Read Batak Toba PSALMEN 103 Bible Online

PSALMEN 103 - Batak Toba bible

PSALMEN 103

¹Ende sian si Daud. [1] Puji ma Jahowa, * ale tondingku, jala nasa rohangku di bagasan mamuji goarna na badia i. [1288†]

²Puji ma Jahowa, ale tondingku, jala unang tung halupahon denggan ni basana sudena.

³Ibana do manesa dosam sudena, Ibana pamalum angka sahitmu sudena. [1289†]

⁴Ibana * paluahon ngolum sian hamagoan, Ibana + martumpalhon tu ho denggan basa dohot asi ni roha. [1290†]

⁵Ibana pamahap roham marhitehite denggan basa, asa mulak poso ho, songon * pidong raja wali. [1291†]

⁶Jahowa do patupahon angka pambahenan hatigoran, jala dipatingkos uhum tu sude angka na nirupa.

⁷Ibana do pabotohon angka dalanna tu si Musa, tu angka anak ni Israel angka pambahenna i. [1292†]

⁸Parasi roha jala pardengganbasa do Jahowa, lambat tarrimas jala parasi roha godang. [1293†]

⁹Ndang tongtong Ibana manorui, jala ndang gotos rohana saleleng ni lelengna. [1294†]

¹⁰Ndang dibahen tu hita hombar tu angka dosanta, jala ndang dibaloshon tu hita hombar tu angka hajahatonta.

¹¹Ai songon dao ni langit sian tano on do gogo ni asi ni rohana di angka na mangkabiari Ibana. [1295†]

¹²Songon dao ni habinsaran sian hasundutan dipadao Ibana sian hita angka pangalaosintai.

¹³Songon asi ni amaama tu angka anakna asi ni roha ni Jahowa di angka na mangkabiari Ibana.

¹⁴Ai diboto Ibana do tompanta, diingot do * orbuk hita. [1296†]

¹⁵Songon duhutduhut do ariari ni jolma na gale i, marbunga ibana songon bunga di ladang. [1297†]

¹⁶Ai dibolus alogo ibana, jadi ndang disi be, jala ndang tartanda be ingananna i.

¹⁷Alai anggo asi ni roha ni Jahowa sian salelenglelengna do ro di salelenglelengna di angka na mangkabiari Ibana, jala hatigoranna marnini marnono. [1298†]

¹⁸Di angka na mangaradoti padan binahenna i dohot patupahon angka patikna i. [1299†]

¹⁹Nunga dipaojak Jahowa habangsana di banua ginjang, jala harajaonna sasudena. [1300†]

²⁰Puji ma Jahowa, hamu ale angka surusuruanna, hamu ale * angka ulubalang na gogo, angka na + patupahon hatana, di na tinangihonmuna soara ni hatana i! [1301†]

²¹Puji ma Jahowa, hamu ale angka paranganna i sudena, hamu angka parhaladona, angka sipasaut lomo ni rohana!

²²Puji ma Jahowa, hamu ale * angka jadijadianna sudena, di sude inganan ni harajaonna i, puji ma Jahowa, ale tondingku! [1302†]