Read Batak Toba PSALMEN 111 Bible Online

PSALMEN 111 - Batak Toba bible

PSALMEN 111

¹Halleluya! [1] Pujionku ma Jahowa sian nasa roha di luhutan ni angka partigor dohot di huria i.

²Balga do angka pambahenan ni Jahowa, hinalungunhon ni sude angka na lomo roha disi. [1426†]

³Hamuliaon dohot hasangapon do parulaonna i, jala hot do jongjong hatigoranna i salelenglelengna.

⁴Nunga dibahen Ibana sada parningotan di halongangan angka na binahenna i, pardengganbasa jala parasi roha do Jahowa. [1427†]

⁵Nunga diparbohali angka na mangkabiari Ibana, diingot do padan binahenna i ro di salelenglelengna. [1428†]

⁶Nunga dipabotohon tu bangsona gogo ni pambahenanna i mangalehon tu nasida parjambaran ni angka parbegu. [1429†]

⁷Hasintongan dohot uhum do angka pambahenan ni tanganna, sintong do sude angka patikna i.

⁸Hot do angka i ro di salelenglelengna, dibahen do angka i di bagasan hasintongan dohot habonaron.

⁹Nunga ditongoshon Ibana haluaon tu bangsona, dipatik do padan binahenna i salelenglelengna, nabadia jala na songkal do goarna i. [1430†]

¹⁰Biar mida Jahowa do parmulaan ni habisuhon, maruli hapistaran na sumurung do sude angka na mangulahonsa; hot do baritana i ro di salelenglelengna. [1431†]