Read Batak Toba JOB 35 Bible Online

JOB 35 - Batak Toba bible

JOB 35

¹I. [1] Dung i didok si Elihu muse ma mangalusi:

²Tung hombar tu uhum hasintongan ma di roham na nidokmu: Marhatigoran do ahu anggo moradophon Debata? [551†]

³Ai didok ho do: Aha gunana di ahu, molo lias ahu sian dosa? Aha ulingku sian i gumodang sian dosangku? [552†]

⁴Antong ahu ma nuaeng mangalushon hata tu ho dohot tu alealem na rap dohot ho.

⁵Manaili ma ho dompak langit i, jala ida ma, jala bereng angka ombun parginjang, andul do i tumimbo sian ho. [553†]

⁶Molo mardosa ho, pola aha bahenonmu tu Ibana? Molo dipatorop ho angka pangalaosim, pola hahuaonmu Ibana huroha? [554†]

⁷Molo tung pintor ho, aha ulina sian i lehononmu? Manang tung aha ma jaloonna sian tanganmu? [555†]

⁸Tu jolma songon ho sambing manginona hajahatonmu, jala tu ho anak ni jolma marguna ia hatigoranmu. II.

⁹Mangangguhi do nian halak na nirupa ala godang ni pangarupaon, mangandungi do nasida nian ala ni uhum sigostang botohon binahen ni halak na sangap.

¹⁰Alai ndang adong nanggo sahalak na mandok: Didia do Debata Sitompa ahu, Ibana na mangalehon tu ahu * ende Psalmen bornginna i? [556†]

¹¹Ibana na mamodai hita gumodang sian * pinahan di ladang, jala na pabisuk hita gumodang sian + pidong na martongatonga langit. [557†]

¹²Disi do nasida mangangguhi ala ni hajungkaton ni halak parjahat, hape ndang mangalusi anggo Ibana. [558†]

¹³Leak ma antong, ai ndang olo Debata * manangihon anggo tangiang na so marguna, jala ndang manaili Nasunhinagogo i tusi. [559†]

¹⁴Lam didok * ho dope: Ndang dapot ho Ibana idaonmu, nunga sahat tu jolona + pangalualuanmu, antong unang ngolngolan ho paimaimahon Ibana. [560†]

¹⁵Alai ala so marlulu dope Debata di bagasan rimasna, tung so tangkas situtu ma tandaonna roha hajungkaton? [561†]

¹⁶Alai anggo si Job nunga pola dibungka pamanganna mandok hata na teal so marguna, jala dipadeak hatahatana so marparbinotoan. [562†]