Read Batak Toba JOB 17 Bible Online

JOB 17 - Batak Toba bible

JOB 17

¹I. [1] Nunga mandate tondingku, nunga mintop angka ariaringku, nunga rade tanoman i di ahu.

²Hape tong dope angka reherehe humaliang ahu, nang bornginna i ingkon taon on ni matangku angka pamadaionnasida.

³Ua bahen ma * parhangkungan, Ho ma tahe mangampu ahu! Tung ise ma dungkon ni Ho na olo martopak tangan dohot ahu. [247†]

⁴Ai nunga ditamondingkon Ho panimbangon sian rohanasida, dibahen i ndang tagamon pamonangonmu anggo nasida. [248†]

⁵Manang ise na manjehehon angka alealena tabanon ni halak, * ingkon rondar mata ni angka anakna. [249†]

⁶Nunga dibahen Ibana ahu gabe * sirehereheon ni halak situan na torop, pola luhut halak + mamursihi bohingku. [250†]

⁷Dibahen i pola * lotop matangku dibahen hinamago, jala saluhutna ruashu songon halinu sambing. [251†]

⁸Pola marseto alani roha ni halak partigor, jala mangiburu halak na so marpipot mida halak parjahat.

⁹Alai tahe tong do * marsihohot roha ni partigor i mangihutihut dalanna, lam tamba tahe gogo ni halak na ias tangan. [252†] II.

¹⁰Alai luhut hamu, datdati hamu ma mulahulak ro tu ahu, ndang tagamon jumpang ahu na marroha di tongatongamuna nanggo sahalak.

¹¹Nunga salpu angka ariaringku, nunga pesan angka sangkaphu, angka pangidoan ni rohangku. [253†]

¹²Borngin i gabe arian dibahen nasida, jonok na ma hatiuron i didok, atik pe ngomngom dope haholomon. [254†]

¹³Tung sura marpangkirimon disi ahu, tong do parbeguan gabe jabungku, jala hupahembang lagengku di bagasan haholomon. [255†]

¹⁴Joujou pe ahu mandok tu tanoman i: Damang do ho! Tu angka * gulokgulok: Dainang dohot angka ibotongku do hamu! [256†]

¹⁵Didia be adong tagamon sihirimonku, jala ise tagamon pataridahon tu ahu na huhirim i?

¹⁶Turun do i tu pargumbangan ni parbeguan, molo rap moradian di bagasan orbuk.