Read Batak Toba JOB 37 Bible Online

JOB 37 - Batak Toba bible

JOB 37

¹I [1] Tongon tahe pola marlobok taroktokku taringot tusi, jala ndang di ingananna rohangki.

²Ndi hamu ale, tangihon hamu ma pardorom ni ronggurna dohot suara na ruar sian pamanganna. [587†]

³Tung tu toru ni sandok langit i margilinggiling suarana, jala sillam ni hilapna sahat tu angka ujung ni tano on. [588†]

⁴Ihut tu hilapi mardorom ronggur i, mangkuling Ibana marhite sian suara ni hatongamonna, jala laos so mansohot angka hilapna nang pe tarbege suarana.

⁵Mangkuling Debata marhite sian ronggurna na * songkal situtu, Ibana patupa habalgaon, angka na + so dapot hita antusanta. [589†]

⁶Ai Ibana mandok tu * ambolas i: Turun ma ho tu tano i! + Ibana huhut marsuru udan na por dohot udan tipotipo angka na doras situtu. [590†]

⁷Jadi disi ma hona sahap tangan ni saluhut jolma dibahen Ibana, asa tung mananda sude jolma, * angka na tinompana i. [591†]

⁸Angka binatang pe masuk do tu bagasan pangaropanna be, jala manggompang di bagasan angka liangna. [592†]

⁹Sian bilut na buni ro habahaba, jala alogo sian purba mamboan ngali ni ari. [593†]

¹⁰Marhite sian pangombus ni Debata ro ambolas, jadi pola tartutup aek na lambas i marhimpalhimpal. [594†]

¹¹Ibana huhut pasorat ombun i dohot udan, Ibana muse paserakkon ombun na marisi hilap.

¹²Ibana huhut pahusorhon angka ombun i guru panoguna, manang aha na tinonahonna dipatupa nasida do tu liat portibi on.

¹³Manang bahen * linsinglinsing, molo tung i haseana tu tanona, manang bahen + tanda ni basana pangonaina i. [595†] II

¹⁴Tangihon ma i, ale Job, jongjong ma ho, jala parateatehon halongangan angka na binahen ni Debata.

¹⁵Tung tagamon botoonmu ma parture ni pandokkon ni Debata di nasida! Dohot alana umbahen marsinondang ombunna marhite sian hilap? [596†]

¹⁶Tung tagamon ma botoonmu pangantanna di ombun, ro di sude halongangan, angka na binahen ni Parbinotonasun?

¹⁷Manang botoonmu tagamon parturena umbahen gabe mohop angka pangkeanmu, molo Ibana mamohopi tano i hinorhon ni alogo sian dangsina?

¹⁸Tung ho ma donganna pahembang langit parginjang i, asa hira songon sorminan na tinuang idaon? [597†]

¹⁹Ho ma huroha mamodahon tu hami manang aha sidohononnami tu Ibana; ai ndang tarpajojor anggo hami dibahen haholomon ni rohanami!

²⁰Adong do ulaning na palumbahon tu Ibana molo naeng mangkuling ahu? Manang tung adong ma jolma na mangido naeng mago ibana?

²¹Ianggo nuaeng tutu, ndang dapot jolma i idaonna sondang ni mata ni ari, atik pe marsinondang di langit i, alai hinungkupan ni ombun do, hape ia ro alogo pasisihon, marsinondang ulahanna. [598†]

²²Sian purba do i binsar hira songon sere idaon -- humaliang Debata do tongtong hamuliaon na songkal sahali. [599†]

²³Ianggo Ibana Nasunhinagogo i, ndang tagamon dapot hita, ai na songkal sahali do hagogoonna: Alai anggo uhum dohot hinagodang ni hatigoranna, ndang tagamon rupaonna. [600†]

²⁴Dibahen i tama ingkon dihabiari jolma Ibana, ai ndang marnida bohi ni saluhut jolma angka na bisuk Ibana. [601†]