Read Batak Toba 1 KRONIKA 6 Bible Online

1 KRONIKA 6 - Batak Toba bible

1 KRONIKA 6

¹I. [1] Asa angka on do anak ni si Lepi: Si Gerson, si Kohat dohot si Merari. [68†]

²On do goargoar ni angka anak ni si Gerson: Si Libni dohot si Simei.

³Ia angka anak ni si Kohat on do: Si Amram, si Ishar, si Hebron dohot si Usiel.

⁴Ia angka anak ni si Merari: Si Mahli dohot si Musi. I ma angka sundut ni si Lepi marompuompu.

⁵Anak ni si Gerson i ma si Libni, anak ni muse si Jahat, anak ni muse si Zima.

⁶Anak ni muse si Joa, anak ni muse si Ido, anak ni muse si Jara, anak ni muse si Jerahia.

⁷Ia anak ni si Kohat: Si Abinadab, anak ni muse si Kora, anak ni muse si Asir. [69†]

⁸Anak ni muse si Elkana, anak ni muse si Abiasap, anak ni muse si Asir.

⁹Anak ni muse si Kohat, anak ni muse si Uriel, anak ni muse si Usia, anak ni muse si Saul.

¹⁰Ia angka anak ni si Elkana: Si Amasai dohot si Ahimot.

¹¹Anak ni muse si Elkana, anak ni muse si Elkana sian Sup, anak ni muse si Nahat.

¹²Anak ni muse si Eliab, anak ni muse si Jeroham, anak ni muse si Elkana. [70†]

¹³Ia angka anak ni si Samuel: Si Azaria buhabajuna dohot si Abia. [71†]

¹⁴Ia anak ni si Merari: Si Mahli, anak ni muse si Libni, anak ni muse si Simei, anak ni muse, si Usa.

¹⁵Anak ni muse, si Simea, anak ni muse si Hagia, anak ni muse si Asaya. II.

¹⁶I ma angka na pinabangkit ni si Daud mangaradoti parendeon di joro ni Jahowa, olat ni dung mangulon poti parpadanan disi.

¹⁷Jadi marhalado ma nasida di adopan ni undungundung parluhutan mangaradoti parendeon sahat ro di na pinauli ni si Salomo joro ni Jahowa di Jerusalem, sai marhalado nasida marningot gansi ni tohonanna be.

¹⁸Jala on do angka nasida na marhalado rap dohot anaknasida i: Sian anak ni si Kohat do si Heman na manguluhon parende, i ma anak ni si Joel, i ma anak ni si Samuel. [72†]

¹⁹I ma anak ni si Elkana, i ma anak ni Jeroham, i ma anak ni si Eliel, i ma anak ni si Toah.

²⁰I ma anak ni si Asir, i ma anak ni si Elkana, i ma anak ni si Mahat, i ma anak ni si Amasai.

²¹I ma anak ni si Elkana, i ma anak ni si Joel, i ma anak ni si Azaria, i ma anak ni si Sepania.

²²I ma anak ni si Kohat, i ma anak ni si Asir, i ma anak ni si Abiasap, i ma anak ni si Kora.

²³I ma anak ni si Ishar, i ma anak ni si Kohat, i ma anak ni si Lepi, i ma anak ni si Israel.

²⁴Ia si Asap anggina i, jongjong di siamunna. Ia si Asap anak ni si Berekia, i ma anak ni si Simea. [73†]

²⁵I ma anak ni si Mikhael, i ma anak ni si Baeseya, i ma anak ni si Malkia.

²⁶I ma anak ni si Etni, i ma anak ni si Jara, i ma anak ni si Adaya.

²⁷I ma anak ni si Etan, i ma anak ni si Zima, i ma anak ni si Simei.

²⁸I ma anak ni si Jahat, i ma anak ni si Gerson, i ma anak ni si Lepi.

²⁹Ia angka anak ni si Merari angginasida i, na jongjong dingkan hambirang, i ma: Si Etan, anak ni si Kisi, i ma anak ni si Abdi, i ma anak ni si Malluk. [74†]

³⁰I ma anak ni si Hasabya, i ma anak ni si Amasia, i ma anak ni si Hilkia.

³¹I ma anak ni si Amzi, i ma anak ni si Bani, i ma anak ni si Semer.

³²I ma anak ni si Mahli, i ma anak ni si Musi, i ma anak ni si Merari, i ma anak ni si Lepi.

³³Alai anggo tu angka angginasida, halak Lepi, nunga pinasahat mangaradoti sude ulaon di joro ni Debata.

³⁴Alai anggo si Aron dohot angka anakna i manutung daupa di atas langgatan pamelean ni pelean situtungon dohot di atas langgatan panutungan ni daupa, nasida mangaradoti nasa ulaon di bagasan bilut na songkal sahali laho mambahen pardengganan tu Israel, hombar tu sandok na tinonahon ni si Musa, naposo ni Debata. [75†]

³⁵Angka on do pinompar ni si Aron. Si Eleasar apala tubuna, anak ni muse si Pinehas, anak ni muse si Abisua. [76†]

³⁶Anak ni muse si Bukki, anak ni muse si Usi, anak ni muse si Seraia.

³⁷Anak ni muse si Merayot, anak ni muse si Amaria, anak ni muse si Ahitub.

³⁸Anak ni muse si Sadok, anak ni muse si Ahimas. III.

³⁹Jala on do inganannasida ro di golatna dohot partalpahanna. Ia tu pinompar ni si Aron, tubu ni si Kohat (ai di nasida do bagian parjolo).

⁴⁰Dilehon nasida do Hebron di tano Juda ro di golatna humaliang.

⁴¹Alai anggo ladang ni huta i ro di angka sosorna dilehon nasida do tu si Kaleb, anak ni si Jepune.

⁴²Dilehon nasida huhut tu anak ni si Aron angka huta haporusan: Hebron dohot Libna ro di golatna; tole Jatir dohot Estemo ro di golatna.

⁴³Tole Holon ro di golatna dohot Debir ro di golatna.

⁴⁴Tole Asan ro di golatna dohot Betsemes ro di golatna.

⁴⁵Alai sian marga Benjamin: Geba ro di golatna dohot Almon ro di golatna dohot Anatot ro di golatna. Jadi saluhut hutanasida sampulu tolu huta do mangihuthon sundutnasida.

⁴⁶Alai di anak ni si Kohat, angka na tinggal i sian sundut ni margai dohot sian satonga marga Manasse sampulu huta do dilehon marhite sian rujiruji. [77†]

⁴⁷Ia di anak ni si Gerson marsundutsundut maruli bagian sian marga Isasar dohot sian marga Aser dohot sian marga Naptali dohot sian marga Manasse di Basan, sampulu tolu huta do. [78†]

⁴⁸Ia di pinompar ni si Merari marsundutsundut dilehon do marhite sian rujiruji sian marga Ruben dohot sian marga Gad dohot sian marga Zebulon, sampulu dua huta. [79†]

⁴⁹Jadi dilehon halak Israel ma tu halak Lepi angka huta i ro di golatna.

⁵⁰Dilehon nasida huhut marhite sian rujiruji sian marga Juda dohot sian marga Simeon dohot sian marga Benjamin angka huta on, pola dipaboa goargoarna. [80†]

⁵¹Alai anggo pinompar ni si Kohat na asing maruli angka huta bahen bagiannasida sian marga Epraim.

⁵²Ai dilehon donganna tu nasida angka huta haporusan: Sikem ro di golatna di dolok Epraim dohot Gezer ro di golatna.

⁵³Tole Jokneam ro di golatna dohot Bethoron ro di golatna.

⁵⁴Tole Aialon ro di golatna dohot Gatrimon ro di golatna.

⁵⁵Angkup ni sian satonga marga Manasse: Huta Aner ro di golatna dohot Ibleam ro di golatna. I ma huta angka na nilehonna tu pinompar ni si Kohat, angka na tinggal i.

⁵⁶Ia tu pinompar ni si Gerson dilehon do bagian sian pinompar ni satonga marga Manasse: Golan di Basan ro di golatna dohot Astarot ro di golatna.

⁵⁷Ia sian marga Isasar: Kision ro di golatna, Daberat ro di golatna.

⁵⁸Ramat ro di golatna dohot Hilon ro di golatna.

⁵⁹Ia sian marga Aser: Miseal ro di golatna, Abdon ro di golatna.

⁶⁰Helkat ro di golatna dohot Rehob ro di golatna.

⁶¹Ia sian marga Naptali: Kedes di Galilea ro di golatna, Hamon ro di golatna dohot Kiriataim ro di golatna.

⁶²Ia tu pinompar ni si Merari, angka na tinggal i, dilehon do bagian sian marga Zebulon: Rimona ro di golatna dohot Tabor ro di golatna.

⁶³Jala di bariba ni Jordan tondong ni Jeriko, tungkan habinsaran martopihon Jordan, dilehon sian marga Ruben: Bezer na di halongonan ro di golatna, Jahaz ro di golatna.

⁶⁴Kadermat ro di golatna dohot Mepaat ro di golatna.

⁶⁵Jala sian marga Gad: Ramot di Gilead ro di golatna, Mahanaim ro di golatna.

⁶⁶Hesbon ro di golatna dohot Jaser ro di golatna.