowa huhut umpalu angka parhinaloan mangaradoti ulaon di bagasan joro ni Debata, di lambung ni rajai.

⁷Ia bilangannasida i rap dohot hahana, angka na pande di parendeon tu Jahowa, dua ratus ualupulu ualu angka indukna luhut. II.

⁸Alai mandabu rujiruji nasida taringot tu pargansion ni todoanna, dos do di na metmet songon di na balga, di guru songon di parsiajar. [365†]

⁹Rujiruji parjolo si Asap hona tu si Josep; na paduahon i hona tu si Gedalia, rap dohot angka anggina dohot anakna, sampulu dua halak toropna.

¹⁰Na patoluhon i tu si Sakur, rap dohot angka anakna dohot anggina, sampulu dua halak.

¹¹Na paopathon i tu si Isri, rap dohot angka anakna dohot anggina, sampulu dua halak.

¹²Na palimahon i tu si Netania rap dohot angka anakna dohot anggina sampulu dua halak.

¹³Na paonomhon i tu si Bukia, rap dohot angka anakna dohot anggina, sampulu dua halak.

¹⁴Na papituhon i tu si Jesarela, rap dohot angka anakna dohot anggina, sampulu dua halak.

¹⁵Na paualuhon i tu si Jersaya, rap dohot angka anakna dohot anggina, sampulu dua halak.

¹⁶Na pasiahon i tu si Matania, rap dohot angka anakna dohot anggina sampulu dua halak.

¹⁷Na pasampuluhon i tu si Simei, rap dohot angka anakna dohot anggina sampulu dua halak.

¹⁸Na pasampulusadahon i tu si Asarel, rap dohot angka anakna dohot anggina, sampulu dua halak.

¹⁹Na pasampuluduahon i tu si Hasabya, rap dohot angka anakna dohot anggina sampulu dua halak.

²⁰Na pasampulutoluhon i tu si Sebuel, rap dohot angka anakna dohot anggina, sampulu dua halak.

²¹Na pasampuluopathon i tu si Matitia, rap dohot angka anakna dohot anggina, sampulu dua halak.

²²Na pasampululimahon i tu si Jerimot, rap dohot angka anakna dohot anggina, sampulu dua halak.

²³Na pasampuluonomhon i tu si Hanania, rap dohot angka anakna dohot anggina, sampulu dua halak.

²⁴Na pasampulupituhon i tu si Josbekasa, rap dohot angka anakna dohot anggina, sampulu dua halak.

²⁵Na pasampuluualuhon i tu si Hanani, rap dohot angka anakna dohot anggina, sampulu dua halak.

²⁶Na pasampulusiahon i tu si Malloti, rap dohot angka anakna dohot anggina sampulu dua halak.

²⁷Na paduapuluhon i tu si Eliata, rap dohot angka anakna dohot anggina, sampulu dua halak.

²⁸Na paduapulusadahon i tu si Hotir, rap dohot angka anakna dohot anggina, sampulu dua halak.

²⁹Na paduapuluduahon i tu si Gidalti, rap dohot angka anakna dohot anggina, sampulu dua halak.

³⁰Na paduapulutoluhon i tu si Mahasiot, rap dohot angka anakna dohot anggina, sampulu dua halak.

³¹Na paduapuluopathon i tu si Romamti-Eser, rap dohot angka anakna dohot anggina, sampulu dua halak.