Read Batak Toba PSALMEN 101 Bible Online

PSALMEN 101 - Batak Toba bible

PSALMEN 101

¹Ende sian si Daud. [1] Asi ni roha dohot uhum endehononku, umpalu parhinaloan ma ahu mamuji Ho, ale Jahowa.

²Naeng pantas ahu marpangalahohon dalan haburjuon; sadihari pe ro Ho manopot ahu, naeng ahu marpangalahohon hadaulaton ni rohangku ditonga ni jabungku. [1260†]

³Ndang olo ahu mambahen pambahenan na jat di jolo ni matangku; dihagigihon rohangku do pambahenan roharoha, tung na so jadi dais do i tu ahu. [1261†]

⁴Ingkon mandao sian ahu roha pangansi, ndang hutanda hajahaton. [1262†]

⁵Manang ise na marsibuni mangkata tundal donganna, sai siaphononku do ibana; manang ise * parmata baus dohot parroha manggang, ndang tarparrombang ahu. [1263†]

⁶Sai humatamatahon do angka parburju ni luat i bahen donganku sahundulan; manang ise na mangihutihut dalan hadaulaton, ingkon ibana parhaladongku. [1264†]

⁷Na so tupa maringan ditonga ni jabungku sibahen sipaotooto; na so tupa mian di adopan ni matangku sihatahon gabus. [1265†]

⁸Sai siaphononku do ganup sogot sude angka parjahat ni luat i umpidomhon sian huta ni Jahowa sude angka siulahon hajahaton. [1266†]