Read Batak Toba JOB 26 Bible Online

JOB 26 - Batak Toba bible

JOB 26

¹Dung i ninna si Job ma mangalusi:

²Jagar ma ho manolongi halak na so margogo, jala ditumpak ho botohon na so marnangon!

³Jagar ma ho manuturi halak na so marbisuk, jala nunga tung godang pingkiran dipabotohon ho!

⁴Mangonai tu ise ulaning hatahata angka naung pinaboam, jala tondi ni ise ulaning naung ruar sian ho?

⁵Gari begu ni halak na mate angka hitir do nang halak isi ni lung.

⁶Tedek do parbeguan i di jolona, jala ndang martutup banua toru. [376†]

⁷Ibana pahembang langit parutara i di atas ni lung, Ibana manggantungkon tano on tu atas ni na soada. [377†]

⁸Ibana manimpus aek di bagasan ombunna, jala ndang olo mapuntas angka ombun i dibahen. [378†]

⁹Ibana manghungkupi bohi ni habangsana, jala dipaherbang ombunna bahen rimberimbena.

¹⁰Ibana umpajok parbalohan ni angka aek humaliang, sahat ro di partomuan ni hatiuron dohot haholomon. [379†]

¹¹Pola tung humuturhutur angka tiang ni langit jala tarsonggot moradophon pangasupina.

¹²Pola gunsang laut i binahen ni hagogoonna, jala marhite sian hapistaranna dipatunduk Ibana Rahab. [380†]

¹³Marhite sian hosana minar angka langit i dibahen, jala tanganna manjadihon * ulok na marlegotlegot. [381†]

¹⁴Ida ma, i ma angka ujung ni dalanna dope, asal pistik hata husiphusip na itabege taringot tusi! Tung ise ma na manahan anggo umbege suara ronggur ni hagogoonna? [382†]