Read Batak Toba 2 KRONIKA 27 Bible Online

2 KRONIKA 27 - Batak Toba bible

2 KRONIKA 27

¹Marumur duapulu lima taon si Jotam di na bangkit raja ibana, jala sampulu onom taon lelengna ibana mangarajai di Jerusalem; ia goar ni inana, i ma si Jerusa, boru ni si Sadok.

²Jala diulahon ibana do lomo ni roha ni Jahowa, sandok songon na binahen ni si Usia amana i; dungkon ni na so bongot ibana tu bagasan joro ni Jahowa; alai tong dope marroha mago anggo halak situan na torop i. [359†]

³Dipauli rajai huhut pintu na timbo di joro ni Jahowa; jugul ibana huhut patoguhon parik Opel. [360†]

⁴Dipungka ibana huhut angka huta di atas dolok Juda; jala di bagasan angka tombak dipauli do angka partanobatoan dohot batarbatar. [361†]

⁵Dung i marmusu ma rajai dompak raja ni halak Amon jala ditaluhon nasida, pola mangalehon sohe halak Amon di na sataon i tu ibana saratus talenta perak saloksa kor dahanon simetmet dohot saloksa kor dahanon siansimun; suang songon i godang dilehon halak Amon tu rajai nang paduataonhon dohot patolutaonhon. [362†]

⁶Jadi lam naek huaso ni si Jotam, ai marsihohot angka dalanna di adopan ni Jahowa, Debatana.

⁷Jamita na tinggal i dope sian si Jotam ro di sude hamusuonna dohot pangalahona, ida ma, tarsurat do i di bagasan buku ni angka raja sian Israel dohot Juda.

⁸Marumur duapulu lima taon ibana di na bangkit raja, jala sampulu onom taon lelengna ibana mangarajai di Jerusalem.

⁹Dung i monding ma si Jotam gabe top dohot angka ompuna, jala tartanom ibana di huta ni si Daud. Jadi si Ahas anakna i bangkit raja singkatna.