Read Batak Toba 2 MUSA 22 Bible Online

2 MUSA 22 - Batak Toba bible

2 MUSA 22

¹I. [1] Molo ditangko manang ise sada jonggi manang birubiru, laos dipotong manang digadis, ingkon uhum pangalimai ma gararonna ia jonggi, uhum pangopati gararonna ia birubiru. [183†]

²Molo dapot tartangkup panangko i laho mangarut nian, gabe hona balbal ibana pola mate, ndang siabulon mudarna.

³Alai molo naung sanga hatorangan ari panangko i, abulon ma mudarna. Ingkon gararon ni panangko i luhutna; molo so adong di ibana gadison ma ibana ala tinangkona i.

⁴Molo dapot di tanganna na tinangko i laos mangolu, silompit ma gararonna sian lombu ro di halode dohot birubiru.

⁵Molo dipagagathon manang ise pinahanna tu hauma manang tu porlak anggur ni na asing, tung dipalua songon i pinahanna tusi, ingkon na dumenggan ni haumana dohot porlak anggurna gararhononna.

⁶Molo rarat api gabe dapotsa handang, laos dipangan bunbunan manang eme na jongjong dope, ingkon gararon ni na pagalak api i do.

⁷Molo dipalumehon manang ise tu donganna hepengna manang barangbarangna, gabe diarut sian jabuna, silompit ma gararon ni panangko, molo tung dapot.

⁸Alai molo so dapot panangko i, boanon ma nampuna bagas i tu jolo ni Debata, atik tung beha laos ibana paganjang tanganna tu ugasan ni donganna. [184†]

⁹Taringot tu nasa hata jahajaha, ala jonggi, ala halode, ala birubiru, ala ulos, ala manang aha pe na mago, gabe didok na mandok: Ahu do nampuna on, tu jolo ni angka panguhum boanon hatanasida be, silompit dua ma gararon ni panjoha tu alona ginorahon ni panguhum.

¹⁰Molo dipalumehon manang ise tu donganna sada halode manang jonggi, manang birubiru, manang pinahan dia pe, gabe mate ma i, manang mabugang, manang diolat halak, ndang adong na marnidasa.

¹¹Ingkon mangmang tu Jahowa ma uhum di tongatonganasida na dua, atik tung beha tanganna laho tu ugasan ni donganna; ingkon jaloon ni nampunasa do, jala ndang gararon ni alona i.

¹²Alai molo tung ditangko panangko sian ibana, ingkon gararonna do i tu nampunasa.

¹³Molo tung digotil binatang, ingkon boanonna do tandana bahen sitindangi, ndang gararonna anggo na ginotil i. [185†]

¹⁴Molo diinjam sahalak sian donganna manang aha, gabe mabugang manang mate, ndang diida nampunasa, ingkon gararonna do i.

¹⁵Alai molo tung diida nampunasa, ndang gararonna; molo tung paneoa ibana disi, seoana i do singkatna. II.

¹⁶Molo didormai manang ise namarbaju na so oroan dope jala diangkupi modom, ingkon pintor lehononna bolina tusi jala buatonna bahen jolmana. [186†]

¹⁷Alai molo manjua situtu amana mangalehon boruna tu ibana, timbangonna ma hepeng marguru tu godang ni boli ni namarbaju.

¹⁸Ndang jadi pangoluon boruboru na marhapandean. [187†]

¹⁹Ingkon bunuon do manang ise na pasaorsaor ibana modom tu pinahan. [188†]

²⁰Ingkon siaphononhon do manang ise na mamele debata sileban, nda holan tu Jahowa ibana mamele. [189†]

²¹Ndang jadi sosahanmu halak dagang manang rupaonmu ibana; ai halak dagang do nang hamu na jolo di tano Misir. [190†]

²²Ndang jadi rupaon boruboru na mabalu manang anak lumanglumang. [191†]

²³Molo tung dirupa ho nasida, gabe mangangguhi nasida tu Ahu, sai na tangihononku do angguhangguknasida i.

²⁴Jadi marpiarpiar ma rimashu, jala bunuonku hamu marhitehite podang, gabe mabalu jolmamuna, gabe anak lumanglumang ia angka anakmuna.

²⁵Molo dipasali ho hepeng tu bangsongki, tu na pogos di lambungmi, unang ho songon halak sijalo bunga ni hepeng sian ibana, unang bahen marbunga hepengmu tu ibana. [192†]

²⁶Molo sindor dijalo ho ulos ni donganmu, ingkon paulahonmu tu ibana jumolo asa sundut mata ni ari. [193†]

²⁷Ai ulosna do bulusanna manangkas tu hulingkulingna, tung tudia ma ibana modom? Molo tung mangangguhi ibana tu Ahu, sai tangihononku di ibana, ai parasi ni roha do Ahu.

²⁸Ndang jadi buraanmu Debata, jala ndang jadi pulasanmu induk di bangsom. [194†]

²⁹Ndang jadi tiopanmu lobilobi ni emem manang anggurmu. Ingkon tu Ahu lehononmu anak buhabajum. [195†]

³⁰Suang songon i bahenonmu taringot tu lombum dohot angka birubirum. Pitu ari lelengna di lambung ni inana; di ari paualuhon i tu Ahu ma i lehononmu. [196†]

³¹Ingkon halak na badia ma hamu di Ahu. Dibahen i ndang jadi panganonmuna juhut na ginotil ni binatang di ladang, ingkon tu jolo ni biang do timpalhononhon. [197†]