Read Batak Toba JOB 3 Bible Online

JOB 3 - Batak Toba bible

JOB 3

¹I. [1] Dung songon i dibungka si Job ma pamanganna jala * diburai + ari hatutubuna. [33†]

²Dipungka si Job ma mandok hatana:

³Ua tung mago ma nian * ari hatutubungki dohot borngin na manggora: Nunga dijangkon bortian sada posoposo baoa. [34†]

⁴Ingkon gabe haholomon nian ari na sasada i, unang nian usouso Debata disi * sian ginjang, jala unang nian marsinondang hatiuron disi! [35†]

⁵Ingkon mulak nian ari i tungguon ni haholomon dohot linggoman ni hamatean, ingkon ombun mangitom nian songgop tusi, ingkon samon arian nian manonggoti ari i!

⁶Ingkon haholomon marimpotimpot nian tongtong nampuna borngin na sasada i, unang nian marlas ni roha di tongatonga ni angka ari ni na sataon, jala unang nian masuk etongan tu bilangan ni angka bulan.

⁷Ida ma, unang ma nian marhagabeon borngin na sasada i, jala unang adong masa disi olopolop.

⁸Ingkon pulasan ni * angka parsibalik mata, angka na malo + manungguli naga nian borngin na sasada i. [36†]

⁹Ingkon mangkolom ma nian angka bintangna andostorang, sai maimaima di hatiuron, hape matua so ro, unang nian sanga idaonna * imbulu ni sibalik hunik. [37†]

¹⁰Ala so ditutup * pintu ni bortian ni dainang, manabunihon nian hinamago on sian matangku. [38†] II.

¹¹Boasa tung so mate hian ahu sian bortian, pintor tos nian hosangku dung ruar sian butuha ni dainang. [39†]

¹²Boasa tung pintor rade * ampuan manjangkon ahu, dohot bagot pangonsopangku? [40†]

¹³Aut unang i nian peak do ahu nuaeng jala maradian, jala modom ahu disi marsonangsonang.

¹⁴Rap dohot angka raja dohot panuturi ni luat i, angka na pauli * tambak di dirina. [41†]

¹⁵Manang rap dohot halak na sangap, angka parsere na godang, angka na * manggohi jabunasida dohot perak. [42†]

¹⁶Manang songon * silumaksa ijur na pinanguspangus ahu nian, gabe soada be, songon posoposo na so sanga mida hasiangan. [43†]

¹⁷Mansohot ma disi angka * parjahat ogaoga, maradian huhut disi angka na mandate ala hurangan gogo. [44†]

¹⁸Rap moradian disi luhut angka na tarrante, ndang be dibege nasida suara ni pandasdas.

¹⁹Marsada do disi pangkilalaan ni na metmet dohot na balga, hatoban pe malua do sian indukna.

²⁰Boasa tung lehononna hatiuron tu halak na marhinamago, dohot hangoluan tu halak na marsak situtu marroha.

²¹Angka na mangkalungunhon hamatean nian, hape matua so ro, pola dipatumorosi rohana gumodang sian arta godang. [45†]

²²Angka na marlas ni roha, pola tung marolopolop, mariaia ma tutu tung sura jumpangsa tanoman.

²³Tudia na ma baoa na holom marparnidaan, na * nirungga ni Debata dalanna tuk humaliang. [46†]

²⁴Ai singkat ni sipanganonku ro do hoihoingku, jala mabaor songon aek do angguhanggukku. [47†]

²⁵Ai na hinatondithon ni rohangku, i do na songgop tu ahu, jala na hinolsohon ni rohangku, i do na ro tu ahu. [48†]

²⁶Nda marhadoharon hian do ahu? Nda marhasonangan hian do ahu? Nda marnalom ni roha hian ahu? Hape ro do hinamago ia nuaeng. [49†]