Read Batak Toba JOB 16 Bible Online

JOB 16 - Batak Toba bible

JOB 16

¹I. [1] Dung i ninna si Job ma mangalusi:

²Nunga godang pangkataion sisongon i hubege, angka pangapul sipaganda hinamago do hamu sude. [231†]

³Sadihari pe marujung angka hobar angin? Aha ulaning pasugal roham umbahen sai datdatanmu maralus? [232†]

⁴Ahu pe, tarbahen ahu do marhatahata songon hamu, tung sura ditaon hamu songon na hutaon on; sai datdatanku mangalage hatahata mangalo hamu, jala * paseolseolonku ulungku mida hamu. [233†]

⁵Tongon tahe papironhu ma tondimuna marhitehite hata ni pamanganku, jala apulapul ni bibirhu pasohothon parniahapanmuna. II.

⁶Molo marhata i ahu, ndang tagamon mansohot parniahapanku; molo hohom ahu, ndang tagamon tu oruna.

⁷Tutu anggo nuaeng, nunga suda gogongku dibahen Ibana, nunga tung ripur angka isi ni bagashu dibahen Ho. [234†]

⁸Nunga tung disoro Ho ahu, gabe sitindangi do i dompak ahu, jala nunga hehe niangku mangalo ahu, jala mangalualuhon ahu adop bohi be. [235†]

⁹Rimasna marsurage dohot mangalo ahu, * patungoripon Ibana dompak ahu, alongku patajom pamerengna dompak ahu. [236†]

¹⁰Dipangangang * nasida pamanganna be dompak ahu, dipastapi nasida hurumhu marhite sian hata reherehe, + marsitampak nasida mangalo ahu. [237†]

¹¹Nunga dipasahat Debata ahu tu halak pargeduk, jala nunga ditinggangkon ahu tu bagasan tangan ni halak parjahat.

¹²Marsonangsonang ahu nian, gabe Ibana manggopui ahu, disoro do tangkuhukku jala digosagosa ahu, jala dipajongjong ahu bahen * panonjolanna. [238†]

¹³Marngeos angka sumbiana humaliang ahu, dibola Ibana piangku so moralangalang, jala diusehon pogungku tu tano. [239†]

¹⁴Mardapotdapot angka bugangku dibahen, didorong do ahu songon pandorong ni ulubalang na begu.

¹⁵Nunga hualithon * abit takki tu hulingkuling ni dagingku, jala nunga huguluhon ulungku tu bagasan orbuk. [240†]

¹⁶Marbosol do bohingku binahen ni partangison, jala ampe tu langkop ni matangku linggoman ni hamatean. [241†]

¹⁷Atik pe so adong lohot * pangarupaon di tanganku, jala tongtong pita tangiangku. [242†] III.

¹⁸Sai unang ma dionsop tano i mudarhu, jala unang jumpangan pangulonan angguhanggukki. [243†]

¹⁹Gari nuaeng, ida ma, di bagasan surgo i do Sitindangingku, jala Pangondianku do di * angka banua ginjang. [244†]

²⁰Manginsahi pe angka alealengku mida ahu, dumarede do iluilu ni matangku marpangatauan tu Debata. [245†]

²¹Asa ditolai mangondihon baoa i moradophon Debata, jala dipintori anak ni jolma maralohon alealena.

²²Ai otik na ma bilangan ni angka taonhu, jonok na ma ajalhu, bolusonku ma * dalan na so haulahan do. [246†]