Read Batak Toba JOB 6 Bible Online

JOB 6 - Batak Toba bible

JOB 6

¹I. [1] Dung i ninna si Job ma mangalusi:

²Aut tangkas ma nian nidasing gusarhu * dohot hinamagongku rap dipeakkon nian tu timbangan! [82†]

³Ai umborat do angka i nuaeng sian horsik di pasir ni laut; ala ni umbahen hata oto angka pangkataionku.

⁴Ai angka sumbia * ni Nasunhinagogo i pantik di bagasan ahu, nunga pola manggagat bisana tu tondingku, jala angka + hasonggoton sian Debata marudur mangalo ahu. [83†]

⁵Tung tagamon marlingik ma halode harangan, molo singkop duhutduhut jampalonna? Manang tung marumbe ma lombu, molo singkop gagatonna?

⁶Tung tarpangan jolma ma sipanganon na so mardai, na so siniraan; manang tung mardai ma na bontar ni pira ni manuk?

⁷Ginegine do rohangku nanggo manjama, hape i do gabe sipanganonku songon indahan na baribari.

⁸Ise nian sumubut pangidoanku, aut dilehon Debata nian na hinalungunhon ni rohangku.

⁹Aut lomo nian roha ni Debata manorbuk ahu, aut dipatoltol Debata nian tanganna manostosi hosangku!

¹⁰Sabam ma antong rohangku, jala mirjahirjak dope ahu di bagasan pardangolan na so moralangalang, ala so dung husoadahon hata ni Nabadia.

¹¹Tung aha be gogongku umbahen mangkirim dope ahu? Jala tung aha be ajalhu, umbahen pabengetonku rohangku manaonnaon?

¹²Manang tung songon togu ni angka batu gogongku? Manang tung sian tombaga sibukku?

¹³Tung na so adong be huroha pangurupion di ahu, jala dalan haluaon maporus sian ahu. II.

¹⁴Tama nian marpangkaehe alealena mida na marsingkor, nang tung sura naung ditallushon rohana sian biar mida Nasunhinagogo i.

¹⁵Hape gari angka hahaanggingku * marpangansi do songon anak ni sunge, songon sunge tutu pola mangalantap tobingna. [84†]

¹⁶Litok do angka i dibahen tangkuju, mabaor tusi tahe tangkuju i.

¹⁷Hape marsik do angka i anggo di partaonan logo ni ari, molo mohop ari tung mahiang do ingananna. [85†]

¹⁸Marlegotlegot do pardalananna, manaek uapna tu aoangaoang, laos mago boti.

¹⁹Manatapnatap nian angka pangallung sian Tema * tusi, jala mangkirim disi angka saudagar sian + Seba. [86†]

²⁰Hape tarhirim do nasida ala marhaposan tusi, ai dung sahat nasida tusi tarurak ma nasida.

²¹Suang songon i do hamu nuaeng, tung na so marguna di ahu, dung diida hamu hasonggoton, gabe tarhatotong hamu.

²²Hea dung hudok tu hamu lehononmu tu ahu manang aha, manang boanonmuna silua tu ahu sian artamuna.

²³Manang paluahon ahu sian tangan ni pangarupa, manang tumobus ahu sian tangan ni halak sibahen gogo?

²⁴Ajari hamu ahu, asa sip ahu, jala tudu hamu manang taringot tu aha ahu lilu!

²⁵Tung na marsorop * situtu do anggo hata hasintongan! Alai aha ma guna ni hata paminsangon anggo sian hamu? [87†]

²⁶Rupa marjarum sina hamu naeng manulingkit angka hatangku? Hape gabe alogo * do anggo pangkataion ni jolma na marpandelean? [88†]

²⁷Rupa olo do hamu marruji laho mangkilang dakdanak na tading di lampin, dohot manggadisjauhon alealemuna.

²⁸On pe, ua bereng hamu bohingkon, tung olo ma ahu manggabusi hamu adop bohi be?

²⁹Ua mulak ma hamu, asa unang mambahen na so uhum hamu! Mulak ma hamu tutu, sai tong dope marsihohot hatigoranku.

³⁰Tung adong ma hageduhon di atas dilangku? Tung na so diboto pamanganku * be manirang angka hinamago? [89†]