Read Batak Toba PSALMEN 100 Bible Online

PSALMEN 100 - Batak Toba bible

PSALMEN 100

¹Ende hamauliateon. [1] Olophon ma Jahowa, ale sandok tano on! [1255†]

²Oloi hamu ma Jahowa marhitehite las ni roha, ro be ma hamu tu jolona marhitehite olopolop. [1256†]

³Boto hamu ma on: Jahowa do Debata; ibana jumadihon hita, jala Ibana nampuna hita, bahen bangsona dohot birubiru pinarmahanna. [1257†]

⁴Bongot i hamu ma angka bahalna marhitehite hamauliateon, angka alamanna marhitehite pujipujian, mauliate ma rohamuna tu Ibana, puji hamu ma goarna. [1258†]

⁵Ai pardengganbasa do Jahowa, ro di saleleng ni lelengna do asi ni rohana, jala marsundutsundut do hasintonganna. [1259†]