Read Batak Toba JOB 27 Bible Online

JOB 27 - Batak Toba bible

JOB 27

¹I. [1] Dung i didatdati si Job ma angka panariasonna, ninna ma:

²Songon sintongna mangolu Debata naung * padaohon sian ahu hatigoranku, mangolu dohot Nasunhinagogo i naung mambahen margudompong rohangku. [383†]

³Ai saleleng simpan dope hosangku di bagasan ahu, jala hosa na sian Debata di bagasan igungku. [384†]

⁴Na so tupa bibir ni pamanganku mangkatahon hageduhon manang dilangku paboahon sipaotooto. [385†]

⁵Dao ma sian ahu tung tolopanku hatamuna; rasirasa tos hosangku, ndang tagamon sumurut sian ahu habontoronku. [386†]

⁶Sai marsitiopan do ahu di hatigoranku, jala ndang paluaonku; ndang pola marlobok taroktokku taringot tu ariaringku nanggo sada. [387†]

⁷Ingkon musungku nian balik tartudu songon halak parjahat, jala songon halak pargeduk ia alongku. II.

⁸Ai tung aha ma sihirimon ni halak parjahat, nang pe dipagukguk artana, molo ditait Debata hosana? [388†]

⁹Tung tagamon tangihonon ni Debata ma angguhanggukna, molo ro hagogotan tu ibana? [389†]

¹⁰Tung tarbahensa ma marlas ni roha mida Nasunhinagogo i, manang martangiang tongtong tu Debata? [390†]

¹¹Ahu ma nuaeng mangajari hamu taringot tu pambahenan ni Debata, ndang porsoonku tu hamu sangkap ni Nasunhinagogo i. [391†]

¹²Hamu sandiri pe, nunga nian diida hamu luhutna i, boasa sai datdatanmuna mamingkiri na so marguna? [392†]

¹³I ma jambar na pinatongon ni Debata tu jolma parjahat, jala teanteanan na pinatontu ni Nasunhinagogo i tu halak pangarupa. [393†]

¹⁴Molo tamba torop ni angka anakna, sude do i panganon ni podang, jala pahompuna hurangan sipanganon. [394†]

¹⁵Ia pasipasina na teba i, i ma bonduton ni begu antuk, jala ndang mananangisi parompuan angka na mangkabaluhon ibana. [395†]

¹⁶Nang pe dipagukguk ibana perak songon orbuk godangna, jala diparade pangkeanna songon tano liat godangna. [396†]

¹⁷Na ripe paulina do di ibana, alai * halak partigor do maruloshon, jala halak na so marpipot marbagi perakna. [397†]

¹⁸Dipauli pe bagasna songon ngitngit, jala songon pondokpondok na pinauli ni halak parladang.

¹⁹Mamora ibana laho modom, hape ndang be ulahanna; molo dipabidok matana, hape ndang disi be ibana. [398†]

²⁰Songgotsonggot ni hamatean manahopi ibana songon aek magodang, jala luahonon ni habahaba poting haliung ibana bornginna i. [399†]

²¹Boanon ni * habahaba sian purba ibana, jala purpurhononna ibana dao sian ingananna. [400†]

²²Debata manginonahon luhutna i tu ibana, jala ndang moralangalang, ingkon maporus ibana moradophon tanganna.

²³Jadi martilla ni roha ma halak mida ibana, pola martopaktopak tangan jala diasingkon ibana sian ingananna. [401†]