Read Batak Toba JOB 33 Bible Online

JOB 33 - Batak Toba bible

JOB 33

¹I. [1] Santabi ale Job, sai tangihon ma hatangkon, jala pinggol ma sude pangkataionku. [496†]

²Ida ma, nunga sapala hubuha pamanganku, nunga mangkuling dilangku di bagasan pamanganku.

³Sian burju ni rohangku hudok angka hatangkon, jala torang paboaon ni bibirhu parbinotoan.

⁴Tondi ni Debata do naung manjadihon ahu, jala pangombus ni Nasunhinagogo pangoluhon ahu. [497†]

⁵Molo tung tarbahen ho, denggan alusanmu ahu, marhobas ma ho mangalo ahu adop bohi be. [498†]

⁶Ida ma, Debata do nampuna ahu suang songon ho, nang ahu sian sanggumul * tano liat dijadihon. [499†]

⁷Ida ma, unang pola hinasongkalhu manonggoti ho, jala unang * hinatongam ni tanganku maninggang ho. [500†] II.

⁸Antong nunga dipaboa ho, apala pinggolhon umbegesa, jala nunga hubege suara ni hatam:

⁹Na bontor do ahu nimmu, ndang marpipot, na daulat do ahu, jala ndang marhajahaton. [501†]

¹⁰Ida ma, na * mangalului sindir do Ibana dompak ahu, dietong + rohana ahu hira musuna. [502†]

¹¹Dibahen do pathu tu bagasan beangan, dirigopi do nasa dalanku. [503†]

¹²Ida ma, apala disi ma ndang haampinan ho, i ma alushu tu ho, ai umbalga situtu do Debata sian jolma na gale i.

¹³Boasa ma tung manarita ho dompak Ibana, ala so nialusanna ho taringot tu pambahenanna sudena? [504†]

¹⁴Ai gari Debata sahali, dua hali pe Ibana mangkuling, hape ndang diparateatehon jolma. [505†]

¹⁵Marhite sian nipi alatan bornginna i, uju renge modom angka jolma i, uju tarlalap modom di podomanna: [506†]

¹⁶Disi do dipatinggil Ibana pinggol ni jolma, jala disahap pinsangpinsangna tu nasida. [507†]

¹⁷Naeng pasuruthon jolma i sian pambahenanna na jahat i, dohot manjora baoa unang marhajungkaton. [508†]

¹⁸Naeng paluahon tondina sian hamagoan, dohot ngoluna unang tompu disoro hamatean. [509†]

¹⁹Huhut ibana ditorui marhite sian parsahiton di atas podomanna, pasang situtu * panggagatna nang tu holiholina. [510†]

²⁰Pola gialan ngoluna mida sipanganon, ginegine nang rohana mida sipanganon hasudunganna na sai laon. [511†]

²¹Sanga merus situtu sibuk ni dagingna, maras roha marnida, pola panggal holiholina angka na so dapot idaon na sai laon.

²²Nunga jonok hosana tu godung, jala ngoluna tu surusuruan angka na mambunu. [512†] III.

²³Tung sura adong donganna sada * surusuruan, ** pangondian, + sahalak sian tongatonga ni na saribu mangondihon ibana, laho pabotohon tu jolma hatigoran ni Debata. [513†]

²⁴Jadi asiasianna ibana, jala dohononna ma: Tobus ma ibana asa unang turun ibana tu * godung, ai nunga jumpang Ahu + pardengganan. [514†]

²⁵Jadi suang hisar dagingna, songon uju di haposoonna, jala mulak poso ibana. [515†]

²⁶Molo martangiang ibana tu Debata, jadi asiasianna ma ibana, jala pataridahononna Bohina tu ibana mardongan olopolop, jala * pasuangonna tu jolma na gale i hatigoranna. [516†]

²⁷Dung i mamujimuji ma ibana di jolo ni jolma manisia, dohononna ma: Nunga mardosa ahu nian, jala nunga hupapeol uhum hatigoran, alai ndang dibaloshon Ibana tu ahu hombar tu pambahenanku.

²⁸Balik Ibana paluahon hosangku, asa unang turun tu bagasan hamagoan, jala marlas ni roha ngolungku marnida hatiuron. [517†]

²⁹Ida ma, luhutna i dibahen Debata dua manang tolu hali tu manisia. [518†]

³⁰Naeng manogihon tondina mulak sian hamagoan, asa dipatiur rohana marhite sian hatiuron ni hangoluan. [519†]

³¹Sai parateatehon ma on ale Job, jala tangihon ahu! Sip ma anggo ho asa hudatdati mandok hatangkon.

³²Alai molo tung adong dope sulam sialushononmu tu ahu, haru hatahon ma i, ai * dipangido rohangku naeng mamintori ho. [520†]

³³Alai molo so adong be, ho ma antong manangihon ahu, sip ma ho, asa hupodahon tu ho habisuhon.