Read Batak Toba JOB 10 Bible Online

JOB 10 - Batak Toba bible

JOB 10

¹I. [1] Nunga biasan rohangku di hangoluan on, antong guru lomo ni rohangku na ma mandatdati andungku, naeng mangandungkon hinaponjot ni rohangku. [135†]

²Dohononku ma tu Debata: Unang torui ahu! Sai pabotohon ma tu ahu manang ala ni aha umbahen badaanmu ahu!

³Tung tama ma i di roham Ho mangarupa, dohot mambolongkon jadijadian ni tanganmu, hape manumpak marmulia do Ho ianggo di luhutan ni halak parjahat?

⁴Tung marmata sian sibuk ma Ho? Tung songon parnida ni jolma parnidam? [136†]

⁵Tung songon ariari ni jolma na gale i ma ariarim? Manang angka taonmu, songon taon ni sada baoa? [137†]

⁶Umbahen songon i risihanmu hajahatonku, jala dioranmu dosangku?

⁷Ala naung * diboto Ho nian na so parjahat ahu, jala na so adong jolma na tuk + paluahon ahu sian tanganmu. [138†]

⁸Nunga pola loja * tanganmu manjadihon dohot manompa ahu tipak tuk humaliang, hape naeng polgahonmu ahu ia nuaeng? [139†]

⁹Sai ingot ma naung ginanami ahu songon * tano liat, hape mulak tu orbuk ahu naeng pasuangonmu! [140†]

¹⁰Nda nunga diusehon Ho ahu songon susu, jala pola ahu dibahen Ho songon susu na nialhotan? [141†]

¹¹Nunga marpahean hulingkuling dohot sibuk ahu dibahen Ho, jala nunga disirat Ho holiholi dohot hurador tu bagasan ahu. [142†]

¹²Nunga dibasabasahon Ho tu ahu hangoluan dohot asi ni roha, jala panatapmu mangaramoti hosangku. [143†]

¹³Hape naung ditabunihon Ho angka on di bagasan roham; tangkas do huboto tibu hian songon i sangkap ni roham.

¹⁴Molo tung mardosa ahu, nunga dapot Ho ahu tutu, jala ndang tagamon lias ahu paluaonmu sian hajahatonku. [144†]

¹⁵Marjea ma ahu tutu molo tung halak parjahat ahu; alai tung sura pe pintor ahu, laos so hum do ahu * padirgak ulungku, ahu on naung gok haurahon jala mahap marnida pardangolanku. [145†]

¹⁶Tung sura pe hupadirgak, ponsaonmu do ahu songon * singa panoro, jala ulahanmu do mambahen gogo tu ahu. [146†]

¹⁷Mardapotdapot angka sitindangim dipatindang Ho dompak ahu, jala dipaganda Ho rimasmu dompak ahu; margantiganti tongon angka parangan haporsuhon manahopi ahu. [147†] II.

¹⁸Boasa tung paruaronmu ahu sian bortian? Denggan nian pintor tos hosangku, gabe unang sanga nanggo sada mata marnida ahu. [148†]

¹⁹Jadi hira na so tubu ahu etongan nuaeng, pintor sian butuha ni dainang ahu boanonna tu tanoman.

²⁰Nda otik do angka ariaringku? Dibahen i dipasohot Ibana nian jala dipasombu ahu, asa hupahosa nian nanggo satongkin. [149†]

²¹Tagan so laho dope ahu tu luat na holom marimpotimpot dohot linggoman ni hamatean, na so tarbahen mulak sian i. [150†]

²²Tu tano haholomon marimpotimpot, songon haholomon linggoman ni hamatean, na so maraturan, sobokkon haholomon marimpotimpot do hatiuron disi.