Read Batak Toba JOB 13 Bible Online

JOB 13 - Batak Toba bible

JOB 13

¹I. [1] Ida ma, luhutna i nunga diida matangku, nunga dibege pinggolhon jala diantusi.

²Suang songon botomuna do botongku huhut, ndang talu ahu martimbangkon hamu. [181†]

³Alai atik pe songon i, naeng ahu mandok suara tu Nasunhinagogo i, jala dipangido rohangku naeng masialusan dohot Debata.

⁴Ai siulasulas gabus do anggo hamu, jala pandaoni angka na so marguna do hamu sude. [182†]

⁵Tagonan mangiman boti nian hamu, i ma tanda ni habisuhon di hamu dohonon ni halak. [183†]

⁶Antong tangihon hamu ma poralusonku, jala parateatehon hamu panariason ni bibirhon.

⁷Tung hageduhon naeng hatahononmuna mangampini Debata? Naeng dohononmuna sipaotooto mangamini Ibana?

⁸Tung hamu naeng mandingkani Ibana? Manang tung hamu gabe pangondian ni Debata?

⁹Tung tagamon ma sonang hamu, tung sura Ibana manulingkit hamu? Manang tung dirimpu hamu dapot ansionmu Ibana, songon jolma na gale na dapot ansion?

¹⁰Tongon tahe, Ibana sandiri manggogo maminsang hamu, molo marroha di bagasan hamu mangampini Ibana.

¹¹Tung so hamuliaonna manonggoti hamu, jala hatahuton mida Ibana maninggangi hamu?

¹²Angka sipaingotmuna gabe nonang sian sirabun na so marimpola, jala panariasonmuna gabe partanobatoan sian tano liat.

¹³Antong sip ma anggo hamu, jala loas hamu ahu mandok suara, rohana do manang aha pamasaonna tu ahu. II.

¹⁴Tung ahai sai usungonku sibukku di holangkolang ni ngingingku, manang tondingku di bagasan tanganku? [184†]

¹⁵Ida ma, sai na bunuonna na ma ahu, ndang adong be sihirimonku, alai anggo angka dalanku, sai naeng tariashononku di jolona.

¹⁶Nang on tarbahen do i gabe hatuaonku, na so niloasna masuk tu jolona anggo halak parjahat.

¹⁷Dibahen i, tangkas ma tangihon hamu panopotionku, jala dijangkon pinggolmuna panariasonku. [185†]

¹⁸Ida ma, nunga huaturhon pangaluan, jala huboto hian ingkon * pintoranna ahu. [186†]

¹⁹Tung ise ibana na tuk mangaluhon ahu, asa sip ahu nian nuaeng jala tos hosangku antong. [187†]

²⁰Asal unang na dua on dibahen Ho tu ahu, jadi ndang tabunihononku diringku maradophon bohim.

²¹Sai paholang ma sian ahu torutorum, jala unang hinasongkalmu manonggoti ahu. [188†]

²²Dung i joujou ma ho, sai na alusanku do, manang ahu tahe jumolo mandok asa balosonmu.

²³Tung sadia godang do huroha hajahatonku dohot dosangku? Sai pabotohon ma tu ahu panundalionku dohot dosangku.

²⁴Ala ni aha umbahen tabunihononmu bohim, jala etongonmu ahu hira musum? [189†]

²⁵Tung sada bulung na mapirapir huroha naeng songgotanmu, jala gala ni eme sada naung masak naeng leleanmu?

²⁶Umbahen songon i godang uhum na posi surathononmu tu ahu, jala manginona tu ahu bahenonmu angka * hajahaton ni haposoonku. [190†]

²⁷Jala bahenonmu pathu tu bagasan * beangan jala ** ranapanmu dalanku sudena, gari bogas ni pathu + dihampungi Ho do. [191†]

²⁸Atik pe ruhap on iba songon hau na tandetandeon, jala songon * ulos na pinangan ni ngitngit. [192†]