Read Batak Toba NEHEMIA 7 Bible Online

NEHEMIA 7 - Batak Toba bible

NEHEMIA 7

¹I. [1] Jadi dung sidung pinauli parik i, hupamasuk ma huhut pintu harbangan, jala pinarose huhut angka sijaga pintu, parende dohot halak Lepi. [74†]

²Dung i hupasahat ma tu si Hanani, anggingki dohot tu si Hanania induk ni benteng i, asa parentaonna Jerusalem, ai halak na marroha hasintongan do ibana, jala mabiar mida Debata gumodang sian torop halak. [75†]

³Dung i ningku ma mandok nasida: Ndang jadi ungkapon pintu harbangan ni Jerusalem, nda jolo las ari; jala andorang disi dope jongjong angka parhali, ingkon hinsuon angka pintu harbangan i, jala momos sordahon; jala pajongjongon angka parhal sian halak isi ni Jerusalem, ganup jongjong di parhalanna, jala ganup tondong ni jabuna be. [76†]

⁴Alai mansai lambas huta i tu lambung be, jala bolon; alai otik do anggo jolma pangisina, jala ndang adong dope dipauli angka jabu. II.

⁵Dung i dipatubu Debatangku ma tu bagasan rohangku papunguhon halak na sangap dohot angka induk dohot situan na torop i manurathon nasida mangihuthon partubuna, gabe jumpang ahu ma sada buku aturan ni partubu ni angka na nangkok parjolo, jala jumpang ahu tarsurat disi: [77†]

⁶On ma angka jolma marluatluat, angka naung nangkok sian habuangan, angka na binuangkon ni si Nebukadnesar, raja sian Babel, gabe mulak nasida tu Jerusalem dohot tu Juda, ganup tu hutana be.

⁷Angka na ro rap dohot si Serubabel, si Josua, si Nehemia, si Azaria, si Raamya, si Nahamani, si Mordahai, si Bilsan, si Misperet, si Bigpai, si Nehum dohot si Baana. On do bilangan ni angka baoa sian bangso Israel:

⁸Pinompar ni si Paras dua ribu saratus pitupulu dua halak.

⁹Pinompar ni si Sepatia tolu ratus pitupulu dua halak.

¹⁰Pinompar ni si Ara onom ratus limapulu dua halak.

¹¹Pinompar ni si Pahat-Moab, sian pinompar ni si Jesua dohot si Joab dua ribu ualu ratus sampulu ualu halak.

¹²Pinompar ni si Elam saribu dua ratus limapulu opat halak.

¹³Pinompar ni si Jattu ualu ratus opatpulu lima halak.

¹⁴Pinompar ni si Sakai pitu ratus onompulu halak.

¹⁵Pinompar ni si Binnui onom ratus opatpulu ualu halak.

¹⁶Pinompar ni si Bebai onom ratus duapulu ualu halak.

¹⁷Pinompar ni si Asgad dua ribu tolu ratus duapulu dua halak.

¹⁸Pinompar ni si Adonikam onom ratus onompulu pitu halak.

¹⁹Pinompar ni si Bigpai dua ribu onompulu pitu halak.

²⁰Pinompar ni si Adin onom ratus limapulu lima halak.

²¹Pinompar ni si Ater sian si Hiskia siapulu ualu halak.

²²Pinompar ni si Hasum tolu ratus duapulu ualu halak.

²³Pinompar ni si Bisia tolu ratus duapulu opat halak.

²⁴Pinompar ni si Harip saratus sampulu dua halak.

²⁵Pinompar ni si Gibeon siapulu lima halak.

²⁶Angka baoa sian Betlehem dohot Netopa saratus ualupulu ualu halak.

²⁷Angka baoa sian Anatot saratus duapulu ualu halak.

²⁸Angka baoa sian Bet Asmapet opatpulu dua halak.

²⁹Angka baoa sian Kiriat Jearim, Kepira dohot Beerot, pitu ratus opatpulu tolu halak. [78†]

³⁰Angka baoa sian Rama dohot Geba onom ratus duapulu sada halak.

³¹Angka baoa sian Mikhmas saratus duapulu dua halak.

³²Angka baoa sian Betel dohot Ai saratus duapulu halak.

³³Angka baoa sian Nebo paduahon limapulu dua halak.

³⁴Pinompar ni si Elam paduahon saribu dua ratus limapulu opat halak.

³⁵Pinompar ni si Harim tolu ratus duapulu halak.

³⁶Pinompar sian Jeriko tolu ratus opatpulu lima halak.

³⁷Pinompar sian Lod, Hadid dohot Ono pitu ratus duapulu sada halak.

³⁸Pinompar sian Sena tolu ribu sia ratus tolupulu halak.

³⁹Angka malim: Pinompar ni si Jedaia sian pinompar ni si Jesua sia ratus pitupulu tolu halak.

⁴⁰Pinompar ni si Immer saribu limapulu dua halak.

⁴¹Pinompar ni si Pashur saribu dua ratus opatpulu pitu halak.

⁴²Pinompar ni si Harim saribu sampulu pitu halak.

⁴³Halak Lepi: Pinompar ni si Jesua dohot si Kadmiel sian pinompar ni si Hodapia pitupulu opat halak.

⁴⁴Angka parende: Pinompar ni si Asap saratus opatpulu ualu halak.

⁴⁵Angka sijaga pintu: Pinompar ni si Sallum, pinompar ni si Ater, pinompar ni si Talmon, pinompar ni si Akkub, pinompar ni si Hatita, pinompar ni si Sobai saratus tolupulu ualu halak.

⁴⁶Angka Netinim: Pinompar ni si Siha, pinompar ni si Hasupa, pinompar ni si Tabaot.

⁴⁷Pinompar ni si Keros, pinompar ni si Siaha, pinompar ni si Padon.

⁴⁸Pinompar ni si Lebana, pinompar ni si Hagaba, pinompar ni si Salmai.

⁴⁹Pinompar ni si Hanan, pinompar ni si Gidel, pinompar ni si Gohar.

⁵⁰Pinompar ni si Reia, pinompar ni si Resin, pinompar ni si Nekoda.

⁵¹Pinompar ni si Gasam, pinompar ni si Usa, pinompar ni si Pasea.

⁵²Pinompar ni si Bisia, pinompar ni si Meunim, pinompar ni si Nepusim.

⁵³Pinompar ni si Bakbuk, pinompar ni si Hakupa, pinompar ni si Harhur.

⁵⁴Pinompar ni si Baslut, pinompar ni si Mehida, pinompar ni si Harsa.

⁵⁵Pinompar ni si Barkos, pinompar ni si Sisera, pinompar ni si Tama.

⁵⁶Pinompar ni si Nesia, pinompar ni si Hatipa.

⁵⁷Pinompar ni angka naposo ni si Salomo, pinompar ni si Sotai, pinompar ni si Soperet, pinompar ni si Perida.

⁵⁸Pinompar ni si Jaala, pinompar ni si Darkon, pinompar ni si Gidel.

⁵⁹Pinompar ni si Sepatia, pinompar ni si Hatil, pinompar ni si Rokeret Hasebaim, pinompar ni si Amon.

⁶⁰Luhut halak Netinim dohot pinompar ni angka naposo ni si Salomo tolu ratus siapulu dua halak.

⁶¹Jala on do halak angka na nangkok sia Tel-Mela, Tel-Harsa, Kerub, Addon dohot Immer, alai ndang tarpajojor nasida pinompar ni ompunasida i, nang pinomparnasida sandiri, manang tutu nasida sian Israel.

⁶²Pinompar ni si Delaia, pinompar ni si Tobia, pinompar ni si Nekoda, onom ratus opatpulu dua halak.

⁶³Jala sian angka malim: Pinompar ni si Habai, pinompar ni si Hakos, pinompar ni si Barsilai na mambuat sada boru ni si Barsilai, halak Gilead i bahen jolmana, laos dipanggoarhon goarnasida i.

⁶⁴Angka nasida ma mandiori surat aturan ni partubunasida, alai ndang jumpangsa, jadi ramun nasida dietong, laos dipabali nasida sian hamalimon.

⁶⁵Dung i ro ma hata ni pangarajai mandok tu nasida: Tung na so jadi do nasida mangan sian na badia sahali, paima adong hehe malim sada mangkajongjongkon Urim dohot Tummum. [79†]

⁶⁶Sandok luhutan i hira sahalak do opatpulu dua ribu tolu ratus onompulu halak toropna.

⁶⁷So padohot angka naposonasida baoa dohot parompuan pitu ribu tolu ratus tolupulu pitu halak toropna; mangihut tu nasida do halak parende baoa dohot parompuan dua ratus opatpulu lima halak toropna.

⁶⁸Ia hodanasida pitu ratus tolupulu onom, ia hodanasida angka na marsahe dua ratus opatpulu lima.

⁶⁹Ia untonasida opat ratus tolupulu lima, ia halodenasida onom ribu pitu ratus duapulu. III.

⁷⁰Deba sian angka induk marompuompu huhut mangalehon tumpakna tu ulaon i: Pangarajai mangalehon tu parartaan i saribu dirham sere, limapulu saoan dohot lima ratus tolupulu pangkean malim. [80†]

⁷¹Deba sian angka induk marompuompu mangalehon tu parartaan i manumpak ulaon i duapulu ribu dirham sere dohot dua ribu dua ratus Mina perak.

⁷²Ia pasipasi ni situan na torop i mangalehon duapulu ribu dirham sere dohot dua ribu Mina perak dohot onompulu pitu pangkean malim.

⁷³Dung i maringan di bagasan hutanasida be ma angka malim, halak Lepi, angka sijaga pintu, angka parende, dohot deba sian na torop i, halak Netinim ro di sandok Israel. Jadi dung jumpang bulan sipaha pitu sahat ma halak Israel di bagasan hutanasida be.