Read Batak Toba JOB 41 Bible Online

JOB 41 - Batak Toba bible

JOB 41

¹Ida ma, ingkon tarhirim jolma i di aropna, asal diida rupana, nunga runggang ala tarmali tondi ibana.

²Ndang adong na hum nanggo sahalak manunggul ibana; tung ise ma manahan jongjong di adopan ni Bohingku?

³Tung ise ma jumolo * mangalehon manang aha tu Ahu, asa balosonku tu ibana? + Saluhut na di toru ni langit i, Ahu do nampunasa. [648†]

⁴Naeng dope Ahu mandok sada hata taringot tu ruasruas ni buea i, taringot tu gogona dohot hinauli ni rupana pe.

⁵Tung ise ma jolma na hum mangosari pangkeanna parduru? Tung ise ma jolma na hum mangaroro tu bagasan ngingina sidua rinte i?

⁶Tung ise ma jolma na hum pabuha osangosangna? Jorbut do ngingina baris humaliang.

⁷Tongam situtu do parinse angka na togu marbarisan, marrapetrapet songon na nirongket.

⁸Masirainan ma tutu na sada tu donganna, gari alogo ndang tarbahen masuk sian holangkolangna.

⁹Masirainan ma tutu ganup tu donganna, marsilohot pola ndang tarsirang manang ise.

¹⁰Barsibarsina pola marsinondang, jala matana songon imbulu ni sibalik hunik manogotna i. [649†]

¹¹Sian babana ruar huathuat, jala marjillamjillam api sian i.

¹²Sian bungbung ni igungna ruar timus hira sian hudon na gurgur na ginorgoran dohot arsam.

¹³Hosana tarbahen pagalak arang, jala nala ni api ruar sian babana.

¹⁴Maringan di bagasan tangkuhukna do hagogoonna, jala di jolona maringkat hatahuton.

¹⁵Marsada do na bulot ni sibukna hira haksa na tinuang do masirainan, tung na so tarhutik do.

¹⁶Pir do ateatena songon batu, pir tahe songon batu pandudaan partoru.

¹⁷Molo hehe ibana, raion ma halak angka na begu, laos maporus binahen ni songgotna.

¹⁸Molo ro halak mandapothon ibana marpodang manang marhujur manang marmundimundi manang marlembing, rap so belut do.

¹⁹Hira gala ni eme do anggo bosi dietong rohana, jala hira hau na ondapondapon do anggo tombaga.

²⁰Ndang pola maporus ibana binahen ni anak ni sior, hira gabe durame do anggo batu ni ambalang di ibana.

²¹Hira gala ni eme anggo antukantuk dietong rohana, jala diengkelengkel do parngingis ni hujur. [650†]

²²Di toruna marpeahan ngarngar angka na tajom, jala hira hureta pardege do pamolusanna di atas gambo.

²³Marbuhalbuhal liang i dibahen ibana hira aek na gurgur di bagasan hudon, jala laut i hira pangalompaan ni halak sipauli daon.

²⁴Marsinondang dalanna sian pudina dibahen, jala doshon uban sisik ni aek i idaon.

²⁵Ndang adong tudosanna anggo di darat, tartompa pe ibana asa unang tahuton.

²⁶Hu rohana mida saluhut na timbul, ibana do raja gumomgom saluhut binatang panoro. [651†]