Read Batak Toba PSALMEN 11 Bible Online

PSALMEN 11 - Batak Toba bible

PSALMEN 11

¹I. [1] Ende sian si Daud. * Marhaposan tu Jahowa do ahu, boasa ma tung dohononmuna mandok tondingku: “Maporus hian ma tu + dolokmuna, ale pidong, na meat di handang.” [115†]

²Ai ida ma, nunga pola disintak angka parjahat sior i, nunga pola diampehon nasida sumbiana tu ihotihot i, laho maniorhon di na holom tu angka na tigor marroha. [116†]

³Ai ia dung sanga marompas angka tiang ojahan, hahuaon ni partigor i be? [117†] II.

⁴* Di bagasan bagasna na badia i pe Jahowa, jala ** banua ginjang habangsana, sai mangaranapi do matana, sai didodoi + imbulu ni matana do jolma manisia. [118†]

⁵Ditanda Jahowa do na tigor roha i, alai dihosom rohana do parjahat i dohot na mangkaholongi hajahaton. [119†]

⁶Udanudanhononna do tu angka parjahat i porhas, api, barerang dohot alogo, na mohop do jambar siinumonnasida. [120†]

⁷Ai na tigor do Jahowa, jala * dihaholongi do angka hatigoran, + idaon ni na tigor roha i ma sogot bohina. [121†]