Read Batak Toba JOB 19 Bible Online

JOB 19 - Batak Toba bible

JOB 19

¹I. [1] Dung i ninna si Job ma mangalusi:

²Sadia leleng on sai arsahanmuna rohangku? Jala pasipalsipalonmuna ahu marhite sian hatahata? [268†]

³Nunga pola sampulu hali hamu manginsahi ahu, ndang maila hamu mangalojai ahu.

⁴Tung sura pe naung tutu ahu sala, ahu do mandapot salangku.

⁵Tongon tahe, sai naeng manenganenga hamu dompak ahu, lam mangonai hata muse hamu dompak ahu patamba haurahonku. II.

⁶Antong boto hamu ma, nunga dipajepol Debata ahu, jala nunga lingkup tu ahu rambangna.

⁷Ida ma, huanggukkon pe pangarupaon! Hape ndang adong na mangalusi; sai marhuraja ahu mangido pangurupion, hape ndang adong na mamintori ahu. [269†]

⁸Nunga dirungga Ibana dalanku, gabe ndang tarbolus ahu; jala nunga gabe haholomon angka dalanku dibahen Ibana. [270†]

⁹Nunga diosari Ibana hamuliaonku sian ahu, jala nunga dirampas tumpalhu sian ulungku. [271†]

¹⁰Nunga tung diparumpak Ibana ahu tuk humaliang asa tung mate ahu; jala nunga diborgati arop ni rohangku songon hau.

¹¹Nunga marsigorgor rimasna dompak ahu, jala * hira musuna ahu dietongi. [272†]

¹²Nunga isi angka parduan ni paranganna ro mangarampok ahu; nunga dipalendes nasida dalanna laho mangalo ahu, jala ditungkum undungku tuk humaliang. [273†]

¹³Nunga dipaholang Ibana angka hahaanggingku sian ahu, jala banding tu ahu angka donganku magodang. [274†]

¹⁴Nunga ditadingkon angka tondongku ahu, jala nunga dihalupahon angka alealengku ahu. [275†]

¹⁵Halak isi ni bagashu pe ro di angka naposongku mangetongi ahu doshon halak ruar, hira halak na pulik luat do ahu di rohanasida.

¹⁶Ia hujou naposongku, gabe ndang mangalusi ibana, maradu huparrajarajai ibana dohot pamanganku.

¹⁷Nunga biasan * jolmangku manganggo hosangku, nang angka pahompungku manganggo mongkushu. [276†]

¹⁸Gari angka dakdanak na tuit mangaleai ahu; molo huondam hehe, gabe mambebeati nasida dompak ahu. [277†]

¹⁹Marbiasbias do mida ahu saluhut aleale hasudungan ni rohangku na sai laon, jala halak na huhaholongi nunga marbalik mangalo ahu. [278†]

²⁰Tandos tu holiholingku na ma hulingkulingku dohot sibukku, holan sisik ni suratanku na ma na so hona. [279†] III.

²¹Sai asi ma rohamu mida ahu, asi ma tutu rohamu mida ahu, hamu ale angka alealengku, ai nunga mangonai * tangan ni Jahowa tu ahu. [280†]

²²Boasa tung leleanmuna ahu songon pangalele ni Debata? Ndang dope mahap rohamu pasipalsipal dagingku? [281†]

²³Aut ni tarsurat nian angka hatangku, aut taruhir nian di bagasan sada pustaha! [282†]

²⁴Aut dilontik nian dohot panurat bosi dohot simbora tu dolok batu, bahen parningotan salelenglelengna.

²⁵Ai tangkas do * huboto mangolu do ** Sipangolu ahu, jala Ibana + parpudi jongjong di atas orbuk. [283†]

²⁶Jala ia dung malangke hulingkulingkon, jala malua ahu sian * sibukkon, + idaonku ma Debata. [284†]

²⁷Ahu sandiri ma tutu marnida Ibana gabe hatuaonku, apala matangkon marnida Ibana, jala ndada anggo * sileban; pola tung suda + piangku dibahen sihol ni rohangku di bagasan. [285†]

²⁸Molo tung didok rohamuna dope: Beha bahenonta mangalele ibana? Angkup ni: Parbonsiran ni hata i dapot do di bagasan ahu.

²⁹Sai mabiar ma hamu mida podang partubolon, ai rimas i do podang mangonai tu angka hajahaton, asa tung diboto hamu adong do uhum partubolon sogot.