Read Batak Toba JOB 32 Bible Online

JOB 32 - Batak Toba bible

JOB 32

¹I. [1] Dung i mansohot ma sitolu halak i masisualan dohot si Job, ala sai dipintori ibana dirina.

²Jadi marpiarpiar ma rimas ni si Elihu, anak ni si Barakel, marga * Bus i, marompu tu si Ram; marsigorgor rimasna mida si Job, ala sai + dipintori dirina moradophon Debata. [485†]

³Marro ni rimas ibana huhut mida alealena sitolu halak i, ala so haalusan nasida si Job, hape * ditorui do ibana. [486†]

⁴Ai nunga ngolngolan hian si Elihu naeng mandok hatana tu si Job, ala tumua sitolu halak i sian ibana.

⁵Alai dung diida si Elihu, ndang haalusan sitolu halak i si Jobi, tarrimas situtu ma ibana.

⁶Dung i ro ma hata ni si Elihu, anak ni si Barakel, marga Bus i mangalusi: Bajar dope nian anggo ahu, alai nunga pola ubanon ia hamu; dibahen i alang rohangku jala mabiar ahu papatarhon * parbinotoanku tu hamu. [487†]

⁷Ai ninna rohangku do: Angka na * tuatua ma jumolo mandok hatana, jala halak siginjang umur pabotohon habisuhon. [488†]

⁸Alai tongon tahe, * Tondi na di bagasan jolma na gale i dohot pangombushon ni Nasunhinagogo i marrohaihon jolma i. [489†]

⁹Ndada sai tardok halak siginjang umur pangalapan bisuk, jala ndada sai tardok halak na tuatua umboto manimbang uhum. [490†]

¹⁰Ala ni umbahen hudok: Tangihon hamu ma ahu, asa dohot ahu pabotohon parbinotoan ni rohangku. [491†] II.

¹¹Ida ma nunga sanga ngolngolan ahu paimaima hatamuna, sai hupatangitangi sipaingotmuna paima sun dirisik hamu hata na humona dohononmuna.

¹²Sai ditimbangi rohangku do nian hatamuna, hape ida ma, ndang adong sian hamu nanggo sahalak patundukkon si Job, manang na torang mangalusi hatahatana.

¹³Dibahen i unang ma tung dok hamu: Nunga jumpang hami habisuhon, Debata do na manorui ibana, ndada jolma.

¹⁴Alai tahe, ndada ahu pininggil ni hatahatana, jadi ndada alusanku ibana hombar tu hatamuna i.

¹⁵Nunga tung tarhatotong anggo nasida, ndang be tarbahensa maralus, nunga tung jut nasida mandok hatana.

¹⁶Tung sai ngolngolan ahu, umbahen na so mangkuling nasida, ala sai tarhatotong boti nasida jongjong, jala ndang diboto be maralus?

¹⁷Antong ahu ma huhut mandok alushu, ahu pe naeng papatarhon * pingkiran ni rohangku. [492†]

¹⁸Ai nunga gok hata ahu huhilala, sai disosak Tondi na di bagasan rohangku do ahu.

¹⁹Ida ma, tudoshon anggur na so binungka do andorangku, tudoshon tuhukan bobak na imbaru do naeng mapuntas. [493†]

²⁰Dibahen i naeng mangkuling ahu asa lumbang huhilala, naeng bungkaonku pamanganku, huhut mangalusi.

²¹Dao ma sian ahu anggo tung marnida bohi mandingkani manang ise. [494†]

²²Ai ndang huboto marsipalensem, atik tung beha tompu ahu ripurhonon ni Sitompa ahu. [495†]