Read Batak Toba JOB 2 Bible Online

JOB 2 - Batak Toba bible

JOB 2

¹I. [1] Alai jumpang muse ma di na sadari, ro be angka anak ni Debata laho jongjong di jolo ni Jahowa, tung ro do dohot sibolis i di tongatonganasida jongjong di jolo ni Jahowa. [21†]

²Dung i didok Jahowa ma tu sibolis i: Sian dia do ho ro? Jadi ninna sibolis i ma mangalusi Jahowa: Sian paraotaotan do ahu mangaliati tano i.

³Dung i ninna Jahowa ma tu sibolis i: Atehe, nunga tung diiburu roham naposongku si Job? Si ndang adong baoa tudoshon ibana marroha di tano i, * daulatna, tigorna, biarna mida Debata, jala dipadao rohana sian hajahaton; sai tong dope ** marsihohot rohana di hadaulatonna, atik pe dipinggil ho Ahu dompak ibana laho mangago + soada alana. [22†]

⁴Dung i ninna sibolis i ma mangalusi Jahowa: Hulingkuling singkat ni hulingkuling, ro di nasa na di ibana dilehon jolma i do i singkat ni hosana. [23†]

⁵Alai tung sura disurdukkon Ho tanganmu manjama holiholina dohot sibukna, manang so * buraanna ma. Ho di hapataron. [24†]

⁶Dung i ninna Jahowa ma tu Sibolis i: Ida ma, * sahat tu tanganmu ma ibana, asal diolani ho hosana. [25†]

⁷Dung i ruar ma sibolis i sian adopan ni Jahowa, gabe * hona puru godang ma si Jobi dibahen sian palak ni patna ro di pakpak uluna. [26†]

⁸Dung i dibuat si Job ma santopik ngarngar mangkoisi dagingna, laos * hundulhundul di bagasan sirabun. [27†]

⁹Dung i didok * jolmana ma tu ibana: Sai tong dope ** marsihohot roham di hadaulatonmu? + Bura i na ma Debata asa mate ho! [28†]

¹⁰Alai ninna ibana ma tu jolmana i: Songon hata ni sada boruboru na riting do pangkulingmi. Nunga itajalo na tonggi sian Debata, * nda jaloonta dohot na paet? Di bagasan saluhutna i + ndang mardosa si Job marhite sian pangkulingna. [29†] II.

¹¹Jadi dung sar barita ni sandok hinamago ni si Job tu na tolu halak alealena, ro be ma nasida ganup sian ingananna be, i ma si Elipas sian * Teman dohot si Bildad sian ** Sua, dohot si Sopar sian + Naama. Ai mardos ni roha do nasida rap ro maningkir dohot mangapuli ibana. [30†]

¹²Jadi dung ditatap nasida ibana sian na * dao, ndang be ditanda nasida ibana, gabe dipangiar suarana be tumatangis, jala ganup ** manansani ulosna jala + dipirpirhon orbuk tu atas ulunasida dompak langit. [31†]

¹³Dung i rap * hundul ma nasida manangkas di tano + pitu ari pitu borngin lelengna, agia ise ndang mandok nanggo sada hata tu ibana, ala diida nasida mansai bernit sahitna i diae. [32†]