Read Batak Toba JOB 38 Bible Online

JOB 38 - Batak Toba bible

JOB 38

¹I [1] Dung i ro ma * alus ni Jahowa tu si Job marhite sian habahaba, ninna ma. [602†]

²Ise do ibana, na naeng paholom tuptupan marhite sian pangkataion na so marpanimbangaon? [603†]

³Ua hohos i ma gontingmu songon baoa! Ai dung do na naeng sungkunhononku tu ho, asa ho nian mangajari Ahu! [604†] II

⁴Didia do ho, uju Ahu paojakkon tano on? Paboa ma i, molo tung singkop panimbangan ni roham! [605†]

⁵Ise ulaning mambahen suhatsuhatna na jolo? Peak botoonmu do i, manang ise ulaning pagistang hotang pamalok di atasna? [606†]

⁶Di atas ni aha ulaning ditanom hajongjongan ni angka tiangna partunggul? Ise ulaning mameakkon batu parsuhina? [607†]

⁷Uju rap mamujimuji Ahu angka bintang sidongdong, jala marolopolop sude anak ni Debata? [608†]

⁸Ise ulaning manutup laut marhite sian angka pintu, uju di gunsangna ruar sian bortian? [609†]

⁹Uju Ahu manjadihon ombun bahen pangkeanna, dohot haholomon bahen lilitna. [610†]

¹⁰Uju Ahu mambuhul * parbalohanna di atasna, jala hupahot di ibana ransangransang dohot pintu. [611†]

¹¹Laos hudok ma: Intap ni on do ho jadi ro, jala ndang jadi salpuanmu! Ingkon dison do sulon gunsanggunsang ni angka galumbangmu. [612†]

¹²Dung do ho saleleng di ngolum mandokkon binsar ari? Manang pabotohon tu sibalik hunik ingananna? [613†]

¹³Asa disoro angka ujung ni tano on, jala dipabali sian i halak parjahat? [614†]

¹⁴Asa muba rupana, songon damar sahap, jala andar tarida luhutna i songon pangkean.

¹⁵Jala ditait sian halak parjahat * hatiuronnasida, jala diponggolhon + botohon naung hitirhitir hian. [615†]

¹⁶Nunga dung turun ho sahat ro di angka pusat ni laut? Nunga dung didalani ho tondolan ni lung i? [616†]

¹⁷Nunga dung dipatalak tu ho angka harbangan ni hamatean? Nunga dung diida ho angka harbangan linggoman ni hamatean? [617†]

¹⁸Nunga dung torang ditatap ho sahat ro di bohang ni tano on? Antong hatahon ma, molo tung diboto ho luhutna i! III

¹⁹Didia do dalan laho tu inganan ni hatiuron? Jala didia do inganan ni haholomon? [618†]

²⁰Asa tung boanonmu do i tu parbalohanna be, manang tung botoonmu ma angka lapang laho tu jabuna?

²¹Rupa diboto ho do i, ai uju i ho tubu huroha, jala torop do bilangan ni ariarim!

²²Nunga tung sahat ho huroha ro di parpeopan ni ambolas na lamot? Jala nunga tung diida ho huroha parpeopan ni ambolas hian?

²³Angka na hutiopi paimahon tingki hagogotan, dohot ari tongtangan laho mangalo musu. [619†]

²⁴Didia do dalan parsirangan ni hatiuron dohot parserahan ni alogo sian habinsaran tu tano on?

²⁵Ise ulaning mambahen patik marsagihon aek udan dohot mambahen dalan di porhas? [620†]

²⁶Asa dipaudanudan tano i na so marisi jolma, ro di halongonan na so niinganan ni jolma?

²⁷Laho pasombu uas ni tano bangkalbangkal dohot na niulang, dohot mambahen martumbur duhutduhut na rata?

²⁸Beha na marama do ulaning udan i? Jala ise ulaning manubuhon angka tetek ni nambur?

²⁹Sian bortian ni ise ulaning ruar udan ambolas? Jala ise ulaning manubuhon * nambur aris? [621†]

³⁰Jadi marhimpal angka aek i pir songon batu, jala sisik ni lung i tartutup do.

³¹Tung dapot ho ma pudunonmu angka ihot ni bintang hala, manang tarbahen ho mangkarhari angka ihot ni bintang poriama? [622†]

³²Tung dapot ho ma paruaronmu angka binatang na marhillohillo di tingkina be? Jala dapot ho togutoguonmu bintang gompul ro di angka anakna?

³³Tung diboto ho ma * patikpatik ni langit, manang tung ho + pahothon parentana di atas tano on? [623†]

³⁴Tung tarpangiar ho ma suaram sahat ro di ombun, asa parohon udan tipotipo manghungkupi ho? [624†]

³⁵Tung tarsuru ho ma angka hilap asa sumiksaksiksak angka i, jala didok mandok ho: Ida ma, guru dokmu do hami! [625†]

³⁶Ise ulaning mameakkon hapistaran tu bagasan na holom? Jala ise ulaning mangalehon panimbangon tu bagasan ombun? [626†]

³⁷Ise ulaning tarbahen mamilangi angka ombun marhitehite hapistaran? Jala ise ulaning tarbahen mangusehon angka hajo ni langit? [627†]

³⁸Asa marhimpalhimpal orbuk i songon na niudi angka na lohot be tu donganna?

³⁹Tung dapot ho ma buruonmu soroan di singa boruboru manang pasombu hisap ni angka anak ni singa? [628†]

⁴⁰Molo mangunsimpu nasida di bagasan angka liangna, jala mangonggop di bagasan ramba poso pangaropanna i? [629†]

⁴¹Ise ulaning padirihon bangke panganon ni pidong sigak molo sioksiok angka anakna tu Debata jala monsong manerepnerep ala soada panganonna? [630†]