Read Batak Toba JOB 11 Bible Online

JOB 11 - Batak Toba bible

JOB 11

¹I. [1] Dung i ninna si Sopar halak Naemai ma mangalusi:

²Tung so alusan ma hatahata ni sihapodea, manang tung tagamon pintor halak siduatdait? [151†]

³Tung * teal ni pangkulingmu ma tama pasiphon halak; sai didatdati ho do mangelak, hape soada adong nanggo sahalak na paurak ho. [152†]

⁴Sai nimmu do: Pita do podangku, jala lias do ahu nang moradophon matam, ale Debata. [153†]

⁵Alai tahe aut ni olo Debata mangkuling, jala dibungka pamanganna dompak ho. [154†]

⁶Jala dipabotohon tu ho angka * hahomion ni habisukonna, ai tung marlompitlompit do hasintonganna jadi botoonmu ma marpamuati dope roha ni Debata mida ho taringot tu hajahatonmu. [155†]

⁷Tung dirimpu roham dapot hadodoan ho parmulaan ni sangkap ni Debata, manang tung jumpang ho ma sun ni hinadenggan ni Pargogo na so hatudosan.

⁸Tumimbo do i sian angka langit, tung aha ma bahenonmu? Umbagas do i sian banua toru, tung aha ma dipabotoboto ho? [156†]

⁹Gumanjang do suhatsuhatna sian tano on, jala umbidang sian laut.

¹⁰Tung sura mamolus Ibana dohot mangkurungkon dohot mamboan tu paruhuman, tung ise ma na tuk manogang Ibana?

¹¹Ai Ibana do mananda halak pangansi, jala diida hajahaton, ndang pola loja rohana mangarisik. [157†]

¹²Gari baoa na oto sahali marroha dibahen, jala anak ni halode harangan tarbahensa mangulahi tubu gabe jolma. II.

¹³Alai molo * marsihohot roham, jala + dipaherbang ho tanganmu tu Ibana. [158†]

¹⁴Molo tung adong * hajahaton di bagasan tanganmu, paholang ma i, asa unang mian hageduhon di bagasan + undungundungmu. [159†]

¹⁵Disi ma tarbahen ho * padirgak bohim, malua sian haurahon, gabe marsihohot roham marojahan, ndang be marhabiaran. [160†]

¹⁶Ai disi ma halupahononmu * parsorionmu, songon aek naung salpu mabaor, parningotmu disi. [161†]

¹⁷Jadi tumiur ma parnidaanmu tu joloan on sian tiurna di hos ni ari; soluk pe sipata na holom i, songon tiurna manogotna i do i. [162†]

¹⁸Jadi marnalom ni roha ma ho, ai adong do sihirimonmu, jala ranapanmu luhutna humaliang, jala * marsonangsonang ho laho modom. [163†]

¹⁹* Sonang ho papeahonmu, jala ndang adong nanggo sahalak na manonggoti ho, jala + torop halak papujipuji ho adop bohi be. [164†]

²⁰Alai rondaron do anggo * mata ni halak parjahat i, mago do ia pangatauan ni rohana, jala + marpangkirimon tu hatotos ni hosana na ma ibana. [165†]