Read Batak Toba JOB 8 Bible Online

JOB 8 - Batak Toba bible

JOB 8

¹I. [1] Dung i ninna si Bildad sian Sua ma mangalusi:

²Sadia leleng on datdatanmu songon i hatahatam, jala tudoshon habahaba na doras pangkataion ni pamanganmu?

³Tung olo ma Debata papeol uhum? Manang tung olo ma Nasunhinagogo papeol habonaron? [100†]

⁴Atik tung naung mardosa angka anakmu dompak Ibana, jadi Ibana manginonahon tu nasida hajahatonnasida i. [101†]

⁵Molo burju anggo ho mangalului Debata dohot mangido asi ni roha sian Nasunhinagogo. [102†]

⁶Molo pita jala bonar anggo ho, sai * tarsunggul do Ibana manatap ho, jala patipakonna muse + inganan ni hatigoranmu. [103†]

⁷Marmetmet pe parmulaanmu, ganda situtu do hadoharonmu di ujung. [104†] II.

⁸Ua marsungkun nian ho tu sundut na robi, jala parateatehon poda na dapot angka ompu na jolo. [105†]

⁹Ai na tubu nantoari do anggo hita, jala ndang agia aha na itaboto, ai * halinu sambing do ariarinta di atas tano on. [106†]

¹⁰Nda nasida mangajari ho, nasida paboahon tu ho, jala nasida paruarhon angka hata poda * sian rohanasida? [107†]

¹¹Tung tagamon tubu ma ansising, anggo so di gambo? Tung tagamon ma simbur tubu arung, anggo so di berneberne? [108†]

¹²Molo martumbur dope, ndang dirambas, hape ingkon malos do i jumolo sian nasa duhutduhut sileban. [109†]

¹³Suang songon i do pangalaho ni sude jolma na mangkalupahon Debata, ingkon pesan do pangkirimon ni halak parjahat. [110†]

¹⁴Ingkon mago do pangatauan ni rohana, jala tudoshon rambangrambang ni babibabi na hinaposan ni rohana. [111†]

¹⁵Mangunsande ibana tu jabuna, hape ndang manahan jongjong marsitiopan ibana tusi, hape ndang hot.

¹⁶Margota do nian ibana nang di las ni ari, jala marjurambak uratna manutup sandok porlakna.

¹⁷Manjirir huhut angka andorna tu timbunan batu, pola dijangkit tu bagasan bagas batu.

¹⁸Alai molo dung niruntun ibana sian ingananna, soadahonon ni do ibana, dohononna do: Ndang dung huida ho. [112†]

¹⁹Ida ma, i ma halomoan ni dalanna, gabe martumbur na asing sian orbukna.

²⁰Ida ma, ndang tagamon bolongkonon ni Debata jolma na daulat marroha, jala ndang tagamon tumpahanna tangan ni parjahat.

²¹Alai anggo pamanganmu gok parengkelon sogot bahenonna, jala bibirmu gok parolopolopon. [113†]

²²Angka na mangkosom ho, ingkon * maruloshon haurahon, jala undungundung ni parjahat ingkon siap do. [114†]