Read Batak Toba JOB 34 Bible Online

JOB 34 - Batak Toba bible

JOB 34

¹I. [1] Dung i didok si Elihu muse ma mangalusi:

²Tangihon ma hatangkon, hamu ale angka na bisuk, jala tarehon ma pinggolmuna tu ahu, hamu ale angka na marparbinotoan godang!

³Ai pinggol do tumanda hata, jala pamangan umboto dai ni sipanganon. [521†]

⁴Uhum hasintongan ma itapillit di hita, rap mananda ma hita di manang aha na denggan. [522†]

⁵Ai nunga pola didok si Job: Na pintor do ahu nian, alai * Debata do padaohon sian ahu hatigoranku. [523†]

⁶Ala marhatigoran ahu hudok, hira na * margabus do ahu disi; targisik do bugangku dibahen + sumbia na pantik di bagasan ahu, atik pe so mardosa ahu. [524†]

⁷Tung ise ma baoa songon si Job, na manobur reherehe songon aek? [525†]

⁸Sauduran do ibana dohot halak siula hajahaton, jala rosu ibana tu halak parjahat? [526†]

⁹Ai nunga pola didok ibana: Ndang adong labana di baoa, sian parsaoranna tu Debata! [527†]

¹⁰Dibahen i, hamu ale angka baoa na marroha! Tangihon hamu ma hatangkon: Dao ma sian Debata anggo hajahaton, jala dao sian Nasunhinagogo i uhum hageduhon! [528†]

¹¹Ibana tahe balik mamaloshon tu ganup jolma hombar tu pambahenanna, jala ganup mandapot dalanna be. [529†]

¹²Tongon tahe, tung na so tupa do Debata mambahen hajahaton, jala ndang olo Nasunhinagogo i * papeol uhum hasintongan. [530†]

¹³Ise ulaning palumehon tu Ibana tano on? Jala ise paojakkon liat portibi on? [531†]

¹⁴Tung sura tubu rohana mangalo jolma i, mambuat muse * tondina dohot hosana. [532†]

¹⁵Tongkinnai rap monding ma nasa sibuk, jala mulak tu orbuk hian jolma i! [533†] II.

¹⁶Molo tung marroha ho, sai tangihon ma on, jala pinggol ma suara ni angka hatangkon. [534†]

¹⁷Tung tarbahen raja na mangkagigihon uhum ma mangarajai? Tung tarbahen ho ma manorui Ibana Nasuntigor dohot Nasunhinagogo? [535†]

¹⁸Tung patut ma dohonon tu raja hian: Ho sisoada! Manang tu halak na sangap: Ho halak parjahat! [536†]

¹⁹Lam tu Ibana ma na so marnida bohi ni jolma na sangap, jala na so mandingkani halak na mora moradophon halak na pogos, ai luhut nasida jadijadian ni tanganna do. [537†]

²⁰Tupa mate satongkin nasida tongatonga borngin, pola tarsonggot angka donganna sabangso mandok: Tibunai laho salpu ibana! Tarboan do nang na gogo, hape so binoan ni tangan. [538†]

²¹Ai tongtong do diranapi matana angka dalan ni ganup jolma, jala nasa langkalangkana diida Ibana do. [539†]

²²Ndang adong haholomon manang linggoman ni hamatean tau partabunian ni halak siula hajahaton. [540†]

²³Ndang pola leleng risihonna pangalaho ni jolma, asa tarboan ibana tu paruhuman di jolo ni Debata.

²⁴Ibana mangaripuhi jolma angka na marhuaso, ndang pola marpangarisihon, jala dipabangkit halak na asing bahen singkatna. [541†]

²⁵Ai tangkas hian ditanda Ibana angka pambahenannasida, * bornginna i nasida dipabalik jala digopui. [542†]

²⁶Diragehon do nasida songon halak parjahat apala di tongatonga ni mangajana.

²⁷Ala naung marbalik nasida sian Ibana, jala ndang diparateatehon sude angka dalanna i.

²⁸Asa manginonahon tu nasida angguhangguk ni halak na pogos, asa ditangihon Ibana angguhangguk ni halak na dangol. [543†]

²⁹Molo Ibana pasonangkon, tung ise ma na tuk manorui? Molo Ibana manamondingkon Bohina, tung ise ma na tuk paombun rohana? Nang sasabangso, nang sasahalak, tung rap do. [544†]

³⁰Asa unang jolma parjahat i mangarajai, gabe * jorgong di bangso i! [545†]

³¹Ai tung tardok jolma ma tu Debata songon on: Huae pe songon on, nda tung sian salangku. [546†]

³²Ia adong dapot ho na so huida, ho ma manggorahon tu ahu! Molo tung naung huulahon hageduhon, unang be hudatdati. [547†] III.

³³Ingkon hombar tu hatam huroha Debata mamaloshon tu ho, ala naung manarita ho? Ingkon ho huroha mamillit, ndada Ahu? Tung aha ma diboto ho? Haru hatahon nian!

³⁴Anggo halak na marroha dohot baoa na marbisuk, na umbege hatangku, tolopanna do i mandok: [548†]

³⁵Ndang marparbinotoan pangkataion ni si Job, jala ndang marpanimbangaon hatahatana i. [549†]

³⁶Denggan nian tongtong tarunjun si Job sahat ro di ujung, ala maralus ibana songon halak parjahat.

³⁷Ala ditambai dope hajungkaton tu dosana hian, pola mangelak hatana di tongatonganta, jala dipadeak hatahatana dompak Debata. [550†]