Read Batak Toba PSALMEN 102 Bible Online

PSALMEN 102 - Batak Toba bible

PSALMEN 102

¹Tangiang sian sada halak na dangol jumpa maras ibana, jala * diusehon alualuna tujolo ni Jahowa. [1267†] I.

²Ale Jahowa, sai tangi ma tangiangkon, jala sai tolhas tu Ho ma angukkon! [1268†]

³Unang tung tabunihon bohim maradophon ahu di ari hagogotanki, sai paeleng ma pinggolmu tu ahu, hapogani ma mangalusi ahu di ari panjouonku.

⁴Ai nunga salpu ariaringku songon * timus, jala mohop situtu holiholingku songon dalihan. [1269†]

⁵Mosok songon duhutduhut jala mahiang ateatengku, gari manganhon sipanganon lupa do rohangku. [1270†]

⁶Manandos holiholingku di sibukku dibahen soara ni anggukku. [1271†]

⁷Tudoshon * onggang di halongonan do ahu, songon sipauk di turanggong do ahu. [1272†]

⁸Sai marhal do ahu, jadi songon amporik na meat punjung di tarup do ahu.

⁹Manipat ari sai direhei angka musungku ahu, angka nalalaen do nasida mambahen ahu panolonannasida.

¹⁰Ai sirabun do hupangan i songon roti, jala husaor iluilungku tu siinumonku. [1273†]

¹¹Maradophon rimasmu dohot parpiripirionmu, ai jolo dijomput Ho ahu, dung i ditimpalhon Ho ahu. [1274†]

¹²Songon halinu na manihir do angka ariaringku, jala lam malos do ahu songon duhutduhut. [1275†] II.

¹³Alai anggo Ho, ale Jahowa, sai marhabangsa do Ho salelenglelengna, jala marsundutsundut do parningotan di Ho.

¹⁴Sai hehe ma Ho mambahen asi ni roham di Sion, ai nunga jumpang tingki parasi ni roha di ibana, nunga ro tingkina. [1276†]

¹⁵Ai holong situtu do roha ni angka naposom mida angka batu ni Sion, jala habot do rohanasida mida orbukna.

¹⁶Jadi mabiar sogot angka parbegu mida goar ni Jahowa, ro di sude angka raja ni tano on mida hamuliaonmu.

¹⁷Ala naung dipauli Jahowa Sion i, naung tarida Ibana di hamuliaonna.

¹⁸Naung marpangulahi rohana mida tangiang ni na so mardihadiha, jala * ndang lea rohana di tangiangnasida. [1277†]

¹⁹Surathononhon ma i tu na pinompar sogot, jadi bangso sitompaon dope mamuji Jahowa sogot. [1278†]

²⁰Ala naung manatapnatap Ibana sian habadiaonna na timbo i, ala naung mandulo Jahowa sian banua ginjang tu tano on. [1279†]

²¹Laho manangihon hoihoi ni angka na tarbuang, laho paluahon angka anak ni hamatean hian. [1280†]

²²Asa dibaritahon nasida di Sion goar ni Jahowa dohot baritana di Jerusalem.

²³Molo sange marpungu sogot angka bangso ro di angka harajaon mangoloi Jahowa. [1281†]

²⁴Nunga suda gogongku di tongandalan dibahen Ibana, nunga dipajempek ariaringku. [1282†]

²⁵Ningku ma: Ale Debatangku, unang tung alap ahu di parsitongaan ni angka ariaringku, marsundutsundut do ianggo angka taonmi. [1283†]

²⁶Ho do paojakkon tano on di na robi, jala jadijadian ni tanganmu do angka langit. [1284†]

²⁷Ianggo nasida laho mago do sogot, alai anggo Ho sai hot do; laho buruk do ianggo nasida sude songon ulos; songon sampesampe paubaonmu nasida sogot, gabe muba ma nasida. [1285†]

²⁸Alai sai tong do ianggo Ho, jala ndang olo marujung angka taonmi. [1286†]

²⁹Sai dapotan inganan do angka anak ni naposom, jala sai hot di jolom do pinomparnasida. [1287†]