Read Batak Toba PSALMEN 109 Bible Online

PSALMEN 109 - Batak Toba bible

PSALMEN 109

¹Ende sian si Daud. I. [1] Sai unang mauhom Ho, ale Debata ni pujipujianku! [1398†]

²Ai ngangang do pamangan ni parjahat dohot pangalajak mangalo ahu, angka na mangkatai dohot ahu mardila sipaotooto.

³Jala dihaliangi ahu dohot angka hata hasomoran, jala dimusui ahu soada paralaan. [1399†]

⁴Sai dialo nasida do ahu balos ni holong ni rohangku, alai sai martangiang do anggo ahu. [1400†]

⁵Jala diampehon do tu ahu hajahaton, balos ni denggan basa, jala hasomoran, balos ni holong ni rohangku. [1401†]

⁶Pabangkit ma sada parjahat pandapotanna, jala sai jongjong ma di siamunna pangasung i. [1402†]

⁷Tole diuhumi ibana, ruar ma ibana tandap parjahat, jala gabe dosa ma tangiangna i. [1403†]

⁸Sai lam tu otikna ma angka ariarina i, ingkon na asing jumalo * tohonanna. [1404†]

⁹Sai tading di lampin ma anakkonna i, jala mabalu jolmana i. [1405†]

¹⁰Sai mompasompas ma anakkonna manggoanggo, jala sai mandiori sidabuannasida holong sian parulangulangannasida i. [1406†]

¹¹Sai dihishis pangurangan ma sude na di ibana i, jala sai dipupusi halak na pulik ma na sinamotsamotna.

¹²Sai unang ma adong na pateltel asi ni roha tu ibana, jala sai unang adong na asi roha tu anakkonna angka na tading di lampin.

¹³Sai ripur ma pinomparna i, sai siap ma goarnasida di sundut paduahon. [1407†]

¹⁴Sai taringot ma hajahaton ni amanasida tu Jahowa, jala sai unang tarsesa dosa ni inana i. [1408†]

¹⁵Sai tongtong ma angka i di adopan ni Jahowa, jala Ibana maniaphon * baritanasida sian tano on. [1409†]

¹⁶Ala na so diingot mambahen asi ni roha jala dilotongi sada baoa na dangol jala na pogos, jala na jimput hian marroha, naeng bunuonna. [1410†]

¹⁷Dihaholongi rohana do torutoru, jadi manginona ma tu ibana; jala ndang dihalomohon pasupasu, jadi mandao ma sian ibana.

¹⁸Dialithon do torutoru hira pangkeanna, jadi ditopot ma tubagasan dirina * songon aek, jala songon miak tubagasan holiholina. [1411†]

¹⁹Asa songon ulos na tinapolhon ma i tu ibana, jala gabe hohos na tongtong hinobahon.

²⁰I ma nian upa ni angka na mangalo ahu sian Jahowa dohot angka parpangkuling na jat dompak tondingki. II.

²¹Alai anggo Ho, ale Tuhan Jahowa, roham ma di ahu ala ni goarmi; ai na denggan do asi ni roham, sai palua ma ahu!

²²Ai na dangol jala na pogos do ahu, jala mabugang do rohangku di bagasan. [1412†]

²³Songon halinu na pagistang dirina do ahu laho salpu, dilotongi do ahu songon sihapor. [1413†]

²⁴Rabatrabat do ulu ni tothu dibahen parpuasaon, jala merus do sibukku, ndang be marmiak.

²⁵Jadi ingkon sieleselesonnasida nama ianggo ahu, angka mangupir be ulunasida i marnida ahu. [1414†]

²⁶Sai urupi ma ahu, ale Jahowa, Debatangku! Sai tumpahi ma ahu hombar tu asi ni roham.

²⁷Asa tung ditanda nasida tanganmu do i, Ho do, ale Jahowa, mambahensa.

²⁸Mamburai ianggo nasida, alai * mamasumasu do ianggo Ho; hehe do angka nasida, hape tarurak do, jadi marlas ni roha ma naposom. [1415†]

²⁹Sai marpangkean haurahon do sogot angka na mangalo ahu, jala ditapolhon hailaonnasida i songon sampesampe. [1416†]

³⁰Pujionku situtu ma Jahowa marhitehite pamanganku, jala patimbulonku ma Ibana di tonga ni hatoropan. [1417†]

³¹Ai * jongjong do Ibana di siamun ni na pogos laho paluahon tondina i sian angka na manguhum marutang hosa. [1418†]