Read Batak Toba JOB 5 Bible Online

JOB 5 - Batak Toba bible

JOB 5

¹I. [1] Ua joujou ma ho! Manang tung adong ma na mangalusi ho? Tung tu ise ma sian * angka na badia i tarbahen ho mangalualu? [65†]

²Lam bunuon ni gusarna do tahe anggo halak na oto, jala piripirina sandiri mambunu halak na bodo. [66†]

³Apala ahu sandiri tahe marnida sada halak na oto manjarar uratna, alai tongkinnari huburai ingananna. [67†]

⁴Mandaodao do angka anakna sian hatuaon, jala dirupa halak nasida di * pintu paruhuman, jala ndang adong na paluahon. [68†]

⁵Tung suda do eme na ginotilna dipangan halak na rapar, gari sian * tongatonga ni rungga diroro do, jala halak panamun mangonsop sinamotna. [69†]

⁶Ai ndada na ruar boti hinamago sian orbuk, jala ndada martumbur boti pardangolan sian tano i. [70†]

⁷Ai tinubuhon hian jolma i tu hinamago, songon balontung ni api na habang dompak ginjang. [71†] II.

⁸Alai tung sura ahu ho, tu Debata do ahu mangalualu, tu Debata do pasahatonku tangiangki.

⁹Ibana mambahen habalgaon, angka na so dapot sulingkiton, dohot halongangan angka na so dapot habilangan. [72†]

¹⁰Ibana mangalehon udan tu sisik ni tano i, Ibana patongonhon aek tu adaran.

¹¹Ibana patimbulhon halak na tarjepol dohot patimbulhon hatuaon tu halak na marsak marroha. [73†]

¹²Ibana papurpurhon angka pingkiran ni halak na bisuk, gabe ndang manjadi na niula ni tangannasida.

¹³Ibana manangkup angka na bisuk di bagasan angkalnasida sandiri, jala diagohon pingkiran ni halak na marpangansi. [74†]

¹⁴Tinggangon ni haholomon nasida arian, jala dadapdadap nasida di hos ni ari suang songon bornginna i. [75†]

¹⁵Alai anggo halak na pogos dipalua Ibana do sian podang ni pamangannasida, dohot sian tangan ni pangarupa.

¹⁶Jadi adong ma muse arop ni roha di halak na dangol, tarhuntam do ianggo pamangan ni hajahaton. III.

¹⁷Ida ma, martua ma jolma na niajar ni Debata, dibahen i unang ma toishon pinsangpinsang ni Nasunhinagogo i. [76†]

¹⁸Ai Ibana mambugangi, laos Ibana mangaliliti, Ibana manggopui laos tanganna pamalumhon muse. [77†]

¹⁹Onom hali ho hagogotan, Ibana paluahon ho, tole papituhalihon ndang tagamon loasonna mangonai hinamago tu ho. [78†]

²⁰Jumpa haraparon, paluaonna do ho sian hamatean, jumpa di hamusuon sian podang.

²¹Ondinganna do ho anggo maradophon lipatlipat ni dila, jala ndang pola habiaranmu hamagoan tung sura ro.

²²Tarbahen ho do mengkel mida hamagoan dohot haleon, jala ndang pola habiaranmu binatang ni luat i.

²³Ai marjambar do ho dohot batu angka na di ladang, binatang di harangan mardame do tu ho. [79†]

²⁴Jadi tandaonmu ma marhasonangan undungundungmu, ia dibilang ho isi ni jabum, gabe ndang adong na malua nanggo sada.

²⁵Tandaonmu huhut lam tu soparna * pinomparmu, angka tunasmu songon suansuanan di tano. [80†]

²⁶Ingkon jolo sanga sarimatua * ho asa suruhonmu tanoman, songon tibalan na binunbunhon di hajujumpang ni tingkina. [81†]

²⁷Ida ma, songon i ma pangalahona, nunga tung ditimbang rohanami! Sai tangihon ma i jala parateatehon!