Read Batak Toba 1 KRONIKA 4 Bible Online

1 KRONIKA 4 - Batak Toba bible

1 KRONIKA 4

¹I. [1] Angka anak ni si Juda i ma: Si Peres, si Hezron, si Karmi, si Hur dohot si Sobal. [42†]

²Alai anggo si Reia, anak ni si Sobal, manubuhon si Jahat, na manubuhon si Ahumai dohot si Lehad; i ma pinompar ni halak Zora i. [43†]

³Jala angka on do marama tu si Etham: Si Jesreel, si Isma, si Idbas, jala goar ni ibotonasida si Hasselponi.

⁴Jala si Peniel do ama ni si Gedor, jala si Eser ama ni si Husa. I ma angka anak ni si Hur, buhabaju ni si Eprata, ama ni si Betlehem. [44†]

⁵Ia si Ashur, ama ni si Tekoa, dua do jolmana: Si Hela dohot si Naara.

⁶Jala si Naara manubuhon di ibana: Si Ahusam, si Heper, si Temeni, si Haahasfari; i ma angka anak ni si Naara.

⁷Alai angka anak ni si Hela on do: Si Seret, si Ishar dohot si Etam.

⁸Ia si Kos manubuhon si Anub dohot si Hasobeba dohot pinompar ni si Aharlel, anak ni si Harum.

⁹Alai anggo si Jabes sumangap do i sian angka hahaanggina, jala dibahen inana pe goarna si Jabes, ninna do: Mansai bernit huae laho manubuhon ibana.

¹⁰Dung i martangiang ma si Jabes tu Debata ni halak Israel songon on: Tung sura pasupasuonmu ahu tongtong jala mangonjar parbalohanku bahenonmu, jala manumpak tanganmu di ahu, jala padaoonmu hinamago, unang diparsahiti ahu! Jadi diparo Debata ma na pinangidona i. [45†]

¹¹Ia si Kaleb, haha ni si Suha, manubuhon si Mehir, i ma ama ni si Eston.

¹²Ia si Eston manubuhon Betrapa, si Pasea dohot si Tehinna, ama ni si Irnahas; i ma halak sian Reka.

¹³Ia angka anak ni si Kenas i ma: Si Otniel dohot si Seraia; ia anak ni si Otniel i ma si Hatat. [46†]

¹⁴Ia si Meonotai manubuhon si Opra; ia si Seraia manubuhon si Joab, ama ni halak angka na maringan di rura ni angka tungkang, ai angka tungkang do nasida.

¹⁵Ia angka anak ni si Kaleb, anak ni si Jepune i ma: Si Iru, si Ela dohot si Naam; ia anak ni si Ela i ma si Kenas. [47†]

¹⁶Ia angka anak ni si Jehaleleel: Si Sip, si Sipa, si Tiria dohot si Asarel.

¹⁷Ia angka anak ni si Esra i ma: Si Jeter, si Mered, si Eper dohot si Jalon (ia jolma ni si Mered na sada); manubuhon si Miryam, si Sammai dohot si Isba, ama ni si Estemo.

¹⁸Ia jolmana boru Jahudi manubuhon si Jered, ama ni si Gedor dohot si Heber, ama ni si Soko dohot si Jekutiel, ama ni si Sanoa. Jala on do angka anak ni si Bitia, boru ni si Firaun, na binuat ni si Mered bahen jolmana.

¹⁹Ia angka anak ni jolmana na margoar si Hodia, iboto ni si Naam, ama ni si Keila i ma: Si Garmi, si Estemo halak Maaka i.

²⁰Ia angka anak ni si Simon i ma: Si Amnon, si Rinna, si Benhanan dohot si Tilon. Ia angka anak ni si Ishi: Si Sohet dohot si Ben Sobet.

²¹Ia angka anak ni si Sela, anak ni si Juda i ma: Si Er, ama ni si Leka dohot si Laada, ama ni si Maressa, ro di pinompar ni halak sitonun hori sian pinompar ni si Betasbea. [48†]

²²Angkup ni si Jokim dohot sude baoa sian halak Koseba, Joas dohot Sarap, angka na mangarajai di Moab dohot halak Jasubi-Lehem. Alai angka jamita sian na galia na ma i.

²³Nasida do angka sitopa hudon jala maringan di bagasan huta angka na marparik na sinuanan humaliang; alai maringan pe nasida disi di lambung ni rajai mangula ulaonna do. II.

²⁴Ia angka anak ni si Simeon i ma: Si Nemuel, si Jamin, si Jarib, si Jara dohot si Saul. [49†]

²⁵Anak ni si Saul si Sallum, na manubuhon si Mibsam, ama ni si Misma.

²⁶Ia angka anak ni si Misma i ma: Si Hamul na manubuhon si Sakkur, ama ni si Simei.

²⁷Ia angka anak ni si Simei sampulu onom halak do jala onom boruna; alai ndang sadia gabe anggo angka anggina; sandok pinomparnasida tahe ndang songon sopar ni pinompar ni si Juda.

²⁸Alai maringan do nasida di Berseba, Molada, Hasarsual. [50†]

²⁹Bilha, Esem, Tolad.

³⁰Betul, Horma, Ziklag.

³¹Betmarkoba, Hasar-Susa, Betbiri dohot di Saarim. I ma angka hutanasida sahat ro di raja Daud.

³²Tole angka sosornasida: Etham, Ain, Rimmon, Tohen dohot Asan, lima do toropna.

³³Angkup ni saluhut tano humaliang angka huta i sahat ro di Baal. I ma angka huta inganannasida i ro di aturan ni partuturanna.

³⁴Tole si Mesobab, si Jamle, si Josa, anak ni si Amasia.

³⁵Si Joel, si Jehu, anak ni si Josibia, na manubuhon si Seraia, ama ni si Asiel.

³⁶Tole si Eleonai, si Jaakoba, si Jesohaia, si Asaya, si Adiel, si Jesimiel dohot si Benaia.

³⁷Tole si Sisa, anak ni si Sipi, anak ni si Allon, anak ni si Jedaia, anak ni si Simri, anak ni si Semaya.

³⁸Sude nasida angka naung ginoari raja do i di tongatonga ni bangsona, jala sopar situtu do pinompar ni ompunasida i. III.

³⁹Jadi marserak ma nasida pola sahat ro di Gedor, sahat muse tu habinsaran ni rura i laho mangalului jampalan di birubirunasida.

⁴⁰Jadi jumpang nasida ma jampalan na lomak jala na denggan, jala mansai lambas tano i humaliang, tole sonangna dohot mardemak; ai pinompar ni si Ham do maringan disi di na robi. [51†]

⁴¹Ro muse manoluk angka na tarsurat goarnasida uju di tingki ni si Hiskia, raja sian Juda, diparumpak ma undungundung dohot bagas ni halak angka na nidapotna disi, jala disiaphon nasida, laos maringan disi manoluk nasida rasirasa sadarion; ai singkop do disi panjampalan di birubirunasida. [52†]

⁴²Bungkas do huhut sian nasida, sian pinompar ni si Simeon i lima ratus halak laho tu dolok Seir, jala si Pelatia, si Naearia, si Repaia dohot si Usiel, angka anak ni si Ishi do partoginasida.

⁴³Jala dibunu nasida do pasipasi ni halak Amalek na malua i, laos disoluk inganannasida i rasirasa sadarion. [53†]