Read Batak Toba JOB 22 Bible Online

JOB 22 - Batak Toba bible

JOB 22

¹I. [1] Dung i ninna si Elipas sian Teman ma mangalusi:

²Tung tarbahen baoa ma manumpak Debata? Ndada manumpak tu dirina sambing do halak na marroha i. [330†]

³Tung adong ma tagamon gunana di Debata Nasunhinagogo, molo dipintori ho dirim? Manang tung adong ma untungna sian i molo dipadaulat ho pangalahom? [331†]

⁴Tung tagamon ma pinsangonna ho anggo ala ni hadaulatonmu, laos Ibana mamboan ho tu paruhuman?

⁵Nda ala ni godang ni hajahatonmu do i dohot ala ni dosam angka na so marpansadian?

⁶Ai nunga dibuat ho singkoram sian donganmu soada alana, jala disoro ho do ulos ni halak na marsangkot bulung hian. [332†]

⁷Ndang dilehon ho aek inumon ni halak na mandate, jala dihomolhomol ho indahan paidaida halak na rapar. [333†]

⁸Jala halak sigostang botohon nampuna tano i, jala na sangap maringan disi ditumpak ho.

⁹Rumar boti angka na mabalu dipalaho ho, jala botohon ni halak na tading di lampin diropuhi ho do. [334†]

¹⁰Alani umbahen ditaon angka jorgong tuk humaliang ho, jala ro songgotsonggot tu ho so pangkirimanmu. [335†]

¹¹Manang tung so tama hian ma holom parnidaanmu, jala so hungkupan ni aek na sumar i ho? [336†] II.

¹²Nda maringan do Debata di langit apala parginjang sahali? Jala tailihon ma angka bintang, timbona i tu ginjang!

¹³Hape dohononmu dope: Aha ma dipabotoboto Debata? Tung tagamon ma manguhum Ibana sian pudi ni haholomon? [337†]

¹⁴Angka ombun do partabunianna, umbahen so marnida Ibana, jala diliati Ibana do langit ni langitan! [338†]

¹⁵Naeng do huroha jujuronmu dalan ni halak sian na robi, dalan na nidalanan ni halak parjahat! [339†]

¹⁶Angka na redep so panagaman ni rohana, aek na sumar i mangumbang ojahannasida sandiri. [340†]

¹⁷Angka na mandok tu Debata: Paholang ma sian hami! Tung aha ma bahenon ni Nasunhinagogo i tu nasida! [341†]

¹⁸Hape nian, nunga Ibana manggohi bagasnasida dohot denggan basa. Sai mandao ma sian ahu pingkiran ni halak parjahat! [342†]

¹⁹Idaon ni halak partigor ma i, huhut marlas ni roha, jala halak na so marpipot mangarehe nasida songon on: [343†]

²⁰Nunga ripur hapengani angka alonta, jala nunga suda hamuliaonna dipangan api! [344†] III.

²¹Ua mardenggan ma ho dohot Ibana, asa mardame ho, asa marhite sian i ro hatuaon tu ho.

²²Sai jalo ma pangajaran sian pamanganna, jala parateatehon ma angka hatana! [345†]

²³Molo mulak roham tu Ibana Nasunhinagogo i, mangulahi mardohar do ho bahenonna, molo dipaholang ho hageduhon sian undungundungmu. [346†]

²⁴Reongkon ma sere i tu orbuk, jala * sere sian Opir tu tongatonga ni batu rese di sunge. [347†]

²⁵Jadi Ibana Nasunhinagogo i ma gabe seremi, dohot perak margugungugun di ho. [348†]

²⁶Jadi disi ma ho * marlas ni roha mida Nasunhinagogo i, jala padirgahonmu bohim tu Debata. [349†]

²⁷Martangiang ho tu Ibana, jadi tangihononna ma ho, jala gararonmu angka bagabagam. [350†]

²⁸Molo disangkap roham manang aha, sai na saut do i tumpahanna, jala * marhatiuron angka dalanmu sondanganna. [351†]

²⁹Molo * dipajepol halak ho, jadi dohononmu ma: Hatimbulon do i! Jala manang ise na + serep marpanaili, martua do bahenonna. [352†]

³⁰Paluaonna ma sian salana nang halak na so lias hian, paluaonna ma tutu marhite sian habontoron ni tanganmu. [353†]